Эрүүл мэндийн хөгжлийн төвийн захирал Б.Нарантуяа бусдаас авлига авсан хэргээр саатуулагдсан, шалгагдаж байгаа талаар мэдээлэл хэвлэлээр гарсан. УИХ-ын чуулганы хуралдааны үеэр ЭМ-ийн сайд дээрх асуудалтай холбоотой тайлбар хийлээ. ЭМ-ийн сайд Д.Сарангэрэл:
-Батлагдсан хуулиудтай холбогдуулан Эрүүл мэндийн хөгжлийн төвийн даргын албан тушаал надад хэрэггүй. Сүүлийн үед Б.Нарантуяа гэдэг түр орлон гүйцэтгэгчийн асуудал хэвлэлээр гарч байна. Тиймээс газрын даргыг нь Б.Нарантуяатай уулзах үүрэг өгсөн. Би Нарантуяагийн шорон оронд орсон тухай мэдээллийг мэдэхгүй байна. Эрүүл мэндийн хөгжлийн төв Төрийн захиргаа удирдлагын газарт харъяалагддаг юм билээ. Б.Нарантуяатай холбоотой гадаадын сургалтад мэргэжлийн хүмүүсийн биш танил тал, ах дүү хамаатнаа явуулсан, эмчлэх эрхийн лицензтэй холбоотой зэрэг олон гомдол ирсэн байгаа. Б.Нарантуяатай түр орлон гүйцэтгэгчээр ажилладаг юм билээ. Б.Нарантуяаг албан тушаалаас нь бүрэн чөлөөлнө. Мөн medee.mn сайт дээр “Эрүүл мэндийн сайд Б.Нарантуяатай холбоотой мэдээллийг хэвлэлээр мэдээлэхгүй байх үүрэг өгсөн” гэж мэдээлсэн. Би мэргэжлийн сэтгүүлч хүн. Эрүүл мэндийн салбарт ажиллаж байгаа хүний хувьд шантаажны сэтгүүлзүйг өөгшүүлэхгүй хэмээлээ.
Н.Энх