"Сүнс­ний баяр" Ирландаас гаралтай. Аравду­гаар сарын 31-ний шөнө сүнснүүд цуг­лан, дэлхийгээр хэрэн хэсүү­чил­дэг хэмээн үздэг гэнэ. Уг баярын хамгийн том бэлгэдэл нь шар хулуу. Хойд Америкт харамч, хахи­раараа алдартай Чарли гэгч нэгэн эр амьдарч байжээ. Тэрээр туйлын харамч нэгэн байв. Тиймээс нас барсных нь дараа сүнс нь эд хөрөнгөндөө хор­годон үлджээ. Тэгээд аравду­гаар сарын 31-нд нар жарган, бүрэнхий болох үед шар хулуу болон харагд­даг болсон хэмээх домог яриа бий. Тиймээс айлууд түүний сүнсийг гэртээ ойр­туу­лахгүйн тулд хамгийн том шар хулууг сонгон авч, дотор нь лаа асаан тавьдаг болсон гэнэ. 

Тэгвэл уг баярын гол чимэг хулууг хэрхэн чимэглэх талаар “www.wikihow.com” сайт мэдээллээ.

Алхам №1

Хулуу том байх тусмаа илүү сүрлэг харагдана. Тиймээс та сонголтоо зөв хийгээрэй.

Алхам №2

Хулууны дотор гэрэл байрлуулах учир та дээд хэсэгт нь тойрог зураарай. Дараа нь тойргоо хутгаар зүсээрэй. Мэдээж хэрэг дотор талыг нь сайтар цэвэрлэх учиртай. Дээд хэсгийг нь гэмтээж болохгүй. Учир нь лаа эсвэл гэрэл хийгээд буцаагаад таглах учир.

Алхам №3

Одоо хамгийн чухал хэсэг. Хулуу дээрээ нүд болон ам зурах. Мэдээж хэрэг өмнө нь балаар зураад дээрх шиг хутгаар зүсч авбал илүү хялбар байх болно.

Алхам №4

Хүмүүс ихэвчлэн хулуу зориулалтын гэрэл байруулдаг. Мөн лаа ч байршуулж болно.

Алхам №5

Олон өдрийн турш хулуу гэрийн үүдэнд байрлах учир та гутал, цүнх эсвэл бусад ахуйн зүйл худалдан авахад дотор нь байрлах муутахаас сэргийлэх ууттай зүйлийг хулуу дотроо хийж болно.

Алхам №6

Төгсгөлд нь хулууныхаа гэрлийг шөнө асаавал илүү сайхан харагдах болно.

Б.Дэлгэрцэцэг