УИХ-ын нэгдсэн чуулганы хуралдааны эхэнд Ардчилсан намын бүлгийн дарга Ч.Сайханбилэг Эрүүгийн байцаан шийтгэх хуулийн төслийг хэлэлцэх горимын санал гаргалаа.
Түүний араас хэд хэдэн гишүүд өөрсдийн өргөн барьсан хуулийн төслийг хэлэлцэх асуудлын өмнө хэлэлцүүлэхийг хүссэн боловч УИХ-ын дарга Д.Дэмбэрэл хуралдах асуудлын дарааллын дагуу хуралдаанаа үргэлжлүүлэхээр боллоо. Ингээд хэлэлцэх асуудлын дараалал ёсоор Монгол Улсын эдийн засаг, санхүү, төвсийн төлөв байдлын талаархи мэдээллийг гишүүд сонсож байна.
Энэ үеэр УИХ-ын гишүүн Ц.Сэдванчиг иргэдэд олгох нэг сая төгрөгийг хэзээ олгохыг тодрууллаа. Түүний асуултад Сангийн сайд Д.Хаянхярваа “Хүний хөгжил сангийн мөнгийг төлөвлөсний дагуу нийслэлийн данс руу 24 тэрбум төгрөг шилжүүлсэн.
Хөдөө орон нутгийн мөнгийг удахгүй шилжүүлнэ. Нэг үгээр хэлэхэд, нэг сая төгрөгийг энэ сард багтаан олгоно” гэв.
С.Жигүүр