Хөлбөмбөгийн ДАШТ-ийг эсэргүүцэж Сао Пауло хотын ажилчид нээлт болох “Арена де Сан Паулу” цэнгэлдэхийн гадна тайван жагсаал хийжээ. “ВВС” агентлагийн мэдээлсэнээр тус жагсаалд 10 мянган хүн оролцсон гэв. Жагсагчид татвар төлөгчдийн мөнгийг хөлбөмбөгт биш зам тээвэр, эрүүл мэнд, боловсрол, хямд үнэтэй орон сууц барихад зарцуулах ёстой гэжээ. Тэд Сао Паулогийн цэнгэлдэх хүрэх замд байдаг хурдны замуудыг хаасан байна.

1

Тус хотын метроны ажилчид мөн ажил хаяж, цалин нэмэхийг шаардсан аж. Тус хотын метрогоор өдөрт 4.5 сая хүн зорчдог юм. Түүнчлэн нийслэл Рео де Женейро хотод цагдаа нарын болчимгүй үйлдлийг эсэргүүцэж хэдэн мянган иргэд эмх замбараагүй байдал үүсгэж, 100 гаруй цагдаагийн биед халдаж 20 гаруй дэлгүүр шатаасан тухай “Rio de Janeiro post” мэдээллээ.

1

Женейро хотын чиглэлд явдаг сая гаруй тов оврын автобусны жолооч нээлтийн үеэр ажил хаяхаа мэдэгдсэн юм. Жолооч нар “Бусдад сайхан харагдахыг тулд нүүрээ буддаг төр хэрэггүй. Бидэнд ард түмнээ хүндэлдэг төр, Ерөнхийлөгч хэрэгтэй байна” хэмээжээ.

1

Б.Дэлгэрцэцэг