Энэ сарын 12-нд эхлэх ДАШТ-ийг эсэргүүцэж, Бразилийн олон мянган ажилчин ажил хаяхаа мэдэгдэж, эмх замбараагүй байдал үүсгээд буй. Тэгвэл тус улсын шигшээ багийн довтлогч Неймар да Силва Сантос Жуниор “Twitter” хуудсаараа дамжуулж бразилчуудыг тайвшрахыг хүссэн тухай “www.football.co.uk” мэдээллээ.

1

Тэрбээр “Би талбай дээр байна. Эх орныхоо нэрийн өмнөөс ДАШТ-д аваргын цомын төлөө өрсөлдөх гэж байна. Бразил улсын нэрийг өндөрт өргөхийг зөвшөөрөөч. Бразилчуудаа эх орноо хүндлээч. Энэ сайхан тэмцээнийг нулимс, уй гашуугаар бүү будаач. Би та бүхэнд итгэж байна. Аварга болохыг төлөө тэмцэхээ амлаж байна. Та бүхний дэмжлэг хэрэгтэй” гэж жиргэжээ.

1

Б.Дэлгэрцэцэг