Хятадын хориг арга хэмжээнд ороод багагүй хугацааг өнгөрөөж буй Хятадын Хуавэй компани теле харилцааны салбарын судалгааны төвөө АНУ-аас нүүлгэн, Канадад байршуулахаар болсон талаар ВВС мэдээллээ. 

Америкийн эрх баригчид сүүлийн жилд Хуавэй компанийн эсрэг олон хориг тавьж, Америкийн компаниудыг Хятадын энэ компанид дэвшилтэт технологи худалдахыг хориглон, Хуавэйтэй холбоо харилцаатай байхаа зогсоохыг шаардан улс орнуудад дарамт үзүүлж байгаа юм. 

Түүнчлэн Хуавэй компаний эсрэг эрүүгийн хэрэг үүсгэн, шүүхээр шийдвэрлүүлэхээр болсон. Ийм алхмууд хийх болсон шалтгаан нь Хятадын эрх баригчид Хуавэй компанийн технологийн тусламжтайгаар Америкийн компаниуд, яамд төдийгүй энгийн иргэдийг ч тагнаж чагнаж байж болзошгүй хэмээн үзсэнтэй холбоотой юм. 

Харин Хуавэй ийнхүү буруутгасныг нь эсэргүүцэн, Америкийн эрх баригчдын эсрэг шүүхэд хандахаар бэлдэж байгаа аж. 

Huawei АНУ-ын эсрэг зарга үүсгэв 

Г.Бямбасүрэн