Газар ухах, худаг гаргах, сэтгэлд сэвтэй газар очих, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Дашнямтай өдөр. Үс шинээр үргээлгэх буюу засуулахад тохиромжгүй хэмээжээ.
Хамгийн сайн вакцин бол сахилга бат, хариуцлага. Бид хаана хаана сахилга бат, хариуцлага байж энэ аюулт цар тахлыг даван гарна.
Өглөө 11 цагийн мэдээнээс хойш ХӨСҮТ-ийн хоёр лабораторид 98 хүний шинжилгээ, Дорнод аймгийн лабораторид 68 хүний шинжилгээний хариу сөрөг гарлаа. ЗӨСҮТ-ийн лабораторид нийслэлийн хотын нэгдүгээр хавьтал 909 шинжилгээ хийхэд өглөө 750 хүний шинжилгээний хариу сөрөг гарсан бол үлдсэн 159 хүний шинжилгээний хариу сөрөг буюу коронавирус илрээгүй. Тандалт судалгаа үргэлжилж байна. Мөн хоёрдугаар хавьтлын 5314 хүнийг шинжилгээнд хамрууллаа. Үүнээс 1394 хүний шинжилгээний хариу сөрөг гарсан байгаа.
ЭМЯ-наас коронавирусийн талаар мэдээлэл хийж байна
Сүхбаатар дүүргийн наймдугаар хороо Оюутны гудамж дахь “Говь гурван сайхан” төвд байрлах караокед 17.00-20.00 цагт “Өгөөж” нэртэй цайны газарт 12.00-14.00 цагт Сүхбаатар дүүргийн 10 дугаар хорооны нутаг дэвсгэрт байрлах “Топаз” зочид буудалд байсан иргэд өөрийгөө гэртээ, тэр дундаа гэр бүл, ойр дотныхноосоо ч тусгаарлахыг Нийслэлийн онцгой комисс, Нийслэлийн эрүүл мэндийн газраас уриаллаа.
Өнгөрсөн 24 цагийн байдлаар сайжруулсан түлшний хоёр үйлдвэрт 283 ажилтан ажиллаж нийт 2778.9 тонн сайжруулсан шахмал түлш үйлдвэрлэсэн байна. Харин түлшний нөөц 95,000 тонн байгаа юм. Нийслэлийн төвийн зургаан дүүргийн хэмжээнд нийт 610 шахмал түлш борлуулах цэг ажиллаж байна. Сайжруулсан шахмал түлшний хот доторх түгээлтийг тээврийн 22 компанийн 255 машинаар гүйцэтгэж байна.
Засгийн газрын хуралдаанаар Гамшгаас хамгаалах тухай хуулийн 11.3.3-ыг үндэслэн коронавируст халдварын цар тахалтай тэмцэх хариу арга хэмжээг эрчимжүүлэх, эрсдлээс урьдчилан сэргийлэх зорилгоор улсын хэмжээнд засаг захиргаа, нутаг дэвсгэрийн нэгж, төрийн болон нутгийн захиргааны байгууллага, иргэн хуулийн этгээдийг гамшгаас хамгаалах Бүх нийтийн бэлэн байдлын зэрэгт шилжүүлсэн хугацааг 14 хоногоор буюу 2020 оны 12 дугаар сарын 01-ний өдрийн 06:00 цаг хүртэл сунгалаа.
коронавируст халдварын цар тахалтай тэмцэх хариу арга хэмжээг эрчимжүүлэх, эрсдлээс урьдчилан сэргийлэх зорилгоор улсын хэмжээнд засаг захиргаа, нутаг дэвсгэрийн нэгж, төрийн болон нутгийн захиргааны байгууллага, иргэн хуулийн этгээдийг гамшгаас хамгаалах Бүх нийтийн бэлэн байдлын зэрэгт шилжүүлсэн хугацааг 14 хоногоор буюу 2020 оны 12 дугаар сарын 01-ний өдрийн 06:00 цаг хүртэл сунгалаа.
Нөөцийн махыг Нийслэлийн нутаг дэвсгэрийн зургаан дүүргийн 15 байршилд худалдан борлуулахаар нийслэлээс шийдвэрлэсэн. Нөөцийн махны үнийн хувьд хонины мах 6700, үхрийн мах 7700 төгрөгөөр борлуулагдаж байгаа. Харин иргэд хөл хорионы энэ үед нөөцийн маханд дугаарлаж, урт дараалал үүслээ.
Хуралдаанаар коронавирусийн халдварын нөхцөл байдлын талаар болон хөл хориог сунгах эсэхийг хэлэлцэн шийдвэрлэнэ.
Эрдэмтэн судлаачид хөл хорио тогтоосон хугацааг 14 хоногоор сунгах зайлшгүй шаардлагатай гэдэг дээр санал нэгджээ. Учир нь одоо явагдаж буй тандалт судалгааны ажлыг дуусгах , цаашид тохиолдлын дам халдваруудыг тогтоох, шинжилгээнд хамруулах ажлуудыг өргөн хүрээнд хийх шаардлагатай Мөн хүн амын дунд санамсаргүй түүврийн аргаар 4000-5000 хүнд шинжилгээ хийхээр төлөвлөж байгаа гэнэ.
Эрүүл мэндийн яам болон Эрдэмтдийн зөвлөл хуралдаж Улсын онцгой комисст хөл хорионы хугацааг 14 хоногоор сунгах санал хүргүүлжээ.
Тусгаарлах байрны 21 хоногийн хугацаа дууссан хүмүүс үргэлжлүүлэн тодорхой хугацаанд тухайн байран дээр байх шаардлага үүссэнтэй холбогдуулаад нэмэлт зардлын асуудлыг хэн шийдэх вэ гэх асуулт, хүсэлт иргэдээс ирж байна. Нэмэлт зардлын асуудлыг зардлыг цаашид төрөөс шийдэж ажиллана. Мөн хавьтал болсон гэж гурван цэгт тусгаарлаж байгаа хүмүүсийн зардлын асуудлыг төр хариуцна.
ХӨСҮТ-ийн хоёр лаборатори, ЗӨСҮТ-ийн лаборатори, Сэлэнгэ аймгийн лабораторид нийт 814 хүнд шинжилгээ хийлээ. Үүнээс 2 хүний шинжилгээнд коронавирус илэрлээ.
ЭМЯ-наас коронавирусийн талаар мэдээлэл хийж байна
Коронавирусийн халдвараас урьдчилан сэргийлэх хүрээнд улс даяар бэлэн байдлын зэрэгт шилжиж, хөл хорио тогтоогоод буй. Хүнсний үйлдвэрлэл, хүнсний дэлгүүр, эмийн сан, эмнэлэг, хэвлэл мэдээлэл, шатахуун хангамж, эрчим хүч, дулаан хангамж...зэрэг тодорхой тооны чиглэлээс бусад салбарынхан энэхүү хөл хорионы дэглэмд хамаарахгүй юм. Улс орон даяар хэрэгжүүлж буй онцгой нөхцөл байдалд ажиллаж буй Тавантолгой түлш компанийн сайжруулсан түлш борлуулах цэгүүдийн үйл ажиллагааг тогтвортой явуулахад Нийслэлийн Засаг даргын Тамгын газраас онцгойлон анхаарч байна.
Гурил, будаа, хүнсний ногоо зэрэг бүтээгдэхүүн элбэг, үнэ тогтвортой байгааг худалдаа эрхлэгчид хэллээ. Гэхдээ иргэд ердийн үеэс хоёр дахин их хэмжээгээр мах, хүнсний бүтээгдэхүүн худалдан авсан байна. Өнөөдрийн байдлаар үхрийн мах нэг килограмм нь дунджаар 11,000-12,000, хонины мах 9,000, адууны мах 7,500-8,500 буюу 1,000 гаруй төгрөгийн хэлбэлзэлтэй, төмс нэг килограмм нь 700, сонгино 1,600 төгрөг, бусад хүнсний ногооны үнэ хэвийн, Алтан тариа компанийн гурил нэг килограмм нь 1,329-1,530, будаа 3,600 төгрөгийн ханштай байлаа. Иргэд, худалдаа эрхлэгчид мах, хүнсний бүтээгдэхүүний тээвэр, нийлүүлэлт, зохион байгуулалтыг сайжруулах, гэр хороололд махны бөөний цэг байгуулах нь зүйтэй
Улсын онцгой комиссын шийдвэрийн дагуу 11 дүгээр сард үйлдэгдэх байсан бүх нислэгүүдийг цуцлаад байна. Энэ сард 10 удаагийн нислэгээр 1980 иргэнийг эх орондоо авчрахаар төлөвлөөд байсан.
Засгийн газар хүнсний хангамжийг тогтвортой байлгах зорилгоор бүх төрлийн хүнсний будаа /цагаан будаа, гурвалжин будаа, шар будаа, бусад/, ургамлын тос, 2020-2021 оны өвөлжилт, хаваржилтыг хүндрэлгүй давахад шаардагдах өвс, бүх төрлийн малын тэжээл, тэжээлийн үр, хүнсний улаанбуудай, улаанбуудайн үр, тослог ургамал, ургамлын түүхий тосыг Гаалийн болон НӨАТ-аас чөлөөлөхөөр төлөвлөж байна.