Яг одоо Төрийн ордонд МАН-ын Удирдах зөвлөл хуралдаж эхэлсэн байна. Эрх баригчид удирдах түвшинд нүүрсний хулгайчдадаа хариуцлага тооцох, улмаар УИХ-ыг тарааж, Засгийн газрыг огцруулах хувилбарыг боловсруулж эхэлсэн гэх мэдээлэл байна.
Нүүрсний олборлолт, тээвэрлэлт, экспортын асуудлаар ерөнхий хяналтын сонсгол явуулах УИХ-ын даргын захирамжийг өчигдөр гаргалаа.
УИХ-ын гишүүн асан Ж.Батзандангийн хоригдох хугацаа өнөөдрөөр дуусгавар болж, суллагдаж байгаа талаар эх сурвалжууд мэдээлж байна.
Өнөөдөр УИХ-ын байнгын болон түр хороо хуралдана.
18 настай, эмэгтэй Н-ийн хөл гэмтсэн тул ГССҮТ-д хүргэсэн.
Цаг үеийн нөхцөл байдлаас үүдэн МАН маргааш буюу энэ сарын 6- нд товлосон II Бага хурлаа хойшлууллаа.
Мөн жагсаал цуглаанд эцэг эх, асран хамгаалагчид бага насны хүүхдээ дагуулан оролцож байгаа тул хүүхдийнхээ аюулгүй байдлыг хангах, хараа хяналтгүй орхихгүй байх, өсвөр насны хүүхэдтэй эцэг эхчүүд хүүхэд тань гэртээ байхгүй тохиолдолд хаана, хэнтэй юу хийж байгааг нь асууж тодруулан гэмт хэрэг, зөрчилд холбогдож хохирохоос урьдчилан сэргийлээрэй
Хууль сахиулагчийг албан үүргээ биелүүлэхтэй нь холбогдуулан хүч хэрэглэсэн, хүч хэрэглэхээр заналхийлж эсэргүүцсэн бол хоёр мянга долоон зуун нэгжээс арван дөрвөн мянган нэгжтэй тэнцэх хэмжээний төгрөгөөр торгох, эсхүл зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ.
Улсын Их Хурлын дарга Г.Занданшатар өнөөдөр (2022.12.05) үүсээд буй нөхцөл байдалтай холбогдуулан Улсын Их Хурлын дэд дарга С.Одонтуяа, Улсын Их Хурлын гишүүн, Үйлдвэржилтийн бодлогын байнгын хорооны дарга Т.Энхтүвшин, Улсын Их Хурлын гишүүн, Жижиг, дунд үйлдвэрлэлийн дэд хорооны дарга Ж.Бат-Эрдэнэ, Улсын Их Хурлын гишүүн Б.Бейсен, Т.Доржханд нартай уулзлаа.
Нүүрсний хулгайч нарыг илчилж, хариуцлага тооцохыг шаардсан жагсагчид талбайг дүүргээд байна.
Нүүрсний хулгайчдыг ил болгож, хариуцлага тооцохыг шаардсан жагсагчид Төрийн ордон руу дайрч орсон. Дайрах явцад шахцалдаанаас болж, нэг хүний бие муудсан байна
Эдийн засгийн хөгжлийн сайд Ч.Хүрэлбаатар нүүрсний хулгайн асуудлаар шалгагдаж буй албан тушаалтнуудыг нэрлэлээ.
Иргэдийн жагсаал цуглаантай холбогдуулан Засгийн газрын хэрэг эрхлэх газрын дарга Д.Амарбаясгалан, Эдийн засгийн хөгжлийн сайд Ч.Хүрэлбаатар над өнөөдөр /2022.12.05/ мэдээлэл хийлээ.
Шуурхай зөвлөгөөний төгсгөлд Нийслэлийн Засаг дарга бөгөөд Улаанбаатар хотын Захирагч Д.Сумъяабазар нийслэлийн нутгийн захиргааны байгууллагууд төсвийн мөнгөөр шинэ жил тэмдэглэхгүй гэдгийг хэллээ.
УИХ-ын гишүүн С.Ганбаатар нүүрсний хулгайн толгойлогчид хэмээн бизнесменүүдийг зарлалаа.
"Эрдэнэс тавантолгой"-н хувьцааг Монголын ард түмэн эзэмшдэг. Гэтэл хувьцаа эзэмшигчдээсээ мэдээллээ нуудаг байж болохгүй. Нүүрсний хулгайг эрх баригчид биш өнгөрсөн есдүгээр сард ОУВС-ийн Дэлхийн банкны мэдээлэлд гарсан.
Ерөнхийлөгч У.Хүрэлсүх, УИХ-ын дарга Г.Занданшатар, Ерөнхий сайд Л.Оюун-Эрдэнэ нар ҮАБЗ-өөс дэмжлэг үзүүлж, Засгийн газарт эрхийг нь нээж байж цаашаа явна.
У.Хүрэлсүх, Г.Занданшатар, Л.Оюун-Эрдэнэ нар ажлаа хийхгүй байна. Улс орон даяар тооцоо судалгаа гарчихаад байхад төрийн өндөрлөгүүд ажлаа хийе.
Гаалийн бүрдүүлэлтгүй 6.4 сая тонн нүүрс БНХАУ руу гарсан. Энэ нь хамгийн багадаа 6.4 тэрбум ам.доллараар тооцогдож байгаа талаарх мэдээлэл тархаж олон нийтийн шүүмжлэлийг дагуулж байгаа