Нийслэлийн Засаг даргын А/740 тоот захирамж гарч, Дархан цаазат Богдхан уулын тэнцвэрт байдал, ой, ургамалд сөрөг нөлөөтэй байгууламжуудыг буулгаж эхэллээ. Тухайлбал, Хан-Уул дүүргийн 11 дүгээр хорооны нутаг Ар Зайсангийн гудамжинд байрлах хийц бүтээцэд нь ан цав, цууралт үүсэж, ноцтой эвдэрч гэмтсэн барилга байгууламжуудыг албадан буулгах ажлыг өнөөдрөөс эхлүүлээд байна.
Сүхбаатарын талбай орчимд Дорноговь аймгийн Даланжаргалан сумын малчид Ерөнхийлөгч, УИХ-ын дарга, Ерөнхий сайд нарт шаардлага хүргүүлж, тайван жагсаал зохион байгуулна
Гэхдээ сүүлийн өдрүүдэд ерөнхий боловсролын сургууль, их дээд сургуулийн хонхны баяр, “Эхийн алдар” одон гардуулах ёслол, одонгийн найр, баяр ёслол, хүлээн авалт, хурим найр олон болж байна. Ингэхдээ тэд бүгд амны хаалтгүй байна. Мөн манай улсад "олон нийтийн газар амны хаалт заавал зүүх" журам цуцлагдаагүй байгааг дурдах нь зөв биз.
Их шөвөгт шалгарсан Увс аймгийн Тэс сумын харьяат, Хилчин СХ, Хово центр ХХК, Увснуур дэвжээний бөх, аймгийн заан О.Түмэн цогт чимэг нэмсэн бол Булган аймгийн Сайхан сумын харьяат, “Хилчин” СХ, -ны бөх, цэргийн начин Б.Бат-Эрдэнэ цэргийн харцага, мөн тав давж шөвгөрсөн Архангай аймгийн Хашаат сумын харьяат, “Алдар” СХ, “Залуу ноёд” ХХК, “Бөхбилэгт” дэвжээний бөх, сумын заан С.Сүхбат, Увс аймгийн Тэс сумын харьяат, “Алдар” СХ, “Улаангом” дэвжээний бөх, сумын заан Г.Баянмөнх нар цэргийн начин цол тус тус хүртлээ.
Ихэнх нутгаар үүлшинэ. Баруун болон зүүн аймгуудын нутгийн зүүн, төвийн аймгуудын нутгийн баруун хэсгээр бороо, дуу цахилгаантай аадар бороо орно. Бусад нутгаар бороо орохгүй. Салхи ихэнх нутгаар баруун хойноос секундэд 5-10 метр, борооны өмнө түр зуур ширүүснэ. Хэнтийн уулархаг нутаг, Тэрэлж, Онон, Улз, Халх голын хөндийгөөр 12-17 хэм, Их нууруудын хотгор болон Алтайн өвөр говиор 27-32 хэм, бусад нутгаар 16-21 хэм дулаан байна.
Өнөөдөр нийслэлд автомашингүй өдөр тохиож байна. “Улаанбаатар марафон-2022” олон улсын гүйлтийн тэмцээн өнөөдөр болж байгаа бөгөөд гүйлттэй холбоотойгоор өнөөдрийг “Автомашингүй өдөр” болгож, 06:00-18:00 цагийн хооронд зарим замын автомашины хөдөлгөөнийг хязгаарлаж байгаа юм. Тодруулбал, “Авто машингүй өдөр”-өөр Зүүн дөрвөн замаас, Баруун дөрвөн зам хүртэл, Гэсэр сүмээс Зоос гоёл хүртэл, Хүнсний дөрөвдүгээр дэлгүүрээс Хятадын Элчин сайдын яам хүртэлх замын хөдөлгөөнийг хязгаарлаж байгаа юм. Эдгээр авто машин хязгаарласан бүсүүд иргэдэд зориулсан явуулын хоолны цэг, халуун цай кофегоор үйлчлэх кофе шопууд нээлттэй ажиллаж байна.
Европын холбооноос Монгол Улсад суугаа Төлөөлөгчийн газраас Сүхбаатарын талбайд “Европын өдөрлөг”-ийг зохион байгуулж байна. Өдөрлөгт Нийслэлийн Засаг дарга бөгөөд Улаанбаатар хотын Захирагч Д.Сумъяабазар, Европын холбооны гишүүн орнуудаас Монгол Улсад суугаа Элчин сайд нар, Гадаад харилцааны яамны Европын газрын захирал Г.Баттунгалаг нарын албаны хүмүүс уригдан оролцлоо. Өдөрлөгийг нээж Европын холбооноос Монгол Улсад суугаа Онц бөгөөд Бүрэн эрхт Элчин сайд Аксель Никэйз үг хэллээ.
Вакцинжуулалт эхэлснээс хойш нийслэлийн зорилтот хүн амын I тунгийн хамралт 75.2 хувь, II тунгийн хамралт 72.1 хувь, III тунгийн хамралт 54.1 хувь, нэмэлт IV тунгийн хамрагдалт 6.9 хувь байна. Нийслэлийн хэмжээнд нийт 1.081.496 иргэн дархлаажуулалтын бүрэн тунд хамрагджээ. 2022 оны 5 дугаар сарын 28-29-ний өдрүүдэд дархлаажуулалтын цэгүүд ажиллахгүй. Тавдугаар сарын 30-ны даваа гарагаас төлөвлөлтийн дагуу ажиллана.
“Улаанбаатар марафон-2022” гүйлтийн тэмцээн үргэлжилж байна. Үүнтэй холбоотойгоор 06:00-18:00 цагийн хооронд зарим авто замын хөдөлгөөнийг хязгаарлах тул нийтийн тээврийн 39 чиглэлд өөрчлөлт орж, троллейбусны гурван чиглэлийн үйлчилгээ түр зогссоно. Тодруулбал, Бага тойруу, Энхтайваны өргөн чөлөө, Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Сүхбаатарын гудамж, Их сургуулийн гудамж, Элчингийн гудамж, Хөх тэнгэрийн гудамж, Партизаны гудамж, Олимпын гудамж Самбуугийн гудамжны авто замын хөдөлгөөнийг хязгаарлах юм. Иймээс эдгээр гудамж, замаар үйлчилгээ үзүүлдэг нийтийн тээврийн чиглэлүүд нь дараах төлөвлөлтийн дагуу иргэдэд үйлчилнэ.
“Улаанбаатар марафон-2022” олон улсын гүйлт үргэлжилж байна. Нийслэл хотын төв хэсгийг автомашины хөдөлгөөнөөс чөлөөлж, марафонд оролцогчид гүйхийн сацуу иргэд чөлөөтэй зорчих, явган алхаж, дугуй, ролик, скүүтер унаж, биеэ чийрэгжүүлэх боломжийг олгосон билээ. Энэ удаагийн “Улаанбаатар марафон-2022” олон улсын марафон гүйлт нь хоёр жил дамнан үргэлжилсэн цар тахлын дараах нийтийг хамарсан спортын анхны наадам болж байгаагаараа онцлог. Тиймээс ч гүйлтэд Монголын нэр хүндтэй тамирчдаас гадна гадаадын 26 орны 150 гаруй гүйгч, тамирчид оролцож байна.
“Улаанбаатар марафон-2022” олон улсын гүйлтийн тэмцээн үргэлжилж байна. Гүйлттэй холбоотойгоор өнөөдрийг “Автомашингүй өдөр” болгож, 06:00-18:00 цагийн хооронд зарим замын автомашины хөдөлгөөнийг хязгаарлаж байгаа юм. Мөн дүүргүүдэд иргэд, олон нийтийг хамарсан уралдаан тэмцээн, соёл, урлагийн арга хэмжээ зохион байгуулж байгаагаас гадна Сүхбаатарын талбайд “Европын өдөрлөг” болно.
Баруун аймгуудын нутгаар солигдмол үүлтэй, бусад нутгаар үүлэрхэг. Баруун аймгуудын нутгийн зүүн, төв болон говийн аймгуудын ихэнх нутаг, зүүн аймгуудын нутгийн баруун өмнөд хэсгээр бороо, дуу цахилгаантай аадар бороо, уулархаг нутгаар нойтон цас орно. Салхи ихэнх нутгаар баруун хойноос секундэд 6-11 метр, борооны өмнө түр зуур ширүүсэж, зарим газраар секундэд 14-16 метр хүрч ширүүсэж, шороон шуурга шуурна. Ихэнх нутгаар сэрүүсэж Дархадын хотгор болон Хөвсгөл, Хэнтийн уулархаг нутаг, Хангайн уулархаг нутгийн өвөр бэл, Хүрэнбэлчир орчим, Орхон, Туул, Тэрэлж голын хөндийгөөр 7-12 хэм, Их нууруудын хотгор болон Алтайн өвөр говиор 24-29 хэм, Монгол-Алтайн уулархаг нутгаар 20-25 хэм, бусад нутгаар 14-19 хэм дулаан байна.
“Улаанбаатар марафон-2022” гүйлтийн тэмцээн маргааш буюу тавдугаар сарын 28-нд болно. Үүнтэй холбоотойгоор тухайн өдөр 06:00-18:00 цагийн хооронд зарим авто замын хөдөлгөөнийг хязгаарлах тул нийтийн тээврийн 39 чиглэлд өөрчлөлт орж, троллейбусны гурван чиглэлийн үйлчилгээ түр зогсоно. Тодруулбал, Бага тойруу, Энхтайваны өргөн чөлөө, Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Сүхбаатарын гудамж, Их сургуулийн гудамж, Элчингийн гудамж, Хөх тэнгэрийн гудамж, Партизаны гудамж, Олимпын гудамж Самбуугийн гудамжны авто замын хөдөлгөөнийг хязгаарлах юм. Иймээс эдгээр гудамж, замаар үйлчилгээ үзүүлдэг нийтийн тээврийн чиглэлүүд нь дараах төлөвлөлтийн дагуу иргэдэд үйлчилнэ.
Маргааш Европын холбооноос Монгол Улсад суугаа Төлөөлөгчийн газраас Сүхбаатарын талбайд 11:00-17:00 цагт “Европын өдөрлөг”-ийг зохион байгуулна.
Ингэхдээ өдөрт хийх вакцины тодорхой хэмжээ заагаагүй тул иргэд ч мөн нээлттэй үйлчлүүлэх боломжтой гэнэ. Тус цэг нь есдүгээр сарын 20-ний өдрийг хүртэл ажлын өдрүүдэд 09-16 цаг, амралтын өдрүүдэд 10-15 цагийн хооронд иргэд болон, жуулчдад нээлттэй ажиллана. Вакцин хийлгэх гадны жуулчид гадаад паспорт, үнэмлэхийн дугаараар мэдээллээ бүртгүүлээд Файзер, Синафарм хоёр төрлийн вакцин хийлгэж болох аж.
Бурхан багшийн их дүйчин өдрийг угтсан ажлын хүрээнд “Бурхан багшийн сургаал дэлхий дахинд” олон улсын эрдэм шинжилгээний хурал зохион байгуулна. Тодруулбал, маргааш буюу тавдугаар сарын 28-нд Монголын бурхан шашинтны төв Гандантэгчэнлин хийд Батцагаан дуганы “А” зааланд зохион байгуулагдана. Нийт 12 илтгэгч байгаагаас дөрвөн илтгэгч нь монгол, найман илтгэгч нь гадаадын оролцогч байна.
Монгол цэрэг энхийг сахиулах үйлсэд оролцож эхэлсний 20 жилийн ой болон “Олон улсын энхийг сахиулагчдын өдөр”-ийг тохиолдуулан зохион байгуулж байгаа “Эмэгтэй энхийг сахиулагчдын чуулга уулзалт” Соёлын төв өргөөнд эхэллээ.
Сүүлийн 24 цагийн хугацаанд улсын хэмжээнд 85 халдвар шинжилгээгээр батлагдлаа. Үүний 62 нь Улаанбаатарт, 23 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 250 хүн хэвтэн эмчлүүлж байна. Тэднээс 7 хүн хөнгөн байна.
Насанд хүрсэн гадаадын иргэд хамгийн багадаа 14 хоногийн өмнө коронавируст халдвар /Ковид-19/-ын эсрэг дархлаажуулалтын вакцины бүрэн тунд хамрагдсаныг нотлох вакцины гэрчилгээтэй байна. Коронавируст халдвар /Ковид-19/ авч эдгэрсэн иргэд хамгийн багадаа 14 хоногийн өмнө вакцины нэг тунд хамрагдах шаардлагатай бөгөөд вакцинд хамрагдсан болон халдвар авч эдгэрснээ нотлох бичгийг англи хэлээр орчуулсан байх шаардлагатай.
Монгол цэрэг энхийг сахиулах үйлсэд оролцож эхэлсний 20 жилийн ой болон “Олон улсын энхийг сахиулагчдын өдөр”-ийг тохиолдуулан Зэвсэгт хүчний болон ХХЕГ, ОБЕГ, ШШГЕГ-ын 1500 орчим алба хаагч ёслолын жагсаалд жагсахаар бэлтгэлээ базааж байна.