Архангай аймгийн урд тамирын голын усны түвшин олон жилийн дунджаас 80 см-ээр ахиу, үерийн түвшинг 20-ээр давсан тухай тус аймгийн Ус цаг уур, орчин шинжилгээний төвөөс мэдээлжээ. Тиймээс ойрын өдрүүдэд ихэнх нутгаар дуу цахилгаантай усархаг бороо орж, гол усны түвшин нэмэгдэж байгаатай холбогдуулан үер усны аюулаас сэрэмжтэй байхыг анхааруулж байна.
Сэлэнгэ аймгийн Мандал сум дахь сум дундын Цагдаагийн хэлтэст 2021 оны долдугаар сарын 17-ны өдрийн 17:00 цагт иргэн А “Миний дүү Д, түүний найз У нар тус аймгийн Ерөө сум руу самранд яваад сураггүй болчихлоо” гэж хандсан байна. Тус мэдээллийн дагуу орон нутгийн цагдаагийн байгууллага холбогдох арга хэмжээг авч, 07 дугаар сарын 19-ний өдөр Сэлэнгэ аймгийн Онцгой байдлын газарт эрэн хайх ажиллагааг хамтран явуулах албан бичиг ирүүлснээр хамтарсан бүлэг самранд яваад сураггүй болсон дөрвөн иргэнийг эрэн хайх ажиллагааг зохион байгуулж байна.
Өнөөдөр Улаанбаатар хотод суурин 20 цэгт 30 багийн 215 эмч, ажилтан ажиллаж, 7115 иргэнийг дархлаажуулахаар төлөвлөлөө. Дархлаажуулалтын цэгүүдийн мэдээллийг дүүрэг тус бүрээр танилцуулж байна.
Өчигдөр нийслэлийн хэмжээнд I тунд 3145, II тунд 5962, нийт 9107 иргэнийг дархлаажууллаа. Вакцинжуулалт эхэлснээс хойш нийслэлийн 18-аас дээш насны 1.052.957 иргэн I тунд, 944.294 иргэн II тунд хамрагдаад байна. Мөн нийт 3307 жирэмсэн эх, 12-15 насны 39.773 /39.2%/, 16-17 насны 20.213 /59.6%/ хүүхдийг вакцинд хамрууллаа.
Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Их халуун болох улирал (23 цаг 11 мин)-д эхэлнэ. Үс шинээр үргээлгэх буюу засуулбал жаргал ирнэ хэмээжээ.
Малчид, иргэдийн анхааралд: Өнөөдөр говь болон зүүн аймгуудын нутгийн зарим газраар дуу цахилгаантай аадар бороо орох тул мөндөр, нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.
Нийгмийн даатгалын үндэсний зөвлөлийн 2021 оны 07 дугаар сарын 21-ний өдрийн хуралдаанаар шинэчлэн боловсруулсан “Ажилгүйдлийн даатгалын сангаас тэтгэмж олгох журам”-ыг хэлэлцэн тогтоолоор баталлаа.
Дүүргийн Засаг даргын 2021-2024 оны үйл ажиллагааны хөтөлбөрийн хүрээнд 28 хороо бүрт бүтээн байгуулалтын ажлууд өрнөж байгаа юм.
Эрүүл мэндийн яам коронавирусийн халдварын 2021 оны 07 дугаар сарын 21-ний өдрийн нөхцөл байдлыг мэдээлж байна. Энэ өдөр шинээр 1497 хүн халдвартай нь батлагдлаж, дөрвөн иргэн нас баржээ. Шинээр илэрсэн тохиолдлуудын 676 нь Улаанбаатарт, 803 нь орон нутагт бүртгэгджээ. Мөн 18 тохиолдол нь зөөвөрлөгджээ.
Жүдо бөх, байт харваа, ширээний теннис, усанд сэлэлт, буудлагын баг тамирчид болон МҮОХ, БТСУХ-ны удирдлагууд, хэвлэл мэдээллийнхэн нийлсэн 72 хүний бүрэлдэхүүнтэй баг өнөөдөр Токиог зорьж байна.
Баянбүрдийн аюулгүйн тойрог орчимд ус зайлуулах шугам хийснээр авто замын насжилт нэмэгдэж, орчны тоосжилтыг бууруулахаас гадна нийгмийн эрүүл ахуйд сөргөөр нөлөөлдөг асуудлууд шийдэгдэх юм.
Дунд, ахлах ангийнхны хэсэг бүлэг нь вакцинд хамрагдсан ч бага ангийнханд огт хийгээгүй байгаа. Мөн цэцэрлэгийн насныхан ч вакцинд хамрагдаагүй. Тэгэхээр өндөр эрсдэлтэй маш том бүлэг бий гэсэн үг. Тэдэнд учрах эрсдэлийг тооцохгүйгээр хичээлийн шинэ жилийг танхимаар эхлүүлэх боломжгүй.
НМХГ-аас СонгиноХайрхан дүүргнийн 32 дугаар хороо, Эмээлт орчимд уламжлалт аргаар мал төхөөрч буй нийт 12 нядалгааны газарт 2021 оны 07 дугаар сарын 02-ны өдрөөс эхлэн хяналт шалгалт хийлээ.
Өнөөдөр нутгийн төв хэсгээр дуу цахилгаантай аадар бороо орох тул мөндөр, нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.
Бүх нийтийн амралтын өдрүүдэд /07.09-19/ Онцгой байдлын байгууллагын алба хаагчид гал түймэр, үер усны болон зам тээврийн нийт 72 удаагийн дуудлагаар ажиллаж, 149 иргэний амь насыг авран хамгаалж, аюулгүй байдлыг нь ханган ажиллалаа.
Монгол Улсын хэмжээнд коронавируст халдварын тохиолдлын тоо сүүлийн нэг сарын хугацаанд тогтвортой буюу нэг түвшинд байсан. Харин сүүлийн 14 хоногийн хугацаанд 1,500-аас доош тохиолдол бүртгэгдэж эхэлсэн. Гэсэн хэдий ч манай улсад коронавирусийн дельта хувилбар бүртггэгдлээ. Өнгөрсөн долоо хоногт 14 сорьцод шинжилгээ хийхэд нэг тохиолдлоос нь дельта хувилбар бүртгэгдлээ.
Засгийн газрын ээлжит хуралдаанаар Эрүүл мэндээ хамгаалж, эдийн засгаа сэргээх 10 их наядын цогц хөтөлбөрийн биелэлт, гүйцэтгэлийг танилцууллаа. Өнгөрсөн долоо хоногийн байдлаар гурван сард эхэлсэн гурван төрлийн зээлийн хөтөлбөрөөр нийтдээ 3 их наяд 183,4 тэрбум төгрөгийн зээл олгогдсон байна. Ерөнхийдөө гүйцэтгэл 70 хувьтай байгаа. Төлөвлөгөөний хүрээнд олгогдож байгаа зээлийн эцсийн зорилго нь ажлын байрыг хамгаалах, эдийн засгаа дэмжих юм. Эдгээр хөтөлбөрүүдийн хүрээнд эдийн засаг нэгдүгээр улирлын байдлаар өнгөрсөн оныхтой харьцуулахад 15 хувиар өссөн байна.
Өнөөдрийн Засгийн газрын хуралдаанаар ЭЕШ-ын товыг тогтоох асуудлыг хэлэлцлээ. Хуралдаанаар ЭЕШ-ыг наймдугаар сарын 19-22-ны өдрүүдэд зохион байгуулахаар шийдвэрлэлээ.
Цаг уурын байгууллагын ирүүлсэн мэдээллээр өнөөдөр буюу 20-нд Сэлэнгэ мөрний адаг, Хөвсгөлийн уулсаас эхтэй Эг, Үүр, Хэнтий нурууны баруун хажуугийн Туул, Хангай нурууны арын Идэр, Чулуут, Хойттамир, Урдтамир өврийн Заг, Цагаантуруут зэрэг голуудын усны түвшин өмнөх өдрийнхөөс 10-100 см нэмэгдэж Сэлэнгэ, Бэлтэс, Туул, Чулуут, Хараа, Хэрлэн, Улз, Заг, Хархираа, Ховд зэрэг голууд үерийн түвшинг 10-30 см давсан байна.
Монгол Улсын Ерөнхий сайд Л.Оюун-Эрдэнэ 2021 оны 7 дугаар сарын 21-25-ны өдрүүдэд Япон Улсад ажлын айлчлал хийж, Токиогийн зуны XXXII Олимпын наадмын нээлтийн ажиллагаанд оролцоно.