Халдварын улмаас 11 хүн нас барлаа
Сүүлийн 24 цагийн хугацаанд халдварын улмаас 11 хүн нас барлаа. Ингэснээр халдварын улмаас нийт нас барсан хүний тоо 380 болж байна.
ШУУД: Шинээр 2386 тохиолдол батлагдаж, 797 хүн эдгэрлээ
Сүүлийн 24 цагийн хугацаанд 11 553 сорьцод шинжилгээ хийснээс 2386 хүнд коронавирус илрэв. Ингэснээр манай улсын нийт батлагдсан тохиолдол 80 733 боллоо. Шинээр батлагдсан тохиолдлын 1675 нь Улаанбаатар хотод, 711 нь орон нутагт байна. Мөн сүүлийн 24 цагийн хугацаанд 797 хүн эдгэрлээ Ингэснээр нийт эдгэрсэн хүний тоо 57 822 болж байна. Коронавирусийн халдварын улмаас 11 хүн нас барлаа. Ингэснээр халдварын улмаас нийт нас барсан хүний тоо 380 болж байна.
Зуун сая төгрөгийн шагналын сантай тойргийн барилдаан Тэрэлжид болно
Уг барилдааныг зохион байгуулах зөвшөөрлийг Улсын Онцгой Комиссоос авсан бөгөөд телевизийн 4 сувгаар шууд дамжуулах юм байна.
Нийслэлчүүдийн 88.2 хувь II тунд хамрагдаад байна
Өчигдөр нийслэлийн хэмжээнд I тунд 802, II тунд 3692, нийт 4494 иргэнийг дархлаажуулалтад хамрууллаа. Вакцинжуулалт эхэлснээс хойш нийслэлийн 18-аас дээш насны иргэдийн 100.9 хувь буюу 962.328 нь I тунд, 88.2 хувь буюу 841.548 нь II тунд хамрагдаад байна.
Сургууль цэцэрлэгийн эмч нар, оюутнуудыг дайчлахаар зохион байгуулалтыг хийж байна
Халдварын тархац нэмэгдэж, эрүүл мэндийн салбар ачаалал ихсэж байгаа учраас хүн хүчийг нэмэгдүүлэх үүднээс сургууль цэцэрлэгийн эмч нарыг нэмж ажилуулах, Анагаахын их сургуулийн төгсөх курсын оюутнуудыг хүртэл дайчлахаар зохион байгуулалтыг хийж байна. Ард иргэдийн маань эрүүл мэнд, амь нас хамгийн эрхэм чухал учраас Улсын баяр наадмыг хойшлуулж болно, халдвар буурахгүй бол цуцалсан ч болно. Шаардлагатай гэвэл цахимаар зохион байгуулах боломжтой. Энэ тухай саналаа Засгийн газарт оруулж шийдвэрлүүлнэ” гэлээ гэж УОК-ын Шуурхай штабаас мэдээллээ.
"Вакцины сайн, муугаас болоод өвчлөл нэмэгдээгүй гэдгийг мэдэгдье"
ХӨСҮТ-өөс вакцины дараах эсрэг биеийн тогтоцын талаар болон вакцины үр нөлөөгийн судалгааг хийжээ. Уг судалгаагаар вакцинжуулалтад хамрагдсан иргэдийн 88 хувийг нас баралтаас, 75.4 хувийг халдвар авсан иргэдийн хүндрэлээс сэргийлж байгааг тогтоосон байна. Халдвараас нас баралтын гол шалтгаанд суурь өвчтэй иргэд дийлэнх хувийг эзэлж байгаа бөгөөд уушигны хатгаа, бөөрний дутагдал, чихрийн шижин, хорт хавдартай иргэд илүү өртөмтгий байгааг ХӨСҮТ-ийн дарга Л.Баттөр хэллээ. Тэрээр “Вакцины бүрэн тунд хамрагдаад халдвар авахгүй гэж ойлгож болохгүй. Вакцины хоёр тунд хамрагдсан ч халдвар дамжуулагч болох эрсдэлтэй байгааг тооцоолж халдварын дэглэмийг сайтар мөрдөх хэрэгтэй” гэв.
Дундговь аймаг Гамшгаас хамгаалах өндөржүүлсэн бэлэн байдалд шилжлээ
Сүүлийн өдрүүдэд орон нутагт халдварын тархалт нэмэгдэж байгаа. Тэгвэл Дундговь аймгийн Онцгой комиссын хуралдааны шийдвэрээр зургадугаар сарын 15-ны 06.00 цагаас зургадугаар сарын 22-ны 06.00 цаг хүртэл хугацаанд Гамшгаас хамгаалах өндөржүүлсэн бэлэн байдлын зэрэгт шилжлээ.
Өнөөдөр нийслэлийн хэмжээнд 4560 хүнийг дархлаажуулна
Өнөөдөр Улаанбаатар хотод явуулын 8, суурин 35 цэгт 65 багийн 361 эмч, ажилтан ажиллаж, 4560 иргэнийг дархлаажуулна. Дархлаажуулалтын цэгүүдийн мэдээллийг дүүрэг тус бүрээр нь танилцуулж байна.
Жирэмсний 14-36 долоо хоногтой эхчүүдийг вакцинд хамруулж эхэллээ
Коронавирусийн халдварын эсрэг вакцинжуулалтад өнөөдрөөс эхлэн жирэмсэн эмэгтэйчүүдийг хамруулж эхэлсэн. Тодруулбал, Комирнэти (BNT 162b2) буюу Файзер вакцинаар дархлаажуулж байна. Вакцины эхний тунг жирэмсний 14 дэх долоо хоногоос хойших хугацаанд хийх бол давтан тунг жирэмсний 36 дахь долоо хоногоос өмнөх хугацаанд хийлгэх юм. Хэрвээ давтан тунг дээрх хугацаанд хийлгэж амжихгүй бол төрснөөс хойш 42 хоногийн дараа вакцины II тунд хамрагдах боломжтой.
М.Болдсайхан: Энэ жилийн ЭЕШ-ын агуулгаас сонсох даалгаврыг хассан
Одоогоор ямар нэгэн чиглэл ирүүлээгүй байна. УОК-оос ирүүлсэн албан бичигт ЭЕШ-ыг долдугаар сарын 01-04-ний өдрүүдэд зохион байгуулна. Үүнийг зохион байгуулахдаа эрүүл ахуйн онцгой дэглэмийн дор зохион байгуулахаар чиглэл өгсөн. Нэг шалгалтын байранд 25-40 шалгуулагч байна. Сонсох даалгавар энэ жилийн шалгалтын агуулгаас хасагдсан. Шалгалтын дүн оноог шалгалт өгсөн даруйд нь шууд засалтын технологийн дагуу засна. Лайваар дамжуулна. Энэ жилийн их дээд сургуулийн элсэлт цахимаар зохион байгуулагдана. Долдугаар сарын 08-наас эхлэн шалгуулагчдад батламж хуудас өгнө.
Үс шинээр засуулбал сайн
Гэр бүрэх, хэрүүл тэмцэл хийх, сэтгэлд эсвтэй газарт очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал сайн бөгөөд эд, мал арвидна хэмээжээ.
Улаанбаатарт бороотой, 16 хэм дулаан байна
Өнөөдөр нутгийн төв хэсгээр, 16-17-нд нутгийн зүүн хагаст бороо үргэлжлэн орж, гол мөрний усны түвшин улам нэмэгдэх тул үер усны аюулаас сэрэмжтэй байхыг анхааруулж байна.
Цаатнууд 2021 оныг дуустал аялагч, жуулчдыг хүлээн авахгүй
Хөвсгөл аймгийн Цагааннуур сумын Засаг дарга Хармай багийн Засаг дарга Т.Болор-Эрдэнэ шийдвэр гаргажээ.
Зарим салбарт хязгаарлалт хийхээр ярилцжээ
Улсын онцгой комисс хуралдаж, коронавирусийн халдварын нөхцөл байдал, хариу арга хэмжээний талаар хэлэлцжээ.
Халдвар авсан бол хариу арга хэмжээг зохицуулах штабтай холбогдоорой
Хөдөө, орон нутагт халдварын тархалт ихсэж байгаатай холбогдуулан вакцины бүрэн тунд хамрагдсан, өвдөөд эдгэснээс бусад иргэн зорчих аймгийнхаа онцгой комиссоос шаардаж буй шинжилгээний хариутай зорчино.
Хотын дөрвөн цэгээс шинэ нисэх буудал руу автобус явахаар төсөл гаргажээ
Төв аймгийн Сэргэлэн сумын Хөшигийн хөндий дэх “Чингис хаан” олон улсын шинэ нисэх буудлын нислэг үйлдвэрлэлийн үйл ажиллагааг нүүлгэн шилжүүлэх ажлыг удирдан зохион байгуулах ажлын хэсэг өргөтгөсөн хуралдаан хийж энэ сарын 11-ний өдрийн байдлаарх бэлтгэл ажлын явцыг хэлэлцлээ.
Сэлбэ голын ай сав дагуу олгосон газруудын эрхийг цуцална
Нийслэлийн удирдах ажилтнуудын шуурхай зөвлөгөөн өнөөдөр боллоо.
Гол мөрнүүд аюултай түвшинг даван үерлэж байна
Он гарсаар улсын хэмжээнд өнөөдрийн байдлаар 8 аймгийн 17 сум, нийслэлийн 4 дүүрэгт нийт 27 удаагийн усны ослын дуудлага бүртгэгдсэн байна. Усны ослын улмаас 26 хүн нас барсны 6 нь хүүхэд байгаа юм.
PUBG Mobile Өмнөд Азийн бүсийн аварга шалгаруулах тэмцээнд "Astra Academy" баг түрүүлжээ
Тус тэмцээнд "Astra Academy" 295 оноотойгоор 40,000 доллар, Аваргын цомын эзэд болсон бол "ZEUS eSPORTS" баг хоёрдугаар байранд шалгарч 28 мянган ам.долларын шагналын эзэд болжээ. Шилдэг тоглогчоор багийн Attacker тоглогч Action Gaming нэрээр тоглодог н.Сүхбат тоглогчдыг тэргүүлж MVP болсон байна. Баяр хүргэе.
Өнөөдөр Ерөнхийлөгчөөр сонгогдсон У.Хүрэлсүхийн төрсөн өдөр тохиож байна
Өнөөдөр Монгол Улсын зургаа дахь Ерөнхийлөгчөөр сонгогдсон У.Хүрэлсүхийн төрсөн өдөр тохиож байна. Тэрбээр 1968 оны зургадугаар сарын 14-нд Улаанбаатар хотод төрсөн бөгөөд 53 нас хүрч байгаа аж. Түүнчлэн Ерөнхийлөгчийн тангараг өргөх өдөр, цагийг 2021 оны 6 дугаар сарын 25-ны өдрийн 11 цаг 40 минутад байхаар тогтсон юм.