СЕХ-ноос Ерөнхийлөгчийн сонгуулийн үр дүнгийн талаар мэдээлэл хийж байна. Ерөнхийлөгчийн сонгуулийн санал хураалтын цахим машинаар тооллохоос гадна гар тооллогоор давхар тоолдог. Тиймээс өчигдөр автоматжуулсан системээс гадна гар тооллого 100 хувь хийлээ.
Монгол Улсын Ерөнхийлөгчийн сонгууль өндөрлөөд байна.
МАН-аас нэр дэвшсэн миний бие 65 хувийн саналаар ялалт байгуулж байна. Энэ бол асар их хариуцлага. Итгэл найдвар үзүүллээ, ард түмэн. Ард түмнийхээ итгэл найдварыг хичээл зүтгэлээр хариулах болно. Улс орныхоо эв нэгдлийн төлөө, сайхан ирээдүй бүтээхийн төлөө чөмгөө дундартал ажиллана.
СЕХ-ны цахим дэлгэцээр аймгуудын хэсгийн хорооноос ирсэн санал хураалтын урьдчилсан дүнг шууд дамжуулж байна. Монгол Улсын хэмжээнд байгаа 2087 хэсгийн хорооноос дүнгүүдийг нэгтгэж байгаа.
Ерөнхийлөгчийн сонгуулийн урьдчилсан дүнг СЕХ шууд дамжуулж байна.
Монгол Улсын Ерөнхийлөгчийн сонгуулийн санал хураалт дуусгавар болж, дүнг мэдээг нэгтгэж байна.
Ерөнхийлөгчийн сонгуулийн санал хураалт дуусгавар болж, саналын дүн дамжуулах ажил эхэлж байна. Ерөнхийлөгчийн сонгуулийн сонгогчийн 56.45 хувийн ирцтэйгээр өндөрлөв. СЕХ-ны цахим дэлгэцээр аймгуудын хэсгийн хорооноос ирсэн санал хураалтын урьдчилсан дүнг мэдээг шууд дамжуулж байна.
Монгол Улсын Ерөнхийлөгчийн сонгуулийн санал хураалт 22:00 цагаар дуусгавар боллоо. Зургаа дахь Ерөнхийлөгчийг сонгох найм дахь удаагийн сонгуульд парламентад суудалтай МАН, АН, ХҮН-ын нэр дэвшигчид өрсөлдсөн. Өдрийн 21:00 цагийн байдлаар сонгогчдын ирц улсын хэмжээнд 52.01,нийслэлд 55.09 хувьд хүрсэн. Ингэснээр улсын хэмжээнд Ерөнхийлөгчийн сонгуулийн сонгогчийн ирц бүрдээд байгаа юм.
Энэ удаагийн Монгол Улсын Ерөнхийлөгчийн сонгуулийг 26,9 тэрбум төгрөгийн төсвөөр зохион байгуулж байна. Монгол Улсын ерөнхийлөгчийн сонгууль хоёр шаттай явагддаг. Эхний санал хураалтаар аль нэг нэр дэвшигч олонхийн санал авч чадахгүй бол хамгийн олон санал авсан хоёр нэр дэвшигч хоёр дахь шатанд үлддэг. Ингээд Сонгуулийн ерөнхий хорооноос 14 хоногийн дотор шийдвэр гаргаж санал хураалтыг зохион байгуулна. Хуулийн дагуу сонгуулийн хоёр дахь шатанд гарах зардлыг улсын төсвийн нөөцийн хөрөнгөөс гаргана. Хэрэв хоёр дахь шатны сонгууль зохион байгуулагдвал 8 орчим тэрбум төгрөг зарцуулагдана гэсэн тооцоо судалгааг Сонгуулийн ерөнхий хорооноос гаргажээ.
Ерөнхийлөгчийн 2021 оны сонгуулийн санал хураалт үргэлжилж байна. 20.00 цагийн байдлаар сонгогчийн ирц 49.68 хувь хүрээд байна.
СЕХ ээлжит мэдээллээ хийж байна. 19:00 цагийн байдлаар 47.10 хувийн ирцтэй байна. Өнгөрсөн Монгол Улсын Ерөнхийлөгчийн сонгуулийн 18:00 цагийн ирцтэй ойролцоо байна. Сонгогчдыг саналаа өгөхийг уриалж байна. 22:00 цагаас өмнө бөөгнөрөл үүсгэхгүйгээр саналаа өгөхийг уриалж байна.
Монгол Улсын Ерөнхийлөгчийг сонгох найм дахь удаагийн сонгуулийн санал хураалт явагдаж байна.
Ерөнхийлөгчийн сонгуулийн сонгогчдын насны байдлаар харвал яг одоо 20-24 насныхан хамгийн бага буюу 32.42 хувийн ирцтэй байна.
Ерөнхийлөгчийн сонгуулийн санал хураалт үргэлжилж байна.
Сонгууль бүр өөр өөрийн өнгө төрх, өвөрмөц сонгогчидтой байдаг.
Монгол Улсын Ерөнхийлөгчийн ээлжит сонгуулийн санал хураалт өглөөний 07.00 цагт албан ёсоор улс орон даяар эхэлсэн. Санал хураалт 22.00 цаг хүртэл үргэлжилнэ. Өдрийн 17:00 цагийн байдлаар сонгогчдын ирц улсын хэмжээнд 37,73,нийслэлд 40,6 хувьтай байгаа.
Зөрчлийн тухай хуульд заасны дагуу сонгогч саналаа тэмдэглэсэн болон саналын хуудасны зургаа бусдад харуулах, зургийг нь авах дүрс бичлэг хийхийг хориглоно. Хэрэв үүнийг зөрчсөн нь тогтоогдвол 10 мянган нэгжтэй тэнцэх хэмжээний төгрөгөөр торгоно гэж Зөрчлийн тухай хуульд заасан. Бусад зөрчлүүдтэй харьцуулбал, энэ нь харьцангуй өндөр торгууль. Өөрөөр хэлбэл 10 сая төгрөгийн торгууль ногдуулна гэсэн үг. Яагаад гэвэл, сонгогчийн саналыг худалдаж авахад чиглэсэн хууль бус үйлдлээс сэргийлэх зорилготой зохицуулалт юм. Тиймээс иргэд та бүхэн анхаарал болгоомжтой байна уу
Монгол Улсын Ерөнхийлөгчийн сонгуулийн ээлжит сонгуулийн дүн мэдээг хүргэж байна. Санал тоолох төхөөрөмжүүд болон хэсгийн хороодын үйл ажиллагаа хэвийн үргэлжилж байгаа. Сүлжээтэй холбоотой асуудлаас үүдэн 29 хэсгийн хорооны дүн мэдээгээ ирүүлээгүй байна.
Насны ангилалаар 70-аас дээш насны сонгогчдийн 52,32 хувь нь саналаа өгсөн байгаа бол 20-24 насныхны дөнгөж 12 хувь нь саналаа өгөөд байна.
Монгол Улсын Ерөнхийлөгчийн сонгуулийн санал хураалт 07.00 цагаас эхэлсэн. 11.00 цагийн байдлаар улсын хэмжээнд 13,4 хувийн ирцтэйгээр санал хураалт хэвийн үргэлжилж байгаа аж. Сонгогчид монгол дээлээрээ гоёж саналаа өгч байна.