Ойрх Дорнодод Оросын үйл ажиллагаа идэвхжиж байгаагийн улмаас АНУ энэ бүс нутаг руу тав дахь үеийн F-22 Raptor сөнөөгч онгоцуудыг илгээжээ. АНУ Оросыг агаарын орон зай дахь журмыг байнга зөрчиж байгаад буруутагж байгаа талаар АНУ-ын Зэвсэгт хүчний Төв командлалын. хэвлэлийн алба мэдээлсэн байна.
Bild сонины мэдээлснээр Берлиний цагдаагийн газарт болон прокурорт хандсан хоёр өргөдлийг үндэслэн хэрэг үүсгэн шалгаж байгаа бөгөөд бэлгийн халдашгүй байдлын эсрэг гэмт хэргийн заалтаар эрүүгийн хэрэг үүсгэжээ. Энэ зүйл заалтад тусгасан гэмт хэргийг үйлдсэн нь тогтоогдвол 10 хүртэлх жилийн ял оноодог байна.
Хэвлэлийн албаны мэдээлснээр, Ионы тэнгист загас агнуурын хөлөг онгоц сүйрсний улмаас амиа алдсан хүмүүсийн дурсгалыг хүндэтгэх зорилгоор гашуудал зарлажэ. Сүүлийн үеийн мэдээллээр, хөлөг онгоц сүйрсний улмаас 79 цагаач амиа алдаж, 104 хүнийг аварч чадсан байна.
Америкийн Starbucks компани ажлаасаа халагдсан цагаан арьст эмэгтэйд өндөр нөхөн төлбөр төлөх ёстой болжээ. Ийм шийдвэрийг Америкийн шүүх гаргасан бөгөөд шүүгчид Старбакс компанийг ажилтандаа арьс өнгөөр ялгаварлан хандсан хэмээн буруутгаж, халагдсан эмэгтэйд 25,6 сая долларын нөхөн төлбөр төлөхийг үүрэг болгосон талаар ВВС мэдээлжээ.
Тавдугаар сард Оросын интернет хэрэглэгчид Вагнер хувийн цэргийн компанийн эзэн Евгений Пригожиний мэдээллийг хайх нь хоёр дахин их нэмэгджээ. Энэ нь Пригожиний үйл ажиллагааг олон нийт сонирхох нь илт нэмэгдэж байгааг харуулж байна гэж "Верстка" сонин мэдээлсэн байна.
Эх сурвалжийн мэдээлснээр, настай эмэгтэй бие нь муудсан тул хүү нь Бабахойо дахь эмнэлэгт хүргэжээ. Ээж нь зүрхний өвчинтэй, мөн даралт ихэсдэг хэмээн хүү нь эмч нарт хэлжээ. Ингээд өглөөний 09 цаг орчимд өндөр настай эмэгтэйг эмнэлэгт хүргэж, үүнээс хоёр цагийн дараа эмч нар өндөр настныг тодорхойгүй шалтгаанаар зүрх зогссож, нас барсан хэмээсэн байна.
Дани улс Украины нисгэгчдийг F-16 сөнөөгч онгоц жолоодож сургахаар төлөвөлж байгаа. Энэ сургалт наймдугаар сарын эхээр эхэлнэ гэж Данийн Батлан хамгаалахын сайдын үүрэг гүйцэтгэгч Троелс Лунд Поульсен мэдэгдсэнийг Данийн Радио дамжуулжээ.
Эх сурвалжийн мэдээлснээр, Шанхайн нүүрстөрөгчөөс ангид технологийн олон улсын анхдугаар үзэсгэлэнгийн үеэр хүрээлэн буй орчныг хамгаалах, нүүрстөрөгчийн хаягдлыг бууруулах дэвшилтэт технологиудыг танилцуулжээ. Тэдгээрийн дунд Atelier Shine (Shanghai) Ecological Technology компанийн боловсруулсан эко жорлон олны анхаарлыг ихэд татсан байна.
Японы Ерөнхий сайд Фумио Кишида парламентын доод танхимыг тарааж, ээлжит бус сонгууль явуулах болсноо энэ долоо хоногт зарлаж болзошгүй гэнэ. Энэ талаар лхагва гарагт Fuji Television суваг мэдээлжээ.
Хэвлэлүүдийн онцолсноор, хуулийн төсөлд Хятадын оюутнууд гэж онцгойлон тусгаагүй ч энэ хууль чухамхүү тэдний эсрэг үйлчлэх гэнэ. Ийм хуулийн төсөл боловсруулах болсон нь Нидерландын тэргүүлэх технологийг Хятадын иргэд эзэмших боломжийг хязгаарлах, улмаар суралцах явцдаа олж авсан мэдээллийг Хятадын эрх баригчдад шилжүүлэхээс болгоомжилсонтой холбоотой аж.
БНХАУ-ын эрх баригчид шинээр төгсөгчдийг ажлын байраар хангах, мэргэжлийн сургалтыг эрчимжүүлэх зорилгоор улс орон даяараа төрөл бүрийн арга хэмжээ авч хэрэгжүүлсээр байна. Энэ удаад мэргэжлийн сургалтад илүүтэй анхаарч, 200 мэргэжлийн сургууль, коллеж байгуулахаар болжээ.
Лхагва гарагт Японы Өөрийгөө хамгаалах хүчний Гифу муж дахь бааз дээр цэргийн алба хаагч гал нээсний улмаас нэг хүн амиа алджээ. Энэ талаар NHK суваг мэдээлсэн байна.
Путиний өгүүлснээр, тактикийн цөмийн зэвсэг тээгч 10 онгоц, мөн л цөмийн зэвсэг тээх чадвартай "Искандер" пуужингийн комплексыг Беларусьт хэдийнэ байршуулсан гэнэ. Мөн 2023 оны долдугаар сарын нэгний өдөр Беларусьт тактикийн цөмийн зэвсгийн агуулахын барилга ашиглалтад орохоор болсон талаар Путин мэдэгдэж байв. Энэ нь Беларусийн Ерөнхийлөгч Оросын тактикийн цөмийн зэвсгийг нутагт нь байршуулахыг эртнээс хүссэн, "хүсэлтийг биелүүлэх" болсон нь Их Британи Украинд шавхагдсан урантай сум нийлүүлэхээр шийдсэнтэй холбоотой гэж Путин мэдэгдэж байсан юм.
Украины талд байлдаж буй "Оросын сайн дурын корпус", "Оросын эрх чөлөө" бүлэглэлүүд Белгород мужийн нутаг руу шинээр дайралт хийж байгаа талаараа зургадугаар сарын эхээр мэдэгдсэний дараа Чечений тэргүүн Рамзан Кадыров чечень дайчдыг Белгород муж руу илгээх санал гаргаж байв. Тэрбээр бүлэглэлүүдийн дайчдыг "алан хядагчид" хэмээн нэрлээд, тэднийг устгахад байлдааны туршлага төдийгүй алан хядах ажиллагаатай тэмцэх дадал чадвар шаардлагатай, "запад-Ахмат" батальонд ийм туршлага бий хэмээн мэдэгдэж байлаа.
НАТО-ийн Ерөнхий нарийн бичгийн дарга Йенс Столтенберг саяхан мэдэгдэл хийхдээ "Оросын цэргийн ажиллагаа нь үндсэн үнэт зүйл, эрх чөлөөт хүмүүс рүү чиглэсэн халдлага" хэмээсэн юм. Үүний хариуд Оросын Гадаад хэргийн яамны албан ёсны төлөөлөгч Мария Захарова Украиныг доромжилсон утгатай мэдэгдэл хийжээ.
Зургадугаар сарын 13-ны өдөр Оросын Ерөнхийлөгч Владимир Путин цэргийн сурвалжлагчидтай уулзжээ. Тэрбээр энэ үеэрээ "дэлхийн III дайнд ялагч гэж байхгүй" хэмээн мэдэгдсэнийг ТАСС дамжуулсан байна.
АНУ дахь ByteDance компанийн боловсруулалтын хэлтсийн дарга асан Интао О Хятадын эрх баригчид АНУ дахь хэрэглэгчдийн мэдээллийг ч авч байсан хэмээн мэдэгдсэн бөгөөд харин компанийн удирдлагууд энэ мэдээллийг няцаасан байна.
Оросын цэргийн нисгэгч Украины эсрэг дайнд оролцохоос татгалзаж, Европын холбоо руу дүрвэжээ. Одоо Литва улсын эрх баригчид түүнд орогнол олгох асуудлыг хэлэлцэж байгаа бөгөөд эцсийн шийд гарах хүртэл Литвад үлдэхийг зөвшөөрсөн талаар DW мэдээлсэн байна.
Барууны орнуудын мэдээллээр, дайны явцад Орос нийт 110 мянган цэргээ алдсан байж болзошгүй аж. Харин ОХУ "төрийн нууц" гэсэн шалтгаанаар амиа алдсан цэргүүдийн тоог нийтэд мэдээлэхгүй байгаа юм.
Америкийн хэвлэлүүдийн мэдээлснээр, Трампыг 37 зүйл ангиар буруутгаж байгаа аж. Тэр дундаа 2021 онд Ерөнхийлөгчийн албан тушаалаас буусныхаа дараа нууц баримт бичгүүдийг Үндэсний архивт шилжүүлээгүй хэрэгтэй холбоотойгоор Тагнуулын тухай хууль болон бусад хууль тогтоомжуудыг зөрчсөн хэмээн буруутгаж байгаа гэнэ. Шүүх хурлын үеэр Трамп өөрийгөө гэм буруугүй хэмээн мэдэгдсэн байна.