Сальвадорын нийслэл Сан-Сальвадорын хөлбөмбөгийн цэнгэлдэх хүрээлэнд хүмүүс олноор дарагдсаны улмаас 12 хүн амиа алдсан гэж орон нутгийн албаны этгээдүүдээс авсан эх сурвалжтайгаар ВВС агентлаг мэдээлжээ.
Хари Будда Магар цэргийн алба хаагч байсан, гурван хүүхдийн эцэг хүн аж. Тэрбээр 2010 онд тэсрэх төхөөрөмжид өртөн хоёр хөлөө шархдуулж, улмаар тайруулжээ. Өөдрөг, амьдралд хайртай тэрбээр хөлөө алдсаныхаа дараа амьдрал нь дууссан мэт санагдаж байснаа ч нуугаагүй аж. Гэхдээ цаг хугацааны эрхээр шинэ бодит байдалд дасаж эхэлсэн гэнэ.
Япон улсад G7-ийн дээд хэмжээний уулзалт болж өнгөрлөө. Энэ уулзалтад Украины Ерөнхийлөгч Володимир Зеленский биечлэн оролцож, бусад оролцогч талууд Украинд үзүүлэх тусламж дэмжлэгээ нэмэгдүүлэхээр амласан юм.
Өмнө нь АНУ болон НАТО Бахмутад амссан Орос, Украины талын хохирлын нарийвчилсан мэдээллийг зарлаж байгаагүй. Гуравдугаар сард CNN агентлаг НАТО-аас авсан эх сурвалжтайгаар мэдээлэхдээ Оросын цэргүүд Бахмут хотод Украинаас тав дахин их хохирол амссан гэж онцолж байв.
Georgian Airways компани дөрвөн жил завсарласны эцэст тавдугаар сарын 20-ны өдөр Москвагийн нисэх буудалд газардсан юм. Агаарын тээврийн компани Орос руу хийх нислэгээ сэргээсэн нь Гүржид эсэргүүцэл дагуулсан. Гүржийн Шот Руставелигийн нэрэмжит нисэх буудлын гадпна олон зуун хүн цуглан, "Орос бол алан хядагч улс", "Оросын онгоц чөтгөррүүгээ тонил" зэрэг бичиг барин жагссан юм. Энэ эсэргүүцлийн үеэр хэд хэдэн хүн баривчлагджээ.
Оросын Ерөнхийлөгч Владимир Путин Украины Бахмут хотыг эзлэх ажиллагаа дууссантай холбоотойгоор "Вагнер" хувийн цэргийн компани болон Оросын цэргийн алба хаагчдад баяр хүргэжээ. Энэ талаар Кремлийн хэвлэлийн алба мэдээлсэн байна. Өнгөрсөн долоо хоногт Оросын Батлан хамгаалах яам Бахмут хотыг хяналтдаа авсан гэж зарласан бол үүнээс өмнө "Вагнер"-ын эзэн Евгений Пригожин энэ талаар мэдэгдэж байлаа.
Хэдийгээр У.Хүрэлсүх хэвлэлийнхэнд зориулсан мэдэгдэлдээ "дэлхий даяар энх тайван, аюулгүй байдлыг дэмжих" тал дээр тодорхойгүй мэдэгдэл хийсэн ч "олон улсын аюулгүй байдлын тулгуур болсон олон талт систем"-д оруулж буй Монголын хувь нэмрийг Макрон өндрөөр үнэлжээ.
Хэдийгээр Оросын хувийн цэргийн компаниуд хараат бус хэдий ч тэд гагцхүү Кремлийн буянаар л оршин тогтнож байдаг гэж Холл үзэж байгаа аж. Түүний өгүүлснээр төр юу хүснэ тэд түүнийг нь хийдэг аж. Мөн ийм сүүдрийн хүчинтэй байх нь Оросын дэглэмд ашигтай, учир нь шууд өөрсөд дээрээ бурууг авахгүй байх боломжийг олгож байгаа хэрэг хэмээн Холл өгүүлсэн байна.
Бристоль хотодп амьдардаг Тревор Хутон "тэврэх эмчилгээ" гэж нэрлэсэн энэ үйлчилгээгээ олон жилийн турш үзүүлж байгаа бөгөөд танихгүй хүмүүсээс цагийн мөнгө авч, тэвэрч өгдөг аж.
Хятадын өмнөд хэсэгт зам тээврийн ноцтой осол гарсны улмаас олон хүн амиа алджээ. Энэ хэрэг Гуанси-жуаны өөртөө засах оронд болсон талаар Жэнминь Жибао сонин мэдээлсэн байна.
Харин сүүлд авсан мэдээллээр Монголын "Жаргалант" уулчдын клубийн уулчид болох С.Ганхүү, О.Золбоохүү, Д.Амартогтох, Б.Батхишиг Б.Золзаяа, Л.Баярсайхан, Ц.Анхбаяр, Ц.Гэрэлт-Од нар нар Эверест (8848м дтд), Лхоце (8516м дтд) уулсад амжилттай авирч, аюулгүй буужээ.
Европын холбооны гишүүн орон болох Бельги улс Энэтхэг, Арабын зэрэгцээ Оросын алмазыг авдаг томоохон худалдан авагчдын нэг юм. Харин АНУ бэлэн бүтээгдэхүүний хангамжийн эцсийн үндсэн зах зээл болдог аж.
The Mirror cонины мэдээлснээр, Тревор "Embrace Connections" нэртэй компани байгуулжээ. Ийм компани байгуулснаар ажлаа сурталчлахад тусалж, брэндтэй болсноор боломжит үйлчлүүлэгчдийн итгэлийг хүлээхэд хялбар болно гэж тэрбээр үзэж байгаа аж.
Оросын Шинжлэх ухааны академийн дэд ерөнхийлөгч, Сибирийн салбарын дарга Валентин Пармон сүүлийн таван жилийн хугацаанд ОХУ 50мянга гаруй эрдэм шинжилгээний ажилтнаа алдсан гэж салбарын хурал дээр мэдэгдсэн байна.
Украины Ерөнхийлөгч Володимир Зеленский Японы Хирошима хотноо зохион байгуулагдах G7-ийн орнуудын дээд хэмжээний уулзалтад биечлэн оролцоно гэж холбогдох эх сурвалжуудаас авсан мэдээлэлтэйгээр Ройтерс агентлаг мэдээлжээ.
Оросын өдүүлсэн дайн Британийн арлууд руу хүрээгээ тэлвэл гэр бүлээ хамгаалахын тулд газар доорх бункер барихаар Дэвид Мэсси шийдсэн гэнэ. Энэ бункерийн хана, хаалгыг бат бөх хийсэн байна. Престон хот дахь байшингийнхаа дор барьсан энэ бункерт Дэвид 20 мянган фунт стерлинг зарцуулжээ.
Украины цэргийн алба хаагчдыг сургах Европын санаачилгад Италийн Батлан хамгаалах яам оролцоно гэж сайд Гуидо Крозетто мэдэгджээ. Түүний өгүүлснээр, Брюсселийн командлалаар Польш, Германыг зорих мэргэжилтнүүдийг сургах ажилд Итали улс дэмжлэг үзүүлэх гэнэ.
Бүгд Найрамдах Буриад улсад жуулчны урсгал энэ онд өнгөрсөн онтой харьцуулахад 30 хувиар нэмэгджээ. Энэ талаар Буриадын Аялал жуулчлалын сайд Алдар Доржиев ТАСС агентлагт ярьсан байна.
Эверестийн оргил руу авирах уулчдын тоо сүүлийн үед нэмэгдэж байгаа энэ үед хэд хэдэн уулчин амиа алдсан харамсалтай хэрэг гарчээ. Энэ талаар олон улсын хэвлэлүүд мэдээлсэн байна.
Тавдугаар сарын 18-нд Францад эхэлсэн Каннын кино наадам үргэлжилж байна. Энэ наадмын хүндэт шагналыг Америкийн жүжигчин Харрисон Форд хүртсэн талаар France Press агентлаг мэдээлжээ.