ТБХ: Хуулийн төслүүдийн анхны хэлэлцүүлгийг хийлээ
Улсын Их Хурлын Төсвийн байнгын хорооны өнөөдрийн (2021.07.02) цахим хуралдаан 13 цаг 15 минутад эхэлж, хоёр асуудал хэлэлцэн шийдвэрлэв.
"Эрүүл мэндийн салбарын ажилтнуудын цалинг нэмэх боломжийг судалж байна"
Уг асуудлаар Эрүүл мэндийн салбарын үйлдвэрчний эвлэлийн холбоотой уулзаж, шалтгаануудыг тайлбарласан. Яг одоогийн нөхцөл байдлын хувьд цалинг хоёр дахин нэмэх боломжийг судалж байна. Цаашид эрүүл мэндийн ажилчдынхаа цалинг нэмэгдүүлэх, нийгмийн эрүүл мэндийн талаар өөрийн биеэс шалтгаалах бүх ажлыг хийнэ. Мөн Эрүүл мэндийн салбарын үйлдвэрчний эвлэлийн холбоотой ярьж, дахин Эрүүл мэндийн яаманд уулзалт товлосон. Тэр үед нь дэлгэрэнгүй мэдээлэл гарах байх"
Өнөөдрийн байдлаар 18 аймгийн 168 суманд хөл хориотой байна
Коронавируст халдварын тархалт нэмэгдэж, шинэ голомтууд үүсч байгаатай холбогдуулан 2021 оны 07 дугаар сарын 02-ны өдрийн байдлаар 18 аймгийн 168 сум иргэдийн зорчих хөдөлгөөн, төрийн болон хуулийн этгээдийн үйл ажиллагаанд хязгаарлалт тогтоогоод байна.
Засгийн газрын өнөөдрийн хуралдааны шийдвэрүүд
Коронавируст халдвар цар тахлын үед экспортын хэмжээг нэмэгдүүлэх зорилгоор нүүрс экспортолж буй хилийн боомт, улсын хилийн бүс, зурвас газарт чингэлэг тээврийн терминалууд байгуулахаар боллоо. Хилийн Замын-Үүд, Гашуун сухайт боомтын экспорт, импортын үйл ажиллагааг зохицуулах үүрэг бүхий Ажлын хэсэг байгуулав. Ажлын хэсгийг Хууль зүй, дотоод хэргийн сайд Х.Нямбаатар ахална
НҮБ-аас хурдан морь унаач хүүхдүүдийн талаар мэдэгдэл гаргалаа
Монгол Улс нь НҮБ-ын Хүүхдийн эрхийн тухай конвенц, Иргэний болон улс төрийн эрхийн тухай олон улсын пакт, Эдийн засаг, нийгэм, соёлын эрхийн тухай олон улсын пакт зэрэг олон улсын хүний эрхийн тухай суурь гэрээ, конвенцод нэгдсэн орсон НҮБ-ын гишүүн улс болохын хувьд хүүхдийн эрхийг хамгаалах, сурталчлан таниулахдаа олон улсад хүлээн зөвшөөрөгдсөн зарчим, хэм хэмжээг дагаж мөрдөх үүрэг хүлээсэн. Олон улсын хөдөлмөрийн байгууллага (ОУХБ)-ын Хүүхдийн хөдөлмөрийн тэвчишгүй хэлбэрийн тухай 182 дугаар конвенцод Монгол Улс нэгдсэн орсноос хойш хорин жилийн хугацаанд монгол хүүхэд бүрийг хүүхдийн хөдөлмөрөөс, тэр дундаа аюулгүй байдал, эрүүл мэнд, ёс суртахуунд нь хохирол учруулж болзошгүй бүх төрлийн хөдөлмөр эрхлэхээс хуулийн хүрээнд хамгаалсан юм.
Орон нутгийн бүх наадмыг нэг жилээр хойшлууллаа
"Засгийн газрын тогтоолоор орон нутгийн баяр наадамтай холбоотой давхар шийдвэр гаргасан. Орон нутагт тэмдэглэх баяр наадмыг нэг жилийн хугацаанд хойшлуулахаар шийдвэрлэсэн"
Ч.Номин: Наадмын бэлтгэлд хэдэн төгрөгийн төсөв зарцуулсан талаар мэдээлэлгүй байна
"Баяр наадмыг тэмдэглэн өнгөрүүлэх хуультай. Хуулийнхаа хүрээнд комисс байгуулагддаг. Баяр наадмыг зохион байгуулахад 3.5 тэрбум төгрөг төсөвлөгдсөн байсан. Уг төсвийн дөрөвний нэг нь есөн салбар хорооны нэг болох соёл урлагийн арга хэмжээнд зориулан тавигдсан байлаа. Засгийн газрын шийдвэр гарч, наадмын урьдчилсан бэлтгэл ажлыг хийж байсан. Бэлтгэл ажил нь халдвар хамгааллын дэглэмээ баримталж, бөөгнөрөл үүсгэхгүйн тулд бага багаар хийгдээд явж байсан. Контентын хэмжээнд нээлт хаалтын соёл урлагийн арга хэмжээнүүд бэлтгэгдээд явж байгаа. Өнөөдрийг хүртэл тодорхой арга хэмжээнүүд бэлтгэгдсэн. Одоогийн байдлаар хэдэн төгрөгийн тооцоо гарсан мэдээлэл байхгүй байна. Хийгдсэн контентыг янзалж, цэгцлээд иргэдэд хүргэх болно"
С.Энхболд: Дельта вирус манай улсад орж ирэх нь цаг хугацааны асуудал
"Манай улсад төдийгүй дэлхий дахинаа нөхцөл байдал хэцүү байна. ДЭМБ-аас Европын холбооны улсуудад халдварын тархалт 10 хувиар нэмэгдсэн байна гэсэн дүгнэлт гаргаж шүүмжилсэн байна. Учир нь Европын холбооны хөлбөмбөгийн тэмцээнийг зохион байгуулсан. Үүнтэй холбоотой халдварын тархалт нэмэгдсэн. Ялангуяа Дельта вирусийн тархалт мутацилагдсан хувилбар илүү хурдтай тархаж байна гэсэн мэдээллүүд гарч байна. Энэ долоо хоногт дэлхийн улс орнууд хилээ хаах, хөл хорио тогтоох хариу арга хэмжээ тогтоох арга хэмжээнүүдийг авч эхэлсэн. ОХУ-ын халдварын тархалтын 90 хувь нь Дельта вирус байна. Энэ вирус нь богино хугацаанд хүндэрдэг. Дельта вирусийн тархалт эрчимжиж байгаа учир зарим улс орнууд гурав дахь тунгаа хийж эхэлсэн. Энэ асуудлууд судалгааны түвшинд байсан. Цар тахал хүндэрч байгаа учир хариу арга хэмжээгээ өөрчлөөд явж байна"
ТББХ: Төсвийн тодотголын хоёр дахь хэлэлцүүлгийг хийлээ
Улсын Их Хурлын Төрийн байгуулалтын байнгын хорооны өнөөдрийн (2021.07.02) хуралдаан 12 цаг 18 минутад гишүүдийн ирц бүрдсэнээр эхэллээ.
Н.Алтанхуяг: Ө.Энхтүвшин сайдыг хоёр гараа өргөн дэмжиж байна
АБГББХ-ны өнөөдрийн хуралдаанаар Монгол Улсаас гадаадын 24 улсад суух Элчин сайд нарын томилгоог хэлэлцлээ.
ЗГ: Алтанбулаг боомтыг хаалаа
Засгийн газрын ээлжит бус хуралдаан болж дууслаа. Засгийн газрын ээлжит бус хуралдаанаар энэ жилийн үндэсний их баяр наадмыг нэг жилээр хойшлуулах шийдвэр гаргалаа. ЭМЯ болон УОК-оос гаргасан дүгнэлтээр энэ удаад үндэсний их баяр наадмыг зохион байгуулбал 12 мянган хүний бөөгнөрөл үүсэх эрсдэлтэй байна. Улмаар гурван мянга орчим хүн халдвар авах магадлалтай байна гэсэн тооцоолол гаргасан. Иймд УОК-ын хуралдаанаар баяр наадмыг хойшлуулах эсвэл цуцлах саналыг Засгийн газрын ээлжит бус хуралдаанд оруулсан. Засгийн газрын ээлжит бус хуралдаанаар уг саналыг дэмжиж, баяр наадмыг нэг жилээр хойшлуулах шийдвэр гаргалаа. Баяр наадмыг нэг жилээр хойшлуулахтай холбоотой хэмнэгдсэн зардлыг эрүүл мэндийн салбарт зарцуулна.
ФОТО: Эрүүл мэндийн салбарынхан суулт зарлаж эхэллээ
Цар тахлыг устгах гол үүргийг гүйцэтгэж байгаа эмч, ажилтнуудын үндсэн цалинг 2 дахин нэмэгдүүлэхийг шаардаж Монгол улсын ерөнхийлөгч У.Хүрэлсүх, УИХ-ын дарга Г.Занданшатар, МУ-ын ерөнхий сайд Л.Оюун-Эрдэнэ, Сангийн сайд Б.Жавхлан, УИХ-ын Нийгмийн бодлогын байнгын хорооны дарга М.Оюунчимэг, Эрүүл мэндийн сайд С.Энхболд нарт албан "ШААРДЛАГА"-ын хариугаа хүлээн Сүхбаатарын талбайд сууж байна. Тодруулбал, Монголын Эрүүл Мэндийн ажилтны ҮЭХ-оос эмч нарын цалин урамшуулалтай холбоотой асуудлаар мэдээлэл хийж, цалингаа хоёр дахин нэмүүлэхийг шаардсан.
Ц.Даваасүрэн гишүүн наадамлахыг хүсчээ
Үндэсний баяр наадмыг хойшлуулах тухай УОК-ын саналыг Засгийн газар дэмжлээ.
Өнөөдрийн байдлаар 800 гаруй жирэмсэн эмэгтэй эмнэлэгт хэвтэн эмчлүүлж байна
Эрүүл мэндийн яамнаас халдварын цаг үеийн нөхцөл байдлын тухай ээлжит мэдээллийг /2021.07.02/ хийлээ. Сүүлийн 24 цагийн хугацаанд 16 441 хүн дархлаажуулалтад хамрагджээ. Ингэснээр улсын хэмжээнд нийт нэгдүгээр тунд 2 038 128 хүн, хоёрдугаар тунд 1 750 266 хүн хамрагдсан байна. Мөн 2669 жирэмсэн эмэгтэйг, 12-15 насны 56 628 хүүхдийг вакцинд хамруулжээ. Өнөөдрийн байдлаар 800 гаруй жирэмсэн эмэгтэй, 2900 гаруй хүүхэд эмнэлэгт хэвтэн эмчлүүлж байна гэж ЭМЯ-ны хэвлэлийн төлөөлөгч Б.Ууганбаяр мэдээллээ.
Халдварын улмаас нийт 592 хүн нас бараад байна
Сүүлийн 24 цагийн хугацаанд халдварын улмаас 56-83 насны 14 хүн нас барлаа. Ингэснээр халдварын улмаас нийт нас барсан хүний тоо 592 болж байна.
“ЧИНГИС ХААН” ОУНБ-аас 12 авиакомпани нислэг үйлдэнэ
Япон Улсын Засгийн газрын санхүүжилтээр (иений хөнгөлөлттэй зээл) барьж байгуулсан “Чингис хаан” Олон улсын нисэх буудал 2021 оны 7 дугаар сарын 4-ний өдөр ашиглалтад орж, нээлтийн ажиллагаагаа хийхээр төлөвлөж байгаа бөгөөд анхны нислэгийг Улаанбаатар-Токиогийн чиглэлд МИАТ ХК үйлдэх юм.
ШУУД: Шинээр 2376 тохиолдол батлагдаж, 14 хүн нас барлаа
"Сүүлийн 24 цагийн хугацаанд 9485 сорьцод шинжилгээ хийснээс 2376 хүнд коронавирус илрэв. Ингэснээр манай улсын нийт батлагдсан тохиолдол 120 339 боллоо. Шинээр батлагдсан тохиолдлын 1494 нь Улаанбаатар хотод, 877 нь орон нутагт, 5 эмнэлгээс шалтгаалах халдвар байна. Мөн сүүлийн 24 цагийн хугацаанд 2170 хүн эдгэрлээ. Коронавирусийн халдварын улмаас 14 хүн нас барлаа. Ингэснээр халдварын улмаас нийт нас барсан хүний тоо 592 болж байна" гэж мэдээллээ.
Бамбаруушийг тайгад тавилаа
Хөвсгөл аймгийн Эрдэнэбулган сумын малчин айлд энэ сарын 16-нд эхээсээ төөрсөн бамбарууш ирснийг нутгийн байгаль хамгаалагчид асран хамгаалж, бие даан амьдрах чадвартай болгоод өнөөдөр тайгад нь тавьж байна.
Ш.Батхүү нарын шүүх хурал хойшиллоо
"Жаст" группын захирал асан Ш.Батхүү нарт холбогдох хэргийн шүүх хуралдаан өнөөдөр Улсын дээд шүүхэд товлогдсон.
Засгийн газар наадмыг хойшлуулах шийдвэр гаргалаа
Засгийн газрын ээлжит бус хуралдаан болж байна. Тус хуралдаанаар УОК-ын саналуудыг хэлэлцэж буй. УОК-оос коронавирусийн халдварын нөхцөл байдлаас шалтгаалан Үндэсний баяр наадмыг хойшлуулах саналыг гаргаад буй. Тэгвэл УОК-ын энэ саналыг Засгийн газар дэмжиж, наадмын нэг жилээр хойшлууллаа.