Хоёрдугаар сарын зургаанд шилжих шөнө Туркэд болсон газар хөдлөлтийн дараа дэлхийн 80 гаруй орон Турк рүү аврагчдын багаа илгээсний нэг нь Япон улс байсан юм. Японы аврагчид үүргээ амжилттай биелүүлээд эх орондоо газардахад тэднийг Японд амьдардаг туркүүд угтан авчээ.
Ой тогтоолтын ОУ-ын Их Мастер, Гиннесийн рекорд эзэмшигч, Ой тогтоолтын Дэлхийн Аварга ихэр тамирчид болох Н.Мөнхшүр, Н.Энхшүр нар Хятадын хамгийн их үзэгчтэй Jiangsu телевизийн "The Brain" шоу нэвтрүүлэгт оролцох урилгыг хүлээн авчээ.
Хоёрдугаар сарын 16-ны өдөр Панамд зорчигч тээврийн автобус осолдож, олон хүний амь эрсэджээ. Энэ талаар Ройтерс агентлаг мэдээлсэн байна.
Ерөнхий боловсролын сургуулийн сурагчид ирэх 7 хоног буюу энэ сарын 20-24-ний өдрүүдэд амрах шийдвэрийг БШУЯ-аас гаргасан.
Австрали улс өөрийн бэлгэдлүүдийн нэг болсон имжийг тодорхой тоогоор устгахаас аргагүй болжээ. Сүүлийн үед имжний тоо толгой эрс нэмэгдсэн нь фермерүүдэд ихээхэн хор хохирол учруулах болсон тул ийм шийдвэр гаргасан талаар Хабар24 мэдээлсэн байна.
ЭЦА-ны Эдийн засгийн гэмт хэрэгтэй тэмцэх газрын дарга, дэд хурандаа н.Ганчулуун "Өнөөдрийн байдлаар койн, крипто валюттэй холбоотой 490 гомдол мэдээлэл шалгагдаж байна. Монгол Улсад койн токены үйл ажиллагаа явуулахаар 64 ААН, иргэн бүртгэгдсэн байдаг. Эдгээрийг бүгдийг нь шалгаж байна" гэлээ.
Турк, Сирид газар хөдөлснөөс хойш 10 дахь өдөр нь өнөөдөр тохиож байна. Газар хөдлөлтөөс хойш цаг мөч өнгөрөх тусам амьд хүн олох магадлал тун бага гэж үздэг ч Туркэд ажиллаж буй аврагчид нурангин дороос олон хоногийн дараа ч амьд хүн олсоор байгаа юм.
Баянгол дүүргийн худалдан авах ажиллагааны газраас хог тээврийн тусгай зориулалтын автомашин худалдан авахаар тендер зарлажээ.
Дэлхийн олон орны нийт 213 телевиз, 562 радио "Турк-нэг зүрх" аяныг дэмжжээ. Шууд нэвтрүүлгийн үеэр Туркийн Ерөнхийлөгч Эрдоган студитэй утсаар холбогдож, газар хөдлөлтийн улмаас амиа алдсан хүмүүсийн ар гэрт эмгэнэл илэрхийлэхийн дээр газар хөдлөлтийн хор уршгийг арилгахад төрөөс бүх нөөц хүчээ дайчилна хэмээн амлажээ.
Ерөнхий боловсролын Нэгдүгээр сургуулийн түүхт 100 жилийн ой энэ өдрүүдэд тохиож байна.
Турк, Сирид болсон хүчтэй газар хөдлөлтийн улмаас амиа алдсан хүмүүсийн дурсгалыг хүндэтгэх ёслол Германы нийслэл Берлин хотноо болсон талаар Хабар 24 мэдээлжээ.
XVII жарны "Үзэсгэлэн болгогч" хэмээх харагчин /усан/ туулай жилийн Хаврын тэргүүн бар сарын шинийн 1-ний өдөр нь 2023 оны хоёрдугаар сарын 21-нд тохиож байна. Монголчууд бидний уламжлалт их баяр цагаан сарын өдөр болой.
Койны асуудлаар О.Мөнхжинг цагдан хориод байгаа. Үүнтэй холбогдуулан койны үйл ажиллагаа явуулдаг бүх компаниудыг хуулийн байгууллагаас шалгах ажиллагааг эхлүүлсэн байна.
Хятадын Гадаад хэргийн сайд асан Ван И Европын орнуудад хийх айчлалаа хоёрдугаар сарын 14-ний өдөр эхлүүлсэн. Энэ сарын 22-ны өдрийг хүртэл үргэлжлэх айлчлалын хүрээнд тэрбээр Францад зочилжээ.
"Аль-Каида" алан хядах бүлэглэл Саиф аль Адель гэх шинэ толгойлогчтой болжээ. Энэ талаар НҮБ-ын шинэ тайланд дурдсан байна. Түүнээс өмнөх толгойлогч болох Айман аз-Завахириг 2022 оны долдугаар сарын 31-ний өдөр Кабулд Америкийн пуужингаар устгасан юм.
Германы Мюнхен, Франкфурт, Хамбург хотуудын нисэх буудлууд баасан гарагт түр хаагдаж, тогтмол нислэг үйлдэхгүй гэж DW агентлаг мэдээлжээ.
Монголын шог зургийн “загалмайлсан эцэг” гэгддэг Урлагийн гавьяат зүтгэлтэн, шог зураач Цэвэгийн Байды сар шинийн босгон дээр "Монгол Улсын Ардын зураач" цол хүртэхээр болжээ.
Туркийн Кахраманмараш болон Хатай мужид хоёронтаа болсон газар хөдлөлт аймшигт сүйрлийг дагуулсан бөгөөд Хатай мужид энэ байгалийн гамшигт тэсэж үлдсэн цорын ганц хот нь Эрзин байв. Энэ хот бараг л хохирол амсаагүй нь хотын дарга Оккеш Эльмасоглугийн гавьяа гэж Туркийн хэвлэлүүд бичжээ. Туркийн Cumhuriyet хэвлэлийн мэдээлснээр, 42 000 хүн амтай Эрзин бүрэн бүтэн үлдсэний дээр нэг ч хүн амиа алдаагүй аж.
Сар шинийн баяр болох гэж буйг тохиолдуулан нийгмийн халамжийн тэтгэвэр, тэтгэмж, хөнгөлөлт, тусламжийг хугацаанаас нь өмнө олгохоор шийдвэрлэсэн билээ.
Дугаарын хязгаарлалт зөрчин хөдөлгөөнд оролцсон тээврийн хэрэгслийг замын хяналтын камераар илрүүлэн хариуцлага тооцно.