УИХ-ын нэгдсэн чуулганы өнөөдөр /2020-04-09/-ийн хуралдаанаар Засгийн газраас өргөн мэдүүлсэн “Коронавируст халдвар /COVID-19/-ын цар тахлын үед иргэдийн эрүүл мэнд, орлогыг хамгаалах, ажлын байрыг хадгалах, эдийн засгийг идэвхжүүлэх багц арга хэмжээний тухай” тогтоолын төслийг хэлэлцэн баталлаа.
5.1 их наяд төгрөгийн санхүүжилтээр хэрэгжих уг хөтөлбөр батлагдсанаар аж ахуйн нэгжүүдийг НӨАТ-аас , ажилтнуудыг НДШ-ээс дөрөвдүгээр сараас 10 дугаар сар хүртэл зургаан сарын хугацаанд чөлөөлнө. Мөн үйл ажиллагаа нь доголдсон ч ажлын байраа хадгалж байгаа аж ахуйн нэгжүүдийн ажилтнуудад зургаан сарын хугацаанд 200 мянган төгрөг олгох, хүүхдийн мөнгийг дээрх хугацаанд 30 мянган төгрөг болгон олгох юм.
АН-ын Үндэсний бодлогын хороо өнөөдөр цахимаар хуралджээ.
Улсын Их Хурлын гишүүд нэгдсэн чуулганы цахим хуралдаанд “Их хуралдай”, “Эзэн Чингис хаан”, “Жанжин Д.Сүхбаатар”, “Их засаг”, “Үндсэн хууль” танхимуудаас цахимаар оролцож байгаа юм.
УИХ-ын чуулганы үдээс хойшхи хуралдаан хуралдаж байна.
Монгол Улсын Их Хурлын дарга Г.Занданшатар, Парламентын судалгааны хүрээлэнгийн захирал Д.Бадамдаш нар өчигдөр (2020.04.08) “Global Partners Governаnсе” олон улсын байгууллагаас зохион байгуулсан “Виртуал парламент” сэдэвт онлайн хэлэлцүүлэгт оролцлоо.
Улсын онцгой комисс хуралдлаа. Хуралдаанаар энэ жилийн цэрэг татлагыг хэрхэн зохион байгуулах талаар шийдвэр гаргажээ. Сэлэнгэ, Дорноговь аймаг, Улаанбаатар хотоос цэрэг татахгүй гэнэ.
Хилийн цэргийн ангиудад зайлшгүй шаардлагатай байгаа цэргийг татна. Харин Сэлэнгэ, Дорноговь, Улаанбаатар хотоос цэрэг татахгүй. Цаг үеийн нөхцөлтэй холбоотой "Оюутан цэрэг" хөтөлбөрийг хэрэгжүүлэхгүй.
Тавдугаар сард хичээл дуусна, есдүгээр сарын нэгнээс хичээл эхлүүлье гэж бэлтгэж байна. Засгийн газрын хуралдаанаар тодорхой шийдвэр гарна. ЭМЯ-наас санал авахаар өнөөдөр бичиг хүргүүлсэн.
УИХ-ын чуулганы нэгдсэн хуралдаан эхэлж байна. Цахимаар хуралдаж байгаа гишүүд тус тусын танхимын ирцээ УИХ-ын даргад мэдэгдэж байлаа. Тухайлбал, Их Засаг танхимаас 8 гишүүн ирэхээс 6, Үндсэн хуулийн танхимаас 10 гишүүн ирэхээс 4, Их жанжин Сүхбаатар танхимаас 17 гишүүнээс 8 гишүүн, Их эзэн Чингис хаан танхимаас 18 ирэхээс 8 гишүүн ирсэн ирцтэй байлаа.
Монгол Улсын Шадар сайд, Улсын Онцгой комиссын дарга Ө.Энхтүвшин өнөөдөр ХӨСҮТ-д ажиллалаа. Энэ үеэр коронавируст халдварын оношлогоо, эмчилгээг гүйцэтгэж халуун цэг дээр нь ажиллаж байгаа эмч, сувилагч үйлчлэгч зэрэг нийт хамт олонд чин сэтгэлийн халуун талархал илэрхийлсэн юм.
Засгийн газрын ээлжит хурал 2020 оны 04 дүгээр сарын 08-ны өдөр болж дараах асуудлыг хэлэлцэн шийдвэрлэв.
Хөдөлмөр, нийгмийн хамгааллын сайд С.Чинзориг, Онцгой байдлын үед цаг наргүй ажиллаж буй эрүүл мэндийн салбар, онцгой байдал болон бусад төрийн тусгай албан хаагчдын цалин хөлсийг хэвийн олгон ажиллаж байгаа. Энэ оны 01 дүгээр сарын 01-ний өдрөөс эхлэн төрийн үйлчилгээний албан хаагчид, багш, эмч нар төрд ажилласны удаан жилийн нэмэгдэл авах болсон бөгөөд дунджаар 5-25 хувийн нэмэгдэл авч эхэлсэн. Энэ нэмэгдлийг олгоход 140 гаруй тэрбум төгрөгийг 2020 оны төсөвт тусгасан. Түүнчлэн дээрх ажилтнуудын илүү цагийн хөлсийг олгохоор Засгийн газрын шийдвэр гаран ажиллаж байгаа гэлээ.
Монгол Улсын урт, дунд, богино хугацааны хөгжлийн бодлого, төлөвлөлтийн баримт бичгүүдийг боловсруулахад тавигдах шаардлага, зарчмыг сайжруулж, шинжлэх ухааны үндэслэлтэй, судлагаанд суурилсан бодлогын баримт бичиг батлагдан гарах таатай нөхцөл бүрдэнэ хэмээн төсөл санаачлагчид үзжээ.
Төрийн байгуулалтын байнгын хороо хуралдаж, гурван асуудал хэлэлцэж шийдвэрлэв.
ЕБС, цэцэрлэг, их дээд сургууль, МСҮТ-ийн үйл ажиллагаа есдүгээр сарын 1 хүртэл хичээллүүлэхгүй байх бэлтгэлийг хангаж олон нийтэд зарлахыг Ерөнхий сайдаас өгсөн чиглэлийн дагуу шуурхай штаб ярилцаж байгаа аж.
Нийгмийн өмнө хүлээсэн хариуцлагаа биелүүлж хөдөлмөр эрхлэн, холбогдох татвар, нийгмийн даатгал болон бусад төрлийн шимтгэлээ төлж буй иргэн бүрд нийгэм, эдийн засгийн хүндрэл үүссэн үед улсын төсөв, төрөөс зохих хэмжээний дэмжлэг үзүүлдэг зарчмын дагуу дээрх зохицуулалтуудыг тогтоолын төсөлд тусгасан гэдгийг Ч.Хүрэлбаатар сайд тайлбарласан юм.
Засгийн газрын ээлжит хуралдаан болж байна. Хуралдаанаар хэлэлцсэн асуудлын талаар ЭХ-ний сайд Ц.Даваасүрэн мэдээлэл хийж байгаа юм.
Мөн Олон улсын нислэгийг зогсоосонтой холбоотойгоор иргэний нисэхийн салбар болон “МИАТ” ТӨХК-ийн үйл ажиллагаа, санхүүгийн байдалд үүссэн хүндрэлтэй нөхцөл байдлын талаарх мэдээллийг Засгийн газрын гишүүдэд танилцуулах юм.