ЭМЯ-наас коронавирусийн халдварын нөхцөл байдлын мэдээллийг гаргажээ. Энэ өдөр шинээр 3638 тохиолдол бүртгэгджээ. Шинээр батлагдсан тохиолдлын 810 нь Улаанбаатар хотод, 2828 нь орон нутагт, байна. Мөн хугацаанд халдварын улмаас гурван хүн нас баржээ. Түүнчлэн сүүлийн 24 цагийн хугацаанд 2554 хүн эдгэрлээ.
Наймдугаар сарын дунд үеэс эхлэн тохиолдлын тоо нэмэгдэж эхэлсэн. Тодруулбал, сүүлийн долоо хоногт өдөрт бүртгэгдэх тохиолдлын тоо огцом нэмэгдэж 3000 болон түүнээс дээш бүртгэгдэж байгаа. Нийт бүртгэгдэж байгаа тохиолдлуудын 73 хувь нь аймаг орон нутагт, 27 хувь нь нийслэлд батлагдаж байна. Өвчлөлийн түвшин зарим аймаг орон нутагт өндөр байгаа. Тухайлбал, Архангай, Баянхонгор, Булган, Өвөрхангай, Говь-Алтай, Дархан-Уул, Дорноговь, Дорнод, Сэлэнгэ, Увс, Ховд аймаг байна. Дараагийн 14 хоногт Улаанбаатар хотод өдөрт бүртгэгдэх шинэ тохиолдлын тоо 900 дээш болно гэсэн таамаг гаргасан.
Нийслэлийн нутгийн захиргааны байгууллагуудаас иргэн, хуулийн этгээдэд үзүүлж буй төрийн үйлчилгээг цахимжуулах ажлыг үе шаттайгаар хэрэгжүүлж байгаа. Энэ хүрээнд Нийслэлийн Газар зохион байгуулалтын албанаас “Иргэн, хуулийн этгээдэд зориулсан газрын удирдлагын цахим систем” буюу гар утасны Egazar аппликэйшн хөгжүүлж хэрэглээнд нэвтрүүлээд байна. Нийслэлийн Газар зохион байгуулалтын албанаас 43 нэр төрлийн төрийн үйлчилгээг иргэн, хуулийн этгээдэд үзүүлж буй. Дээрх системийг хэрэглээнд нэвтрүүлснээр 27 нэр төрлийн төрийн үйлчилгээг цахим хэлбэрээр авах боломж бүрдэж байна.
Нийслэлийн лавлагаа, мэдээллийн 1800-1200 тусгай дугаар нь нийслэлийн нутгийн захиргааны байгууллагуудаас иргэн, хуулийн этгээдэд үзүүлж буй төрийн үйлчилгээ, үйл ажиллагаа болон “Ковид 19”-тэй холбоотой мэдээ, мэдээллийг 24 цагийн турш өгч, шуурхай үйлчилгээ үзүүлэн ажиллаж байна. Наймдугаар сарын 27-ноос есдүгээр сарын 2-ны хооронд тус тусгай дугаарт нийт 1541 иргэн хандаж мэдээ, мэдээлэл авлаа.
Төсөлд экспортыг нэмэгдүүлэх, импортыг орлох үндэсний үйлдвэрлэлийг дэмжих, бизнесийн таатай орчныг бүрдүүлэх, төр-хувийн хэвшлийн түншлэлийг сайжруулах тухай тусгажээ. Мөн төрийн болон орон нутгийн өмчит аж ахуйн нэгжүүдийн засаглалыг сайжруулах, гадаадын хөрөнгө оруулалтыг нэмэгдүүлэх заалт орсон байна. ҮАБЗ-өөс уг хуулийн төслийг Засгийн газраас УИХ-д өргөн мэдүүлж, хэлэлцүүлэхийг дэмжжээ.
Улаанбаатар-Сөүл чиглэлийн зорчигчдоос коронавирусийн халдварын тохиолдол олон батлагдаж байгаа аж. Иймд БНСУ-ын хорио цээр, халдвартай тэмцэх газраас “БНСУ-руу нислэг үйлддэг бүх агаарын тээвэрлэгчдэд мөрдүүлэх заавар”-ын дагуу 9-р сарын 10, 11-ний өдрүүдийн нислэгээр Улаанбаатар-Сөүл чиглэлд зорчигч тээвэрлэхгүй байх шийдвэр гаргасан байна. Гэхдээ Сөүл-Улаанбаатар чиглэлийн нислэгт өөрчлөлт ороогүй гэнэ. Дээрх өдрүүдэд Улаанбаатараас Сөүл чиглэлийн тийз авсан зорчигчид тийз авсан газраа хандахыг МИАТ ТӨХК-өөс зөвлөлөө.
Коронавируст халдварын улмаас Элсэлтийн ерөнхий шалгалтад оролцож чадаагүй шалгуулагчдаас авч буй Элсэлтийн ерөнхий шалгалтыг 11 аймаг болон нийслэлд зохион байгуулж байна. Шалгалтад улсын хэмжээнд нийт 220 шалгуулагч хамрагдаж байна. Тус шалгуулагчдыг ЭМЯ-наас ирсэн жагсаалт болон БСУГ, БҮТ-д ирүүлсэн өргөдөл, шинжилгээний бичиг, эмнэлгийн магадлагаад үндэслэн суудлын хуваарийг бодож шалгалтад оруулсан. Шалгуулагчид анхны оноогоо шалгалт өгсөн даруйдаа мэдэх ба хэмжээст оноог шалгалт өгснөөс хойш 24 цагийн дотор мэдээлэх гэнэ.
Хоёр сайдын хамтарсан тушаалд тухайн сургууль, цэцэрлэг гурван хүний бүрэлдэхүүнтэй тандалт, хариу арга хэмжээний багтай байна гэж заасан. Уг гурван хүний бүрэлдэхүүнд сургууль, цэцэрлэгийн эмч, нийгмийн ажилтан, мэдээлэл технологийн ажилтнууд орох боломжтой гэж үзэж байгаа. Өөрөөр хэлбэл, хариу арга хэмжээ авах мэдлэгтэй гурван хүний баг байгуулна гэсэн үг. Сэжигтэй тохиолдол илэрсэн үед нэн түрүүнд эмчид мэдэгдэх бөгөөд тухайн эмч хүүхдээс түргэвчилсэн шинжилгээ авах юм.
Өнөөдөр Улаанбаатар хотод явуулын 4, суурин 58 цэгт 82 багийн 426 эмч, ажилтан ажиллаж, 8184 иргэнийг дархлаажуулахаар төлөвлөлөө. Дархлаажуулалтын цэгүүд 09:00-17:00 цаг хүртэл ажиллана. Дархлаажуулалтын цэгийг дүүрэг тус бүрээр танилцуулж байна.
Баасан гарагийн мэнд. Хичээл сургуулийн үйл ажиллагаа жигдэрч эхэллээ. Цар тахлын улмаас хоёр жилийн хугацаанд цахимаар хичээллэсэн. Харин энэ хичээлийн жилд танхим болон танхимын бус хослуулсан хэлбэрээр хичээллүүлэхээр Засгийн газрын ээлжит хуралдаанаар шийдвэрлэсэн. Ингэхдээ салбар яам нь зохион байгуулалтыг хариуцна. Тодруулбал, Ерөнхий боловсролын сургуулиуд 5/9 зарчмаар хичээллэх юм.
Дохио!!! Цаг агаарын аюултай үзэгдлээс сэрэмжлүүлэх мэдээ: Өнөөдөр Булган, Сэлэнгийн нутаг, Архангайн зүүн, Төв аймгийн баруун хэсгээр ахиухан хэмжээний бороо орно.
Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, гөлөг тэжээхэд муу.
Улаанбаатар хотод 2021 онд улс, нийслэл, дүүргийн төсөв, гадаадын зээл, тусламжийн хөрөнгөөр хэрэгжих боловсролын байгууллагын нийт 152 төсөл, арга хэмжээ бий.
2021-2022 оны галлагааны улирал буюу өвөлжилтөд зориулан өвөлжилтийн бэлтгэл ажлын багц үнэлгээ гарган, ажлаа эхлүүлсэн. Одоогоор 80 орчим хувийн биелэлттэй байна. Өвөлжилтийн бэлтгэл ажил үндсэн хэд хэдэн дэд сэдвийг агуулдаг.
“E-Immigration” аппликэйшн нь англи, орос, хятад, солонгос гэсэн 4 хэлний сонголттойгоор бүтээгдсэн байна.
Зам тээврийн хөгжлийн яамнаас автомашины азын дугааруудын дуудлага худалдаанаас төвлөрлөсөн мөнгийг Хүүхдийн төлөөх санд байршуулахаар болжээ.
“Монголын тулгар төр 2230”, “Ардын хувьсгалын 100 жил” сэдэвт марк гарлаа.
Монгол Улсын Засгийн газрын байгуулсан гэрээний хүрээнд Япон Улсын Засгийн газрын буцалтгүй тусламжийн хөрөнгөөр санхүүжүүлж буй “КОВИД-19 цар тахал болон нийгмийн эрүүл мэндийн онцгой байдлын үеийн чадавхыг бэхжүүлэх төсөл”-ийн хүрээнд 333,450 тун Пфайзер/БиоНТех BNT162 вакциныг 9 дүгээр сарын 01-ний өдөр хүлээн авлаа. Ингэснээр 3 дугаар улиралд хүлээн авах нийт 1,124,370 тун вакциныг бүрэн хүлээн авлаа.
Олон нийтийн сүлжээний хэрэглэгчид өнөөдөр нийтийн тээврийн автобус болон зарим зогсоолд байршуулсан "ЛГБТ" төвийн өдөрлөгийн танилцуулгын талаар өөр өөрийн үзэл бодлыг илэрхийлж байна.
"Токио-2020" паралимпын наадам үргэлжилж байна. Эмэгтэйчүүдийн таеквондогийн 49 кг-д өрсөлдөж буй ОУХМ Х.Энхтуяа дагах тулаанд Мароккогийн С.Эс-Саббарыг 37:21-ээр ялллаа. Ингэснээр тэрбээр дагах тулаанаа цааш үргэлжлүүлэх эрхтэй болов. Дэлхийн аварга цолтой тэрбээр 18.00 цагаас ээлжит тулаанаа хийнэ. Өрсөлдөгч нь хараахан тодроогүй байгаа энэ тулаанд ялалт байгуулбал цааш хүрэл медалийн төлөө өрсөлдөх юм.