Голомт банк болон International Investment Bank (IIB) нь 2021 оны 6-р сарын 10-ны өдөр таван жилийн хугацаатай 10 сая ам.долларын зээлийн гэрээнд гарын үсэг зурлаа. Энэхүү зээлийг Голомт банк нь ЖДҮ, IIB-ны гишүүн орнуудын оролцоотой төслүүд болон Монгол Улсад хэрэгжиж буй тогтвортой хөгжлийн санаачлагуудыг санхүүжүүлэхэд зарцуулах юм.
Эрхэм харилцагч та өөрийн хэрэгцээ шаардлагад нийцсэн орон сууц худалдан авахаар зорьж буй бол, тав тухыг цогцлоосон амины орон сууцтай болохоор төлөвлөж байгаа бол энэхүү зорилгоо биелүүлэх боломжийг санал болгож байна. Бага хүү, урт хугацаатайгаар буюу зах зээл дэх хамгийн таатай нөхцөлөөр тансаг зэрэглэлийн болон энгийн орон сууц, мөн амины орон сууц худалдан авах дөрвөн төрлийн зээлийг ХААН Банк харилцагчдадаа олгож эхэллээ.
УОК-оос хоолны газруудыг заалаар үйлчлэхгүй гэсэн шийдвэр гаргасан. Энэ шийдвэрийг зөрчиж, заалаар үйлчилбэл мэргэжлийн хяналтын байгууллагаас хариуцлага тооцно.
Эрүүл мэндийн сайдын тушаалаар ирэх долоо хоногийн даваа гарагаас буюу 6 дугаар сарын 28-ны өдрөөс 12-15 насны хүүхдүүдийг дархлаажуулалтад хамруулахаар боллоо. Дархлаажуулалтад хамрагдах хүүхдүүдэд Файзер үйлдвэрийн вакцин хийх юм. Ингэхдээ тухайн хүүхдийн эцэг эх, асран хамгаалагчийн зөвшөөрлөөр сайн дурын үндсэн дээр дархлаажуулалтад хамруулах юм.
Уул уурхай, хүнд үйлдвэрийн салбарт Алсын хараа – 2050 Монгол улсын урт хугацааны хөгжлийн баримт бичиг, Төрийн албаны шинэтгэл - инноваци, технологийн ямар онцлогтой хэрэгжиж байгаа талаар Төрийн албаны зөвлөлөөс ээлжит уулзалтыг зохион байгууллаа.
“Төвийн болон Говийн аймгуудын нутгаар энэ сарын 27-нд хэт хална. Говийн бүс нутгийн өмнөд хэсэг, нууруудын хөндийгөөр 39 градус хүрч халах төлөвтэй байна. Говийн аймгуудын нутгаар 36 градус хүртэл халах нь хэвийн боловч 39 градус хүрэх төлөвтэй байгаа нь хэт халалт сэрэмжлэх түвшинд хүрнэ гэсэн үг. Тухайн өдөр /ням гариг/ нийслэлд 33 градус хүрч хална” гэлээ. Тиймээс иргэд хэт халуунд гадуур гарахгүй байх, өндөр настай, зүрх судасны өвчтэй, жирэмсэн эмэгтэйчүүд хүйтэн жин тавьж, шингэн зүйл уух, гэртээ байхыг зөвлөж байна.
Нийслэлийн хэмжээнд коронавирусийн халдвараар өвдсөн 1600 гаруй жирэмсэн эхэд Нийслэлийн Засаг даргын нөөц хөрөнгөөс дархлаа дэмжих “Амин дэмийн багц”-ыг бэлтгэн хүргүүлж байна. Өнөөдөр Нийслэлийн Засаг даргын зөвлөх Б.Мягмар, Нийслэлийн Эрүүл мэндийн газрын дарга Б.Бямбадорж нар Эх, нярай, эмэгтэйчүүдийн Үндэсний II төвд хэвтэн эмчлүүлж байгаа 382 жирэмсэн эхэд “Амин дэмийн багц”-ыг хүлээлгэн өглөө. Бусад эмнэлэгт хэвтэн эмчлүүлж байгаа жирэмсэн эхчүүдэд тухайн эмнэлгийн эмч, ажилтнуудаар дамжуулан “Амин дэмийн багц”-ыг хүргүүлж байгаа юм.
-Худалдааны төвүүд үйлчлүүлэгчийн хоёр дахь тунг хийлгэсэн эсэхийг шалгаж оруулах зэрэг журмыг зөрчсөн асуудалд холбогдох шалгалт хийж байгаа. Мөн амралтын газар, баар цэнгээний газруудыг ажиллахыг хориглосон байгаа. Гэтэл дүрэм зөрчөөд ажиллаж байгаа зөрчлүүд илэрч байна. Иймд өнөөдөр НЦУГ-аас нэлээдгүй байгууллагын эрхийг цуцлах саналыг Нийслэлийн захирагчийн ажлын алба руу хүргүүлсэн. Энэ талаар эргэн мэдээлнэ. Коронавирус цар тахлын энэ үед хүн хоорондын зайгаа баримтлах, халдвар хамгааллын дэглэмээ баримтлуулахын төлөө бүгд хичээж ажиллаж байна. Гэтэл дэглэм зөрчиж, хүмүүс цуглуулж, архидан согтуурах арга хэмжээ зохион байгуулж байгаа газруудтай хатуу тэмцэхээс өөр аргагүй.
ААН-үүд УОК-ын эсрэг "БОЙКОТ" зарлаж эхэллээ. Учир нь Улсын онцгой комиссын ээлжит хуралдаан өчигдөр болсон. Хуралдаанаар коронавируст халдварын тархалт цаашид нэмэгдэх хандлагатай байгаа учир мэргэжлийн байгууллагын саналыг үндэслэн халдвар тархах өндөр эрсдэл бүхий чийрэгжүүлэх, бялдаржуулах төв, саун, бассейны үйл ажиллагааг зургадугаар сарын 25-ны өдрөөс эхлэн 10 хоногийн хугацаатай зогсоов. Мөн үйл ажиллагааг нь нээсэн худалдаа, үйлчилгээний салбаруудын цагийн хуваарьт хязгаарлалт, зохицуулалт хийж хоол үйлдвэрлэл үйлчилгээний газрыг заалаар үйлчлэхийг хориглосон болон амралт, жуулчны баазын үйл ажиллагааг хязгаарласан хугацааг тус тус 10 хоногоор сунгах шийдвэр гаргасан. Өөрөөр хэлбэл, долдугаар сарын таван хүртэл хоол үйлдвэр үйлчилгээний газрууд заалаар үйлчлэхгүй.
Өмнөговь аймгийн Ханбогд сумын Хайрхан баг Цагаанхаданд өнөөдрөөс тэг зогсолт хийлээ. Тус сум нь экспортын гол бүтээгдэхүүн болох нүүрс тээврийн гол цэг юм.
Цагдаагийн байгууллагаас орон нутгийн замд үйлдэгдэж байгаа хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг, зөрчлөөс урьдчилан сэргийлэх хүүхдийг зам тээврийн осолд өртөхөөс хамгаалах зорилгоор “Орон нутгийн зам-хөдөлгөөний соёл” нэгдсэн арга хэмжээг “Ирээдүйгээ хамгаалъя” уриатайгаар энэ оны 06 дугаар сарын 25-ний өдрөөс эхлэн улсын хэмжээнд зохион байгуулна.
Хүүхэд хөгжил хамгааллын “Ид шидийн орон” төслийн урсгал зардалд хувь нэмрээ оруулахаар Ид шидийн орон сайн үйлсийн дэлгүүр үүдээ нээгээд багагүй хугацааг үдсэн билээ. Хотын төвд буюу “Мөнгөн завьяа”-гийн замын эсрэг талд байрлах энэхүү дэлгүүрт ХААН Банк хандив хүлээн авах зориулалт бүхий КИОСК машиныг суурилуулж өглөө.
Өнөөдрийн байдлаар 12 898 хүн эмчилгээнд байгаа. Биеийн байдлыг үнэлбэл, 8352 хүн хөнгөн, 3097 хүндэвтэр , хүнд 1221, маш хүнд 228 хүн байна. Өнөөдрийн байдлаар 22630 хүн гэрийн хяналтад бий. Мөн 470 жирэмсэн эмэгтэй, 0-17 насны 2355 хүүхэд эмнэлэгт хэвтэн эмчлүүлж байна.
Булган аймгийн Булган сумын нутагт өчигдөр өдрийн 18.00 цаг орчимд гадаа тоглохоор гэрээсээ гараад сураггүй алга болсон 10 настай охин А-г цагдаагийн алба хаагчид эсэн мэнд олж, ар гэрт нь хүлээлгэж өглөө. Эцэг, эхчүүд Та бүхэн бага насны хүүхдэдээ тавих хараа хяналтаа сайжруулахыг цагдаагийн байгууллагаас анхааруулж байна.
Сүүлийн 24 цагийн хугацаанд халдварын улмаас 13 хүн нас барлаа. Ингэснээр халдварын улмаас нийт нас барсан хүний тоо 482 болж байна.
Сүүлийн 24 цагийн хугацаанд 11 000 сорьцод шинжилгээ хийснээс 2366 хүнд коронавирус илрэв. Ингэснээр манай улсын нийт батлагдсан тохиолдол 102 629 боллоо. Шинээр батлагдсан тохиолдлын 1482 нь Улаанбаатар хотод, 879 нь орон нутагт, 5 нь эмнэлгээс шалтгаалах халдвар байна. Мөн сүүлийн 24 цагийн хугацаанд 1059 хүн эдгэрлээ. Ингэснээр нийт эдгэрсэн хүний тоо 66 602 болж байна. Коронавирусийн халдварын улмаас 13 хүн нас барлаа. Ингэснээр халдварын улмаас нийт нас барсан хүний тоо 482 болж байна.
Энэхүү уулзалтаар цар тахлын үед эдийн засгийн хүндэрч болзошгүй нөхцөл байдлын улмаас жижиг, дунд үйлдвэрлэлийг дэмжих, “Хоёр үе шаттай зээл” олгох төслийн III дахь үе шатыг хэрэгжүүлэх талаар харилцан санал солилцсон юм.
Баянзүрх дүүргийн Засаг даргын Тамгын газраас мэргэжлийн байгууллагуудтай хамтран дүүргийн хэмжээнд гэр хорооллын нүхэн жорлон, бохирын цооногт ариутгал халдваргүйжүүлэлт хийж эхэлжээ.
“Эрдэнэт үйлдвэр” ХХК-ийн 64.8 тэрбум төгрөгийн хөрөнгөөр 2015 онд Эрдэнэт медикал” төв эмнэлэгийг байгуулж, улмаар хууль бусаар хувийн хэвшилд үнэгүй шилжүүлжээ. Улсын үйлдвэрийн хөрөнгөөр баригдсан ч өнөөг хүртэл хувийн хэвшлийн өмчид бүртгэлтэй, “Эрдэнэт Медипас” эмнэлгийг улсын өмчид буцаан авч, цар тахлын амаргүй үeд зориулалтын дагуу ашиглах асуудлыг судалж, Засгийн газрын хуралдаанд танилцуулахыг Шадар сайд, УОК-ын дарга С.Амарсайхан өнөөдөр холбогдох албаныханд даалгажээ.