Наймдугаар сарын 07-нд Улаанбаатарт шинжилгээний гурван цэгт 20 эмч, ажилтан, Тандалт, хариу арга хэмжээний 58 багт 232 эмч, ажилтан 58 тээврийн хэрэгсэлтэй ажиллажээ. Мөн явуулын амбулаторийн үйлчилгээг 22 эмч, ажилтан 6 автобусаар үзүүлж, дархлаажуулалтын суурин 17 цэгт 146 эмч, ажилтан ажилласан байна.
“Нарантуул” олон улсын худалдааны төв хөл хөдөлгөөн ихтэй байлаа. “Юу сонирхож байна. Яриад аваарай, гайгүй хямдруулаад өгнө шүү” гэж худалдаачид найрсгаар хэлнэ. “Энэ хэд вэ, доошоо хэдэд өгөх вэ” гэж овсгоотой худалдан авагчид асууна. Хаа нэгтээ лангуун дээр хөзөр тоглож харагдана. “ Ус ундаа аваарай” гэж тээр тэндээс сонсогдоно.
Малчид, иргэдийн анхааралд: Өнөөдөр зүүн аймгуудын нутгаар ахиухан хэмжээний бороо, дуу цахилгаантай аадар бороо орох тул мөндөр, аянга цахилгаан, үер усны аюулаас сэрэмжтэй байхыг анхааруулж байна.
Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойшоо мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд нас ахар болно хэмээжээ
Өнөөдөр Улаанбаатар хотод суурин 14 цэгт 23 багийн 116 эмч, ажилтан ажиллаж, 5765 иргэнийг дархлаажуулахаар төлөвлөлөө.
Эрүүл мэндийн яам коронавирусийн халдварын 2021 оны 08 дугаар сарын 08-ны өдрийн статистик мэдээллийг гаргалаа. Энэ өдөр шинээр 1463 тохиолдол батлагдаж, 2269 хүн эдгэрсэн байна. Нийт батлагдсан тохиолдлын 478 нь Улаанбаатарт, 985 нь орон нутагт бүртгэгджээ.
Өнөө маргаашдаа төв болон зүүн аймгуудын нутгаар бороо, дуу цахилгаантай аадар бороо орох тул мөндөр, аянга цахилгаан, үер усны аюулаас сэрэмжтэй байхыг анхааруулж байна.
Биобэлдмэлийн үйлдвэрийг сэргээж халдвараас сэргийлэх, дархлаа дэмжих бэлдмэл (иммунглобулин) үйлдвэрлэж эхэлжээ. Шадар сайд, УОК-ын дарга С.Амарсайхан, 2010 оноос үйл ажиллагааг нь зогсоож, улмаар 2016 онд татан буулгасан байсан “Биобэлдмэлийн үйлдвэр”-т өнгөрсөн 6 сард очиж ажиллахдаа үйл ажиллагааг нь сэргээх шийдвэрийг гаргасан юм.
Улсын хэмжээнд өнөөдрийн байдлаар 301 эмнэлэг болон тусгаарлан ажиглах байранд 9425 иргэн байна. Үүнээс нийслэлд 52 эмнэлэгт 4037, тусгаарлан ажиглах 16 байранд 439 иргэн, орон нутагт 233 эмнэлэг болон тусгаарлан ажиглах байранд 4933 иргэн байгаа юм.
Эрүүл мэндийн яамнаас коронавирусийн халдварын 2021 оны 08 дугаар сарын 07-ны өдрийн нөхцөл байдлын мэдээллийг гаргажээ. Энэ өдөр шинээр 972 тохиолдол бүртгэгджээ. Шинээр батлагдсан тохиолдлын 368 нь Улаанбаатар хотод, 604 нь орон нутагт, байна. Мөн хугацаанд халдварын улмаас таван хүн нас баржээ. Түүнчлэн сүүлийн 24 цагийн хугацаанд 2189 хүн эдгэрлээ.
Нийслэлийн Газар хөдлөлийн гамшгаас урьдчилан сэргийлэх байнгын ажиллагаатай зөвлөл цахимаар хуралдлаа. Тус зөвлөлд НЗДТГ, Хот байгуулалт, хөгжлийн газар, Шинжлэх ухааны академийн Одон орон, геофизикийн хүрээлэнгийн Газар хөдлөлтийг судлах салбар, Нийслэлийн Онцгой байдлын газар, Нийслэлийн Цагдаагийн удирдах газар, Нийслэлийн Эрүүл мэндийн газар, нийслэлийн есөн дүүрэг зэрэг 26 байгууллага, хэлтэс хамаардаг юм.
Улаанбаатар хотын автомашины түгжрэлийг бууруулах, хөдөлгөөний эрчмийг нэмэгдүүлэхээр томоохон уулзваруудад засварын ажил хийж байгаа. Тэгвэл энэ удаад Баянзүрх дүүрэгт хамаарах Зүүн дөрвөн замын уулзварын засвар шинэчлэлтийн ажлыг гүйцэтгүүлэхээр бэлтгэл ажлыг хангаж байна. Засварын ажлаар авто замын хашлага солих, инженерийн байгууламжийн худгуудын өндрийн түвшнийг тохируулах, авто замын зорчих хэсгийг асфальт-бетоноор хучих болон хэвтээ тэмдэглэгээний ажлуудыг хийнэ. Засварын ажил үргэлжлэх хугацаанд замын хөдөлгөөнийг хэсэгчлэн хаах бөгөөд холбогдох байгууллагуудад хүргүүлэн, хөдөлгөөн зохион байгуулалтыг хийх гэж байна.
Өнөөдөр Улаанбаатар хотод 10:00-15:00 цагийн хооронд суурин 17 цэгт 28 багийн 146 эмч, ажилтан ажиллаж, 6980 иргэнийг дархлаажуулахаар төлөвлөлөө. Дархлаажуулалтын цэгүүдийг дүүрэг тус бүрээр танилцуулж байна.
Газар ухах, худаг гаргах, гөлөг тэжээх, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд сүлд тэнэж одно хэмээжээ.
Малчид, иргэдийн анхааралд: Өнөөдөр баруун болон төвийн аймгуудын нутгаар дуу цахилгаантай аадар бороо, төвийн аймгуудын нутгийн хойд хэсгээр ахиухан хэмжээний бороо орох тул мөндөр, аянга цахилгаан, үер усны аюулаас сэрэмжтэй байхыг анхааруулж байна.
Эм, эмийн хэрэгслийн нөөц бүрдүүлэлт, чанар стандартад хяналт тавьж, наймдугаар сарын 1-нээс эхлэн эмнэлэгт хэвтэн эмчлүүлж байгаа иргэдээр гаднаас эм тариа авахуулахгүй байх зохион байгуулалтад шилжиж ажиллахыг Шадар сайд даалгасан.
"Токио 2020" олимпын наадмын жүдо бөхийн 81 кг-ын жинд мөнгөн медальт Монгол Улсын тамирчин Сайед Моллайд "Eco car" компанийн хамт олон шинэ машин бэлэглэж, өнөөдөр түлхүүрийг нь гардуулан өглөө.
Цаг уурын байгууллагын ирүүлсэн мэдээллээр 07 дугаар сарын 31-ний өдрийн байдлаар зуншлага нийт нутгийн 70 гаруй хувьд хэвийн, 5 орчим увьд муу, бусад нутгаар дунд буюу ургамлын гаралт удаашралтай үнэлгээ гарчээ.
Сургууль, цэцэрлэгийн тоог нэмэгдүүлэх ажлын хүрээнд улсын төсвийн хөрөнгө оруулалтаар 640 хүүхдийн суудалтай сургуулийг Баянгол дүүргийн есдүгээр хороонд барьж байна. Өмнө нь улсын сургуульгүй байсан тус хороонд 6654 хүн ам амьдардаг бөгөөд үүнээс сургуулийн насны 1375 хүүхэд оршин суудаг. Шинэ сургууль баригдсанаар хүүхдүүд харьяа орчиндоо тав тухтай нөхцөлд суралцах боломж бүрдэх юм
Эрүүл мэндийн яамнаас коронавирусийн халдварын 2021 оны 08 дугаар сарын 06-ны өдрийн нөхцөл байдлын мэдээллийг гаргажээ. Энэ өдөр шинээр 1246 тохиолдол бүртгэгджээ. Мөн халдварын улмаас таван хүн нас баржээ. Ингэснээр халдварын улмаас нийт 841 хүн нас бараад байна.