Энэ хэрэг Шотланд болон Норвегийн хооронд байрлах Шетландын арлаас хойд зүгт болжээ. Оросын бөмбөгдөгч онгоцууд ажиглагдсаны дараа Шотландын дорнод эрэг дэх Мори тойргийн Лоссимут агаарын баазаас "Тайфун" сөнөөгч онгоцуудыг хөөргөж, сөнөөгч онгоцууд Оросын онгоцуудын нислэгийг агаараас ажигласан байна. Британийн Агаарын цэргийн хүчний мэдэгдсэнээр, олон улсын агаарын орон зайд Оросын Ту-142 бөмбөгдөгч онгоц нэвтэрчээ.
Хур тунадас ихээр орсны улмаас зарим замуудыг хааж, жуулчдыг ойрын өдрүүдэд Химачал-Прадеш муж руу зорчихоос зайлсхийхийг анхааруулсан байна. Цаг уурчдын мэдээлснээр, наймдугаар сарын 19 хүртэл бороо үргэлжлэн орох аж.
Нисэх буудлын үйл ажиллагааг зогсоох шалтгаан болсон Этна галт уул Европ дахь хамгийн өндөр идэвхтэй галт уул юм. Галт уулын нуруунд олон тогоо байдгийн зарим нь идэвхтэй, нөгөө хэсэг нь идэвхгүй аж. Энэ галт уул 1950 оноос хойш хэдэн арван удаа сэрж байсан. Мөн Этна галт уул ЮНЕСКО-ийн дэлхийн өвийн объектод багтдаг юм.
Наймдугаар сарын 14-ний үдэш ОХУ-ын бүрэлдэхүүнд байх Дагестаны нийслэл Махачкала хотод шатахуун түгээх станц дэлбэрчээ. Энэ ослын улмаас олон хүн амиа алдсан байна.
Энэ эвсэл нь Орос, Беларусийн тамирчдыг олимпод оролцуулахгүй байх зорилготой бөгөөд энэ хоёр орны тамирчид олимпод оролцохоор бол эвслийн гишүүд 2024 онд болох Парисын Олимпын наадмыг бойкотлоход бэлэн гэж Денис Шмыгаль мэдэгдсэн байна.
Оршуулах ёслол болсны дараа Цойгийн шүтэн бишрэгчид булшны ойролцоо майхан барин амьдарч, тэндээс явахыг хүсэхгүй байсан нь оршуулгын газрын захиргаанд ихээхэн хүндрэл учруулсан гэдэг. Тэдний дунд Улсын аюулгүй байдлын хорооны дэд хурандаагийн охин байсан бөгөөд аавыгаа ятган, аав нь танил талаа ашигласнаар хотын зөвлөл оршуулгын газрын захиргаанд хандан, шүтэн бишрэгчид хайртай дуучинтайгаа хүссэнээрээ салах ёс хийх боломж олгохыг хүсчээ. Ингээд Цойгийн шүтэн бишрэгчид түүний булшны орчимд майхант хуаран барьж, тэндээ жил гаруй амьдарсан гэдэг.
Энд дуулгахад, 2021 онд идэвхтэн болон иргэд нийлж агаарын бохирдлын асуудлаар шүүхэд нэхэмжлэл гарган, улмаар шүүхээс Ерөнхийлөгч Видодод хотын агаарын бохирдлыг арилгахыг албадсан тогтоол гаргасны дээр өндөр албан тушаалтнууд оршин суугчдыг хамгаалах тал дээр хайнга ажилласан гэж шүүгчид үзжээ. Шүүхийн тогтоол гарсны дараа эрх баригчид 2023 оноос эхлэн шинээр нүүрсэн цахилгаан станц байгуулахгүй байх, 2050 он гэхэд нүүрстөрөгчөөс ангид байх үүрэг хүлээсэн байна.
Өнгөрсөн долоо хоногт эхлэсэн гал түймрийн улмаас Хавайн Мауи аралд учирсан хохирол асар их болж байгаа талаар Хавайн арлуудын эрх баригчид мэдэгдсэнийг Интерфакс дамжуулжээ.
Хавайн арлууд дээр гарсан түймэр ихээхэн хор хохирлыг дагуулжээ. Хавай мужийн эрх баригчдын мэдээлснээр, наймдугаар сарын 12-ны өдрийн байдлаар жуулчид ихээр очдог Мауи арал дээр амиа алдсан хүний тоо 93-д хүрсэн юм.
Гэмт хэрэг үйлдэж, эрх чөлөөгөө хасуулан хорих газарт ял эдлэж байгаа хүмүүс дээр ар гэрийнхэн нь очиж уулзах боломж тэр бүр гардаггүй. Тиймээс хоригдлууд ар гэрийнхнийхээ царайг харж, дуу хоолойгоороо ярилцах "videocall" буюу дүрст дуудлагын үйлчилгээг Хятадын шоронд нэвтрүүлжээ.
Энэ ажлын хүрээнд хиймэл оюун ухааны салбарын хэд хэдэн компанитай хамтран ажиллах талаар хэлэлцээ хийж байгаа гэнэ. Хүн төст роботуудыг ахмад настныг асрах, боловсрол, зочид буудлын салбарт ажиллуулах боломжтой гэж компанийн төлөөлөгч онцолжээ.
Switch On Business судалгааны портал дэлхийн хамгийн алдартай 15 дурсгалт газрыг нэрлэжээ. Энэ жагсаалтыг гаргахын тулд цахим орчинд хайлт хийсэн статистик, жилд очиж үзсэн жуулчдын тоо гэсэн үзүүлэлтүүдийг харгалзсан байна.
Өнгөрсөн долоо хоногт орсон хүчтэй аадар борооны улмаас Сиань хотын захад Вейжыпин тосгонд хөрсний гулгалт үүсжээ. Наймдугаар сарын 11-ний өдөр болсон энэ байгалийн гамшгийн улмаас ихээхэн хохирол учирсан талаар Синхуа агентлаг мэдээлсэн байна.
Одоогоор Иранд толгойндоо алчуур зүүх журмыг зөрчсөн эмэгтэйчүүдэд торгууль ногдуулж, 10 хоногоос хоёр хүртэлх сарын хугацаатайгаар хорьж саатуулах хууль үйлчилдэг. Харин хижабаас татгалзахыг уриалдаг, сурталчилдаг хүмүүс 1-10 хүртэлх жил шоронд хоригдож болзошгүй байдаг аж.
Су-30 нь хоёр суудалтай сөнөөгч, Оросын тал Украин руу халдахдаа ихээхэн ашиглаж байгаа юм. ОХУ түрэмгийлэл эхлүүлснээсээ хойш нийт 11 Су-30 онгоцоо алдсан байна. 2023 оны эхээр Оросын арми энэ төрлийн 118 онгоцтой байжээ. Су-30 сөнөөгч онгоц нь агаарын бай устгах, агаарын орон зайд хяналт тавих, сөргөлдөгчийн агаарын буудлыг хаах, агаарын тагнуул явуулах зэрэгт зориулагдсан байдаг аж.
Нисгэгч болон зорчигч ноцтой гэмтэл аваагүй ч ойролцоох эмнэлэгт хүргэжээ. Онгоц орон сууцны хорооллын зогсоол дээр унаж сүйрэх үеэр хүмүүс гэмтэж бэртээгүй байна.
Нигерт босогчдоос бүрдсэн цэргийн зөвлөл тус улсын Ерөнхийлөгч асан Мохамед Базумд төрөөс урвасан хэргээр ял тулгахаар зэхэж байгаа гэнэ. Энэ талаар Аль Жазера телевиз мэдээлжээ.
Хойд Солонгос зургаан удаа цөмийн туршилт хийсэн полигоны орчимд хоёр газар хөдлөлт бүртгэгджээ. Энэ талаар Өмнөд Солонгосын Ёнхап агентлаг мэдээлсэн байна.
Түүнчлэн цэргийн үйлдвэрүүдэд ажиллах үеэрээ Ким Жон Ун армийг дайнд бэлэн байлгах тухай Солонгосын хөдөлмөрийн намын Төв хорооны долдугаар өргөтгөсөн хурлын үзэл санааг хэрэгжүүлэх нь чухлыг дахин онцолжээ.
"Одоо ихэнх залуу хүмүүсийн хувьд хоёрхон сонголт бий. Эсвэл нүүрс зөөх, эсвэл Өмнөд Солонгос руу явж хар ажил хийх. Экологи сүйдэж байгаад бид санаа зовних нь мэдээж. Гэхдээ одоо үүнийг бодох ч сөхөө алга" хэмээн жолооч ярьсан юм.