Чехийн Тачов хотын ойролцоох Брод над Тычоу тосгон дахь шувууны фермд H5N1 вирус илэрч 750 мянга орчим тахиа устгахаар болжээ. Энэ нь Чехийн фермүүдэд хадгалагдаж буй нийт тахианы 15 орчим хувийг эзэлж байгаа юм.
Оросын цэргийн албан хаагчид байрлаж байсан барилга руу өндөр хүчин чадалтай дөрвөн пуужин туссан байна. Амиа алдсан цэргийнхэн дотор цэргийн дарга, командлагч нар ч байжээ.
ОХУ-ын Ерөнхийлөгч Владимир Путин тус улсын кино театруудад Украинтай хийсэн дайны тухай баримтат киног үзүүлэхийг Соёлын яаманд үүрэг болгов.
АНУ-ын Хүнсний бүтээгдэхүүн, эм бэлдмэлийн чанарын асуудал эрхэлсэн газар шинэ журам гаргаснаар үр хөндөлтийн эм бэлдмэлийн хүртээмжийг нэмэгдүүлжээ. Энэ талаар Ройтерс агентлаг мэдээлсэн байна.
АНУ-д хүн амины хэрэгт буруутай нь тогтоогдсон трансжендер эмэгтэйг цаазалжээ. Энэ нь тус улсад трансжендерийг цаазаар авч байгаа анхны тохиолдол гэж DW агентлаг мэдээлсэн байна.
Коронавирусийн халдварын улмаас Төвдөд сүм хийдийг хаасан бөгөөд хаагдсан дурсгалт газруудын тоонд Потала ордон багтаж байлаа. Энэ ордныг дахин нээсэн талаар Жэнминь жибао сонин мэдээлжээ.
Хятадад боловсролын чиглэлээр үйл ажиллагаа явуулдаг компаниудад тавигдах шаардлагыг чангатгажээ. Шинэ журмыг Хятадын Боловсролын яам 12 дугаар сарын 28-ны өдөр нийтлэсэн талаар Жэнминь жибао сонин мэдээлсэн байна.
Хятадын Шанхайн боомт 13 жил дараалан дэлхийн хамгийн ачаалалтай боомтоор тодорчээ. Энэ талаар боомтын оператор SIPG-ээс авсан мэдээлэлтэйгээр SCMP сонин мэдээлсэн байна.
Америкийн "Аполлон" сансрын хөлгийн сүүлчийн сансрын нисэгч Уолтер Каннингем 91 насандаа таалал төгссөн талаар НАСА мэдээлснийг Ройтерс агентлаг дамжуулсан байна.
Хойд Солонгосын Гадаад хэргийн сайд асан Ли Ён Хо болон өөр таван дипломатчийг өнгөрсөн онд цаазалсан байж болзошгүй гэнэ. Энэ талаар Хойд Солонгос дахь мэдээлэл бүхий эх сурвалжаас авсан мэдээлэлтэйгээр Японы Yomiuri сонин мэдээлжээ.
Францын Кино урлаг, технологийн академи ийм алхам хийх болсон нь 2020 онд болсон үйл явдалтай холбоотой. Тухайн үед наадмын шилдэг найруулагч шагналыг Роман Полански хүртсэн юм. Тэрбээр 1977 онд бэлгийн хүчирхийллийн хэрэгт холбогдож, урт хугацааны хорих ялаар шийтгүүлэх байсан тул АНУ-аас Францад зугтан иржээ. Түүнээс хойш тэрбээр Франц, Швейцарт байнга дүрвэн амьдарч байгаа бөгөөд түүнд нэр хүндтэй шагнал хүртээсэн нь ихээхэн шүүмжлэл дагуулж байв.
Эх сурвалжийн мэдээлснээр, коронавирусийн халдвар эрс нэмэгдсэн үед БНХАУ 12 дугаар сараас хойш ковидын тохиолдлын талаарх хоногийн мэдээлэл хүргэхээ больсон бөгөөд энэ улсад өдөрт л 9000-25 000 хүн ковидын улмаас нас барж байж болзошгүй аж.
Өнгөрсөн оны сүүлээр хорт хавдрын улмаас таалал төгссөн, домогт хөлбөмбөгчин Пелег оршуулах ёслол мягмар гарагт Бразилд болсон талаар Ассошейтед пресс агентлаг мэдээлсэн байна.
Тодруулбал, Дубайд болсон шинэ жилийн үдэшлэгт Валерий Меладзе оролцож байгааг харуулсан дүрс бичлэг цахим орчинд тархсан байна. Энэ бичлэгийг хийсэн хүн дуучинд хандан "Украин мандтугай" гэсэн үг хэлэхийг хүсжээ. Үүний хариуд Меладзе амнаасаа микрофоноо холдуулаад "Баатрууд мандтугай" хэмээн хэлээд нүдээ ирмэсэн байна. Меладзег ийнхүү хариу өгсний дараа бичлэг хийж байгаа хүн түүнийг биширч байгаагаа хэлэн хашгирахад дуучин тайвшрахыг хүсэн "бид энд улс төрөөс ангид байна" хэмээн өгүүлжээ.
Киргизийн эрх баригчид уран бүтээлчид ам барьж дуулахыг хоригложээ. Энэ талаар Соёл, мэдээлэл, спорт, залуусын бодлогын яамны хэвлэлийн алба мэдээлснийг Коммерсант агентлаг дамжуулжээ.
Хятадад коронавирусийн халдвартай тэмцэх хатуу хязгаарлалтыг цуцалсны дараа өвчний дэгдэлт эрчимжиж байна. Олон улсын хэвлэлүүдийн мэдээлснээр, Хятадад эмнэлгүүд дүүрч, нэн шаардлагатай эм бэлдмэлүүд хомстжээ.
Өнгөрсөн оны намраас олон салбарынхан цалин хөлсийг нэмэгдүүлэхийг шаардан Их Британид ажил хаяж байсан. Энэ удаад төмөр замчдын ажил хаялт эхэлсэн бөгөөд нэгдүгээр сарын гуравны өдөр эхэлсэн энэ ажил хаялт таван өдөр үргэлжилнэ гэж AFP агентлаг мэдээлсэн байна.
Цар тахлаас өмнө жилд 500 мянга орчим хятад жуулчин хүлээж авдаг байсан Марокко улс Хятадаас ямар ч жуулчин нэвтрүүлэхгүй гэж мэдэгдсэн. Ингэснээр Хятадаас жуулчин хүлээн авахыг хориглосон цорын ганц улс болж байна. Харин Швед, Австрали зэрэг орнууд энэ долоо хоногт багтаж зохих журмыг нэвтрүүлэхээр төлөвлөж байгаа аж.
Латвийн эрх баригчид аялал жуулчлалын татварыг нэвтрүүлэхээр зэхэж байсан ч коронавирусийн цар тахлын улмаас хойшлуулж байв. Харин энэ оноос эхлэн жуулчдад ногдуулах татвар авч эхэлсэн бөгөөд насанд хүрсэн нэг жуулчин Рига хотод аялахдаа хоног тутамд нэг еврогийн татвар төлөх аж.
Хятадыг коронавирусийн халдварын дэгдэлттэй тэмцэхэд нь туслах зорилгоор коронавирусээс сэргийлэх вакциныг үнэ төлбөргүй нийлүүлэх саналыг Европын холбоо тавьжээ. Энэ талаар Европын албан тушаалтнуудаас авсан эх сурвалжтайгаар Financial Times сонин мэдээлсэн байна.