Сүүлийн үед Хойд Солонгосын удирдагч Ким Жон Ун олны өмнө охиноо дагуулан гарах нь нэмэгдэж, олон улсын шинжээчид үүнийг "Ким Жон Ун залгамжлагчаа бэлдэж, олонд таниулж байна" хэмээн үзэж байлаа. Ийм хувилбар байх магадлалтай гэж Өмнөд Солонгосын Үндэсний тагнуулын алба ч үзэж байгаа талаар Ёнхап агентлаг мэдээлжээ.
Харбин хот жуулчдыг олноор татаж, тэдэнд зориулсан үйлчилгээнийхээ чанарыг нэмэгдүүлэхийн тулд олон арга хэмжээ зохион байгуулсны дотор шинэ жилийн үдэш амьд тоглолт хийж, ёслолын буудлага буудаж, төрөл бүрийн сэдэвчилсэн парк байгуулжээ.
Японд шинэ он гарсан эхний өдөр хүчтэй газар хөдлөлт болсны улмаас олон хүн амиа алдаж, сураггүй болсон. Нурангин дороос хүмүүсийг аврах, цогцос гаргах, сураггүй болсон хүмүүсийг эрэн хайх ажил үргэлжилсээр байгаа талаар Kyodo мэдээлжээ.
Гэхдээ тус компанийн ажилтнууд нислэгт гарахаасаа өмнө гурван долоо хоногийн туршид зорчигчдыг хэрхэн нүүлгэн шилжүүлэхтэй холбоотой сургалтад хамрагддаг байна. Ийм сургалтыг жил болгон зохион байгуулж, сургалтын төгсгөлд бүхээгийн ажилтнууд бичгээр шалгалт өгч, гал гарсан, усан дээр газардсан зэрэг гэнэтийн ослын үеэр зорчигчдыг шуурхай нүүлгэн шилжүүлэх дадлага хийдэг аж. Мөн одоо үйлчилж буй журмын дагуу аливаа гэнэтийн ослын үед онгоцны зорчигчдыг 90 секундийн дотор нүүлгэн шилжүүлэх ёстой байдаг гэнэ.
Түүнийг энэ үед хүрэх хүртэл хүмүүс Тетрис тоглоомыг 29 дүгээр үе хүртэл тоглох боломжтой гэж үздэг байв. Харин 2010 онд АНУ-ын мэргэжлийн геймер Тор Акерлунд гипертаппинг гэх техникийг ашиглаж Тетрисийн 30 дугаар үе хүрч байжээ. Харин шинэ дээд амжилт тогтоосон 13 настай Уиллис Гибсон Тетрис тоглоомоыг 11 настайгаасаа тоглосон, хэд хэдэн тэмцээнд оролцож байжээ.
Энд дуулгахад, XXXIII Зуны олимп 2024 оны долдугаар сарын 26-наас наймдугаар сарын 11-ний хооронд болох юм. Зуны олимпыг зохион байгуулах хотуудын албан ёсны хүсэлтийг 2015 оны нэгдүгээр сарын 15-ны өдрөөс эхлэн хүлээн авч, 2017 оны есдүгээр сарын 13-ны өдөр Олон улсын олимпын хороо мэдэгдэл хийж, XXXIII Зуны олимпын нийслэлээр Парис хотыг зарласан. Парис хот өмнө нь 1900 болон 1924 онуудад Зуны олимпыг зохион байгуулж байв.
Ийм гинжин хэлхээ мэт олон сая үйл явдлыг ажиглан, хиймэл оюун ухаан давтагдаж буй амьдралын үйл явдлууд, ямарваа нэг зүй тогтлыг анзаарч, өөрчлөлтүүдийн чухал хүчин зүйлсийг тодорхойлох бөгөөд эдгээрийн дунд боловсролын түвшин, орлогын түвшин болон архаг хууч өвчин гэсэн гурван үндсэн хүчин зүйл багтдаг аж. Ингээд анализ хийх явцад илэрсэн уялдаа холбоог аливаа үйл явдал өрнөх магадлалыг таамаглах, тэр дундаа хэдэн насандаа нас барж магадгүй талаар таамагладаг байна.
Ираны эрх баригчид энэ үйл явдлыг алан хядах ажиллагаа гэж нэрлэж байна. Ираны Дотоод хэргийн сайд Ахмад Вахди мэдэгдэл хийхдээ, энэ гэмт хэргийг үйлдсэн хүмүүс төлөөсөө хатуухан амсана хэмээн онцолсон бол Ерөнхийлөгч Эбрахим Раиси ч мөн гэм буруутнуудыг олж, шийтгэнэ гэж амлаад, нэгдүгээр сарын дөрөвний өдрийг Үндэсний гашуудлын өдөр болгон зарлажээ.
Цаашлаад 2026 оны нэгдүгээр сарын нэгний өдрөөс эхлэн хүнсний бүтээгдэхүүн савлах зориулалттай хуванцар сав, ундааны хуванцар аяга, тагийг худалдах, ашиглахыг хориглох аж. Харин боловсруулсан материалаар хийсэн уут, савыг хориглохгүй гэнэ. Өмнө нь Абу-Дабид энэ төрлийн хориг 2022 оны зургадугаар сарын нэгний өдрөөс эхлэн хэрэгжиж эхэлсэн бөгөөд энэ хугацаанд гялгар уутны хаягдал 90 хувиар буурчээ.
ХАМАС бүлэглэл өнгөрсөн оны 10 дугаар сарын долооны өдөр Израил руу халдсаны улмаас Ойрх Дорнодод нөхцөл байдал хурцдаж, Израил, ХАМАС бүлэглэлийн хооронд дайн дэгдсэн юм.
Туркийн хэвлэлүүдийн мэдээлснээр, баривчлагдсан хүмүүс Туркэд амьдарч буй палестинчууд болон Израилын эрх баригчдын үйлдлийг шүүмжилдэг Израилын идэвхтнүүдийн тухай мэдээлэл цуглуулах зэргээр Израилын тагнуулын албанд туслаж байсан гэж мөрдөн байцаагчид үзэж байгаа аж.
Европын орнууд хэрэглэгчид тэр дундаа өсвөр насныхан, залуусын дунд ихээхэн дэлгэрч байгаа электрон тамхийг хязгаарлах тал дээр төрөл бүрийн арга хэмжээ авсаар байгаа юм. Энэ удаад Австрали улс электрон тамхины импортыг хоригложээ.
Эргэн сануулахад, 2024 оны нэгдүгээр сарын нэгний өдөр Японы хойд хэсэгт цуврал газар хөдлөлт болсны хамгийн хүчтэй нь 7,6 магнитудын хүчтэй газар хөдлөлт байсан юм. Газар хөдлөлтөөс үүдсэн чичирхийлэлт Осака, Киото, Токиод ч мэдрэгдсэн талаарх мэдээлэл гарч байлаа. Энэ газар хөдлөлт 1885 оноос хойш хойд нутагт тохиосон хамгийн хүчтэй газар хөдлөлтөд тооцогдож байгаа бөгөөд энэ гамшгийн улмаас 62 хүн амиа алджээ.
ХАМАС бүлэглэл 10 дугаар сарын долооны өдөр Израилын өмнөд хэсэг рүү гэнэт халдаж, үүний хариуд Израилын арми Газын зурвас даяар цохилт өгч эхэлснээр Ойрх Дорнодод нөхцөл байдал хурцадсан юм.
Энд дуулгахад, сүүлийн саруудад Америкийн захиргаа Конгресст хандан улсын өрийн дээд хязгаарыг нэмэхийг уриалж байв. Төлөөлөгчдийн танхимд олонх болсон Бүгд Найрамдах нам улсын өрийн таазыг нэмэхийг зөвшөөрсөн ч төсвийн зардлыг танах ёстой гэсэн болзол тулгаж байсан юм.
Шинэ жилийн шоунд тусгайлан зориулан бичсэн хөгжмийн аяын хэмнэлээр дронууд хөдөлж байсан гэнэ. Шинэ жилд зориулсан энэ шоу найман минут үргэлжилж, 50 мянга гаруй хүн үзэж сонирхжээ.
Эх сурвалжийн мэдээлснээр, Их Британийн зарим бүс нутгуудад хамуу өвчний тархалт ердийн үеэс хоёр дахин нэмэгдсэн байна. Ялангуяа ахмадын асрах байр, оюутны дотуур байруудад хамуу өвчин тархаж байгаа аж.
Украины Ерөнхийлөгч Володимир Зеленский нэгдүгээр сарын хоёрны өдөр Их Британийн Засгийн газрын тэргүүн Риши Сунактай утсаар ярьжээ. Энэ талаар Украины Ерөнхийлөгч Телеграм сувагтаа бичсэн байна.
Дэлхийн хамгийн үнэ цэнтэй цахим валют мягмар гарагт үнэ нь эрс өсөж, сүүлийн нэг жил гаруй хугацааны туршид хамгийн өндөр үнэд хүрчээ. Энэ талаарх мэдээллийг Ройтерс агентлаг дамжуулсан байна.
Дэлбэрэлтийн шалтгаан тодорхойгүй байсны дээр цуврал дэлбэрэлт гарснаас хойш хэдэн цагийн дараа ч шалтгааныг тодруулж чадаагүй гэж хэвлэлүүд мэдээлжээ. Гэхдээ эдгээр дэлбэрэлт нь "ёслолын буудлага хийсэнтэй хамаагүй" гэж эх сурвалжууд мэдээлсэн байна. Зарим хэвлэл цахилгааны дэд станц дэлбэрсэн байж болзошгүй гэж мэдээлжээ.