Газын зурвас дотор буфер бүс байгуулах талаар Израил өмнө нь санал болгож байсан. Гэхдээ үүнийг дайны дараа Газын зурвасын аюулгүй байдлын цаашдын төлөвлөгөөний нэг хэсэг гэж танилцуулж байв. Харин ийнхүү буфер бүс байгуулснаар Израил 1948 оны үйл явдлыг давтаж, Газын зурвасаас палестинчуудыг шахан гаргахаар эрмэлзэж байна гэж Иордани, Египет улс болгоомжилж байгаа юм.
АНУ-ын Монтана мужийн захирагч Грег Жанфорте тус мужид ТикТок сүлжээ ашиглахыг хориглосон хуульд энэ оны тавдугаар сард гарын үсэг зурж, энэ хууль 2024 оны нэгдүгээр сарын нэгнээс үйлчилж эхэлнэ гэж мэдэгдэж байлаа.
Сриваставагийн үс 2,3 метр урттай. Ээж нь урт эрүүл сайхан үстэй байсан нь бүсгүй үсээ ургуулах сэдэл болсон гэнэ. Түүнчлэн 1980-аад оны үеийн Энэтхэг жүжигчдийн урт үсийг дуурайн ургуулах хүсэлтэй байжээ.
Израилын Батлан хамгаалах армийн сөнөөгч онгоцууд Газын зурвас дахь Палестины хэт даврагч ХАМАС хөдөлгөөний объектуудад цохилт өгч байгаа талаар армийн хэвлэлийн алба Телеграм суваг дахь албан ёсны хаягаараа дамжуулан мэдээлжээ.
Хэдийгээр талууд дахин нэг хоногоор эвлэрлийг сунгахаар тохиролцсон гэж АНУ-ын хэвлэлүүд Египетийн албан тушаалтнуудаас авсан эх сурвалжтайгаар мэдээлж байсан ч хоёр тал үүнийг албан ёсоор батлаагүйн дээр Израилын цэргүүд Газын зурвасын хойд хэсэгт гал нээж байгаа талаар Аль Жазира телевиз мэдээлсэн юм.
Хятадын Эрүүл мэндийн үндэсний хорооны мэдээлснээр, тус улсад голчлон ханиад томуу, хатгалгаа, риновирусийн халдвар, амьсгал-синцитиал вирус, аденовирусийн халдварын тохиолдлууд бүртгэгдэж байгаа гэнэ. Одоогоор Хятад даяар амьсгалын замын өвчлөл, хатгалгааны тохиолдол хэд бүртгэгдсэн талаарх мэдээлэл байхгүй, гагцхүү тодорхой нэг эмнэлгүүдээс ирсэн цуврал тоон мэдээллүүдийг л эх сурвалжууд дамжуулж байгаа юм.
ХАМАС, Израил гал зогсоох хугацааг дахин нэг өдрөөр сунгасан талаар Египетийн албан тушаалтнуудаас авсан эх сурвалжтайгаар WSJ агентлаг мэдээлж, харин сөргөлдөгч талууд энэ мэдээллийг албан ёсоор батлаагүй байсан юм.
Гал гарсан шалтгаан нь дэлбэрэлт байсан, энэ дэлбэрэлтийг Украины тусгай алба зохион байгуулсан гэж "Украины үнэн" сонин мэдээлжээ. Энэ сонинд мэдээлэл өгсөн эх сурвалжийн өгүүлснээр, галт тэрэг хонгилоор явах үед дөрвөн дэлбэрэх төхөөрөмж ажилласан гэнэ.
ВВС агентлагийн мэдээлснээр, Макгоуэн сайхан энцефалит өвчин тусаж, эмнэлэгт хэвтэн эмчлүүлж байсан аж. Түүнчлэн тэрээр олон жил хар тамхи хэрэглэсний дээр согтууруулах ундаанаас хамааралтай байсан юм.
Израил, ХАМАС бүлэглэл олзны хүмүүсийг солилцохын тулд гал зогсоох хэлэлцээрийг 11 дүгээр сарын 30-ны өдөр хоёр дахь удаагаа сунгасан. Энэ хугацаа нь 12 дугаар сарын нэгний өдөр болсноор дууссан бөгөөд сөргөлдөгч талууд дахин нэг өдрөөр гал зогсоох хугацааг сунгахаар болжээ.
Зэвсэг, хар тамхи, цагаачид, хүний наймаатай тэмцэх олон улсын тусгай ажиллагааг Испани улс тэргүүлэн явуулжээ. Энэ ажиллагааны хүрээнд 566 хүнийг баривчилж% 163 хэрэг нээсэн гэж Испанийн Дотоод хэргийн яам мэдэгдсэн байна.
Эсэргүүцэл дагуулсан хуулийн төслийн талаарх мэдээллийг Өмнөд Солонгосын эрх баригч нам хоёр долоо хоногийн өмнө зарлаж байлаа. Энэ хуулийн төсөлд тусгаснаар, Өмнөд Солонгост 2027 он гэхэд нохойн махыг хүнсэнд хэрэглэхийг хориглох юм байна. Нохой үржүүлэх фермийн эзэд, нохой мах худалддаг лангуу, дэлгүүр, нохой махаар хоол хийдэг зоогийн газрын эздэд гурван жилийн хөнгөлөлттэй хугацаа, санхүүгийн тусламж олгохоор хуулийн төсөлд тусгажээ. Харин хууль зөрчвөл тав хүртэлх жилийн ял эсвэл 38 мянган доллартай тэнцэх хэмжээний торгууль ногдуулах аж.
Олон улсын ЛГБТ хөдөлгөөнийг экстремист байгууллага гэж хүлээн зөвшөөрөх тухай ОХУ-ын Хуульзүйн яамны нэхэмжлэлийг ОХУ-ын Дээд шүүх пүрэв гарагт хянан үзээд, нэхэмжлэлийн шаардлагыг хангах шийдвэр гаргажээ.
Тухайн үед гадаад орнуудын өндөр дээд албан тушаалын төлөөлөгчдийн нүдэнд хотыг цэвэр цэмцгэр харуулахын тулд орон гэргүйчүүдийг хотын төв гудамжаас нүүлгэж, түр амьдрах хуаранд байршуулж байжээ. Улмаар Сан-Франциско хотод дээд хэмжээний уулзалт болж өндөрлөсний дараа орон гэргүй хүмүүс эргээд хотыг зорьсон ч энэ хотод орон гэргүйчүүдийг хөөх ажил дахин эхэлсэн талаар МИР24 суваг мэдээлсэн байна.
ХАМАС, Израил сар гаруйн хугацаанд дайтсаны эцэст өнгөрсөн долоо хоногт хэлэлцээр байгуулан, гал зогсоохоор болсон. Гал зогсоох хугацааг анхандаа дөрөв хоногоор тохиролцсон ч дахин хоёр хоног сунгаж, улмаар сунгасан хугацаа дуусах дөхөх үед дахин нэг хоногоор сунгаж, 11 дүгээр сарын 30-ны өдрийг дуустал эвлэрэл үргэлжлэхээр болсон юм.
Агаарын гол бохирдуулагч нь РМ 2,5 бөгөөд 12 дугаар сарын нэгний 08:30 цагийн байдлаар Улаанбаатарын агаар дахь РМ2.5 ДЭМБ-аас зөвшөөрсөн үзүүлэлтээс 14,6 дахин их байгаа аж. Тиймээс цонхоо хааж, агаар цэвэршүүлэгч ажиллуулж, гадаа гарах бол амны хаалт зүүхийг энэ сайтад зөвлөжээ.
Тодруулбал, Францад олон нийтийн газарт тамхи татахыг хориглосон байдаг. Харин Францын Ерөнхий сайд Элизабет Борн парламентын танхимд электрон тамхи татаж байгааг бусад гишүүд анзаарч, улмаар түүнийг хатуухан шүүмжилсэн байна.
Зөвхөн аялах, зугаалах зорилгоор биш харин ажиллаж, амьдрах гэсэн гадаадын иргэд Монголыг зорин ирэх нь нэмэгджээ. Хөгжиж буй Улаанбаатар хотод дэлхийн өнцөг булан бүрээс ирсэн хүмүүсийг харж болно. Тэдний нэг Саша Теофанов. Хөлбөмбөгчин, Сербийн эртний хот болох Панчевогийн уугуул. Тэр 2023 оны гуравдугаар сард Хөлбөмбөгийн холбооны урилгаар Монголын нийслэлд иржээ. Тэр 33 настай, 25 жил хөлбөмбөгөөр хичээллэж байгаа. Монголд ирэхээсээ өмнө Европ, Ази, Африкийн орнуудад ажиллаж байсан аж. Саша Шри-Ланкад хийсэн гэрээ нь дууссаны дараа Улаанбаатарт иржээ. Тэр Монгол түүнийг хэрхэн гайхшруулж, баярлуулж, сорилттой нүүр тулгаж, санаашруулсан талаар ярьсан юм.
2023 оны тавдугаар сард АНУ-ын Нью-Йорк хотын дарга Эрик Адамс биеийн өндөр, жин, хэмжээнээс шалтгаалж хүмүүсийг ялгаварлан гадуурхахыг хориглосон тусгай хуульд гарын үсэг зурж байлаа. Илүүдэл жинтэй хүмүүсийг ялгаварлахыг хориглосон хууль энэ долоо хоногт хүчин төгөлдөр үйлчилж эхэлсэн байна.
Иерусалимд 11 дүгээр сарын 30-ны өглөө хоёр алан хядагч автобусны буудал дээр гал нээсний улмаас хоёр хүн амиа алджээ. Энэ талаарх мэдээллийг The Jerusalem Post сонин мэдээлсэн байна.