Өмнөд Солонгост суух дипломатууд болон тэдний гэр бүлийнхэн тус улсад байх хугацаандаа халдашгүй эрхтэй, эрүүгийн хариуцлагаас чөлөөлөгддөг тул согтуугаар тээврийн хэрэгсэл жолоодсон дипломатчид хариуцлага хүлээлгэхэд хүндрэлтэй байгаа талаар Чосун сонин мэдээлсэн байна.
Бямба гараг хүртэл үргэлжлэх энэ айлчлал нь Эммануэль Макрон Монголд очсон анхны Францын Ерөнхийлөгч болон Улаанбаатарт тавдугаар сард айлчилсны хариу болгон зохион байгуулагдаж байна. Монгол Улс ердөө гурван сая хүн амтай, ОХУ, БНХАУ-тай сайн харилцаатай байдаг ч бусад орнуудтай нягт холбоо харилцаа тогтоох "гуравдагч хөрш" гэгдэх стратегийг баримталдаг юм.
Вэньхэн Жаог нууц мэдээлэл дамжуулсны төлөө хэрэг үүсгэн, шүүх хурлаар оруулахаар зэхэж байгаа бөгөөд мөрдөн байцаалтын явцад тэрбээр гэм буруугаа хүлээсэн байна. Цаашлаад шүүхээс Жаог гэм буруутай гэж үзвэл улсын нууц задруулсных нь төлөө 20 хүртэлх жилийн хорих ял оноох аж.
Их Британийн нийслэл Лондон хотын Лутон нисэх буудлын бүх нислэг хойшилжээ. Энэ нь авто зогсоолд гарсан гал түймрээс үүдэлтэй гэж ВВС агентлаг мэдээлсэн байна.
Палестины ХАМАС бүлэглэл 10 дугаар сарын долооны өдөр Израил руу халдсанаар, Палестин, Израилын зэвсэгт сөргөлдөөн эхэлсэн. Израил ХАМАС-ын дайралтын хариу болгож Газын зурвасыг бөмбөгдөж эхэлснээр олон мянган хүн орон гэрээ орхихоос аргагүй болжээ.
2014 онд түүний эсрэг чиглэсэн агаарын халдлагын үеэр Мохаммедын долоон сартай хүү, гурван настай охин амиа алдсан байна. Түүний эсрэг халдлага үйлдэж байгаа нь 2021 оноос хойш төлөвлөсөн, Израилын эсрэг халдлагыг зохион байгуулах гол ажлыг Мохаммед Дейф хийсэн аж.
Палестины ХАМАС бүлэглэл Израил руу гэнэт халдаж, улмаар энэ хоёр орны хооронд зэвсэгт сөргөлдөөн үүссэнтэй холбоотойгоор олон улсын агаарын тээврийн компаниуд нислэгээ зогсоож, улмаар Израилд байсан гадаадын иргэд гарах гарцгүй болсон юм. Тиймээс улс орнууд иргэдээ татан авах ажлыг эхлүүлээд байна.
Израилын хуульд зааснаар, давхар иргэншилтэй иргэд, өөр оронд амьдарч буй иргэд, түүнчлэн энэ улсын нутаг дэвсгэр дээр байнга амьдарч буй иргэд гээд тус улсын бүх иргэд 18 насанд хүрмэгцээ ЦАХАЛ-д алба хаах цэргийн зарлан дуудах хуудас хүлээн авдаг. Зөвхөн эрэгтэйчүүд төдийгүй эмэгтэйчүүд ч цэргийн алба хаах үүрэгтэй бөгөөд эрчүүд 30 сар, эмэгтэйчүүд 24 сар буюу хоёр жилийн хугацаанд цэргийн алба хаах үүрэгтэй.
Израил, Палестины хооронд дайн дэгдэсний улмаас олон улсын агаарын тээврийн компаниуд Израилыг чиглэсэн нислэгээ зогсоосон. Харин Казахстан зэрэг зарим улс орон иргэдээ татан авах зорилгоор тусгай онгоц нисгэж байгаа юм байна.
Бямба гарагт ХАМАС бүлэглэл Израил руу цохилт өгч, олон мянган пуужин харван, хот сууриныг сүйтгэж, олон хүний аминд хүрсний хариуд Израилын арми Газын зурваст цохилт өгч эхэлсэн юм. Энэ дайны улмаас 780 гаруй палестин хүн амиа алдсаны дотор таван сэтгүүлч багтаж байгаа аж. Харин ХАМАС Израилд цохилт өгсний улмаас 1000 гаруй хүн амиа алдаж, 100 гаруй хүн ХАМАС бүлэглэлд олзлогджээ.
Ийм дайн дэгдсэн нь Ойрх Дорнод дахь АНУ-ын бодлого бүтэлгүйтсний илрэл хэмээн ОХУ-ын Ерөнхийлөгч Владимир Путин мэдэгдсэн байна. Тэрбээр Иракийн Ерөнхий сайд Мухаммед ас-Суданитай хэлэлцээ хийх үеэрээ Израил дахь хурцадмал байдлын талаар ярилцаж, үүнд АНУ-ыг буруутгажээ.
Австралид нэн ховор 50 центийн зоосыг дуудлага худалдаагаар оруулжээ. 1988 онд үйлдвэрлэгдсэн энэ зоос дуудлага худалдаагаар 14,7 мянган доллар хүрч зарагдсан гэж Daily Mail сонин мэдээлсэн байна.
Вьетнамын хойд хэсэгт үер бууж, байгалийн гамшиг нүүрлэсний улмаас гурван хүн амиа алдаж, нэг хүн сураггүй болжээ. Энэ талаарх мэдээллийг NBC дамжуулсан байна.
Өнгөрсөн амралтын өдрүүдэд Палестины ХАМАС бүлэглэл Израил руу халдаж, энэ хоёр орны хооронд дайн дэгдсэн. Энэ дайн Орост ашигтай гэж зарим шинжээч үзэж байсан юм. Ийм байр суурийг Украины Ерөнхийлөгч Зеленский ч илэрхийлсэн байна.
Үүний зэрэгцээ Израилын шоронгуудад байгаа бүхий л араб хоригдлыг чөлөөлөхийг ХАМАС шаардахаар зэхэж байгаа аж. Мөн ХАМАС бүлэглэл сөргөлдөөн яаж ч эргэсэн, тэр дундаа урт хугацааны дайн болсон ч бүлэглэлийнхэн бэлэн байгаа гэж Бараке онцолжээ. Түүний өгүүлснээр, ХАМАС 2014 оноос хойш дайчдаа бэлдэж, өөрсдийн хүчээр пуужин үйлдвэрлэдэг болсон гэнэ. Энэ удаагийн халдлагын шалтгаан нь Израилын Засгийн газар Иерусалимын Аль-Акса сүмд хандаж байгаа хандлага, Израилын шоронгуудад палестин хоригдлуудад дарамтанд өртөх байдал нэмэгдсэнтэй холбоотой гэж ХАМАС-ын төлөөлөгч Бараке өгүүлжээ.
Энд дуулгахад, Палестины ХАМАС бүлэглэл Израил руу гэнэт халдаж, олон хүнийг олзолсны дотор Францын иргэд ч байж магадгүй байгаа аж. Израилд сөргөлдөөн эхэлсний дараа Францын 14 иргэн сураггүй болсон бөгөөд тэдний зарим нь, тэр дундаа 12 настай хүү алан хядагчдад олзлогдсон байж болзошгүй гэж байгаа талаар BFM мэдээлжээ. Түүнчлэн Францын Гадаад хэргийн яам ч 12 настай хүү барьцаалагдсан байж болзошгүй гэж үзэж байгаа аж.
Нөхцөл байдал хүндэрч, Израилын Ерөнхий сайд ард иргэддээ хандан "жинхэнэ дайн, удаан ч үргэлжилж болзошгүй дайн эхэлсэн" хэмээн анхааруулж байлаа. Тиймдээ ч иргэд бөмбөгдөлтөөс хоргодох байранд хоргодох шаардлага гарч байгаа бөгөөд иргэдийг хоол, хүнс нөөцлөхийг анхааруулжээ.
Москва Таймс сонины мэдээлснээр,Чеченийн тэргүүн Рамзан Кадыров Палестиныг дэмжиж байгаагаа илэрхийлхээд, олон улсад хандан бүс нутаг дахь нөхцөл байдалтай холбоотой "нэгдсэн, шударга" шийдвэр гаргахыг уриалсан байна. Түүнчлэн муслим шашинтай орнуудын төрийн тэргүүнүүдэд хандан эвсэл байгуулахыг уриалжээ.
Supernova наадам 10 дугаар сарын 6-7-ны өдрүүдэд Израилын өмнөд хэсэгт зохион байгуулагдсан бөгөөд бямба гарагийн өглөө ХАМАС бүлэглэлийнхэн энэ бүс рүү нэвтэрч, хүмүүс рүү гал нээсэн юм. Энэ үеэр олон хүн сураггүй болж, ар гэрийнхэн нь тэднийг эрэн хайсан ч ямар ч сураг чимээ олоогүй байна.
Өнгөрсөн бямба гарагт Палестины ХАМАС бүлэглэл Израил руу гэнэтийн дайралт хийж, олон хүн амиа алдсан. Үүний зэрэгцээ 100 гаруй хүн ХАМАС бүлэглэлийн олзонд байгаа гэдгийг энэ бүлэглэл өөрөө албан ёсоор мэдэгдэж байв.