Монголын багтай тоглох үеэр тоглолтын 18 дахь минутад Саудын Араб эхний гоолоо хийжээ. Хоёр дахь цаг эхэлснээс дөрвөн минутын дараа Мохаммед Маран Монголын багийн хаалганд гоол оруулснаар хожих боломжийг баталгаажуулсан аж.
Энэ хэргээс өмнө, есдүгээр сарын 20-ны өдөр Москва мужийн нэгэн дүүрэгт дэлбэрэлт болж, хэд хэдэн байр нурж, онцгой байдлын хоёр ажилтан амиа алдсан хэрэг гарсан юм. Үүний дараа Тулад дэлбэрэлт болсныг халдлагатай холбон тайлбарлаж эхэлсэн ч дэлбэрэх чимээ халдлагатай хамааралгүй, дэд станцад осол гарснаас үүдэлтэй гэж Оросын онцгой байдлын яам мэдээлсэн байна.
Хоёр онгоцны хурд бага байсан тул онгоц мөргөлдсөний улмаас зорчигчид гэмтэж бэртээгүй аж. Осол гарсны улмаас Барселона болон Франкфуртийг чиглэсэн бүхий л нислэгүүдийг хойшлуулж, шинжээчид ослын шалтгааныг тодруулахаар ажиллаж байгаа гэнэ.
ОХУ-ын Засгийн газар есдүгээр сарын 21-ний өдрөөс эхлэн бензин, дизель түлшний экспортод түр хугацааны хязгаарлалт тавихаар болсноо зарлалаа. Энэ шийдвэр бүхий тогтоолд ОХУ-ын Ерөнхий сайд Михаил Мишустин гарын үсэг зурсан байна.
Сүүлийн үед Украин агаарын болон тэнгисийн дрон, пуужин ашиглан Крым дэх Оросын цэргийн объектуудад цохилт өгөх нь эрс нэмэгдсэн юм. Ийм ажиллагааныхаа хүрээнд, наймдугаар сарын сүүлээр болон есдүгээр сард Крымд байх хоёр С-400-г устгажээ.
Энд дуулгахад, есдүгээр сарын 19-ний өдөр Азербайжан "алан хядах ажиллагааны эсрэг тусгай ажиллагаа" зарлан Уулын Карабахд цохилт өгч эхэлснээр энэ бүс нутаг дахин халуун цэг болон хувирсан юм. Гуч гаруй жилийн өмнө Азербайжанаас салан тусгаарлаж, Арменийн дэмжлэгийг авах болсон олон улсад хүлээн зөвшөөрөгдөөгүй Уулын Карабахын Бүгд Найрамдах Улсад одоогоос гурван жилийн өмнө дайн дэгдэж, талуудын хооронд үүсэж байсан хамгийн цус урсгасан үйл явдал болж байлаа. Харин энэ удаагийн хурцадмал байдал хоёр дахь өдрөө намжсан юм.
Сонинд бичсэнээр, эхнэр нөхөр хоёр Гуандун мужийн Фошань хотын гудмаар машинтайгаа явж байжээ. Энэ үед эхнэр нь хүүхдээ дагуулан яваа гэр бүлийг машиныхаа цонхоор харж, хүү нь байсан бол 15 хүрэх байсан хэмээн уйлсан аж. Эхнэр нь сэтгэл хямрах үед түр сатаарсан нөхөр гэнэт гудамжинд гуйлга гуйж явсан өсвөр насны хүүхдийг анзааралгүй мөргөсөн гэнэ.
Мексикийн нэгэн наран шарлагын газарт аянга бууж, хоёр хүн амиа алджээ. Орон нутгийн хэвлэлүүдийн мэдээлснээр, энэ үйл явдал Мичоакан мужийн, жуулчид ихээр очдог Аквила наран шарлагын газарт болсон байна.
НҮБ-ын Ерөнхий нарийн бичгийн дарга уур амьсгалын асуудлаарх дээд хэмжээний уулзалтад үг хэлэхдээ цаг уурын өөрчлөлттэй тэмцэхэд дэвшил гаргах чадваргүй байгааг шүүмжилсэн гэж Ройтерс агентлаг мэдээлжээ.
Сүүлийн үед АНУ-д коронавирусийн халдвар дахин эрчимтэй тархаж байгаа тул тус улсад хүмүүс гэртээ өөрийгөө оношлоход зориулж коронавирус илрүүлэх тестийг үнэ төлбөргүй олгох ажлыг сэргээжээ.
KF-16 сөнөөгч онгоц сүйрсний дараа тусгай комисс томилсон бөгөөд шинжээчид ослын шалтгааныг тодруулах аж. Онгоцонд тухайн үед ганц нисгэгч л байсан, мөн осол болсны дараа өөр хохирол учраагүй гэнэ. KF-16 нь Америкийн F-16 сөнөөгч онгоцны солонгос хувилбар юм.
Хятадын Гадаад хэргийн сайдын алба хашиж байсан Цинь Ган гэр бүлээс гадуурх харилцааны улмаас албан тушаалаасаа халагдсан гэнэ. Ийм мэдээллийг Хятадын Коммунист намын дотоод шалгалтын явцтай холбоотой эх сурвалжуудаас авсан мэдээлэлтэйгээр The Wall Street Journal сонин дамжуулжээ.
Түүнчлэн Хятад улс дрноы камер, хөлгийн радиотөхөөрөмж, хэт улаан туяаны камер, дулаан мэдрэгч зэрэг дроны эд ангиудыг нийлүүлэхийг хязгаарласан юм. Эдгээрийг нийлүүлэхийн тулд эцсийн худалдан авагчийн талаарх мэдээллийг үнэн зөв мэдээлсний үндсэн дээр Хятадын Худалдааны яам, Гаалийн албанаас зөвшөөрөл авах шаардлагатай болсон байна.
Уулын Карабахт есдүгээр сарын 19-ний өдөр Азербайжан цохилт өгч эхэлсэн. Улмаар лхагва гарагт Оросын энхийг сахиулагч хүчний хяналтын постоос Оросын цэргүүд машинтайгаа буцах үед суманд өртөж, хэд хэдэн хүн амиа алдсан талаар ОХУ-ын Батлан хамгаалах яам мэдэгдэж байв.
Аянганд цохиулсан Airbus А220 онгоцыг газардсаных нь дараа ашиглалтаас гаргаж, оношлогоо хийлгүүлэхээр шинжээчдийн багт хүлээлгэн өгсөн байна. АНУ-ын Үндэсний цаг уурын газрын мэдээлснээр, онгоц аянганд цохиулах тохиолдол жилд 1-2 гардаг гэнэ.
Украины Ерөнхийлөгч Володимир Зеленский дайн эхэлснээс хойш анх удаа НҮБ-ын Ерөнхий ассамблейн чуулганд биечлэн оролцож байгаа юм. Тэрбээр лхагва гарагт АНУ-ын Төрийн нарийн бичгийн дарга асан Генри Киссинжертэй уулзжээ.
Франц улс дунд сургуулиудад исламын шашинтнууд өмсдөг хувцасыг хориглосон шийдвэр гаргаж, энэ хичээлийн жилээс хэрэгжүүлэхээр болсон. Үүний араас Швейцар улс ийм шийд гаргажээ.
Энд дуулгахад, Украин, Польшийн харилцаа яг одоо эгзэгтэй шатанд байгаа юм. Учир нь Польш Еврокомиссын шийдвэрийг үр харгалзан Украинаас үр тариа авахыг хориглосон. Ийм шийдвэрийг Унгар, Словак ч гаргасан бөгөөд энэ нь дотоодын фермерүүдийнхээ эрх ашгийг хамгаалахтай холбоотой гэж эдгээр орнууд тайлбарласан юм.
Neuralink компани хэдэн удаагийн бүтэлгүй оролдлогын даара энэ оны тавдугаар сард АНУ-ын Хүнсний бүтээгдэхүүн, эм бэлдмэлийн чанарын хяналтын газраас тархинд суулгах чипийн эмнэлзүйн туршилт хийх зөвшөөрөл авсан юм. Энэ компанийнхан анхлаад 10 хүнд чип суулгах зөвшөөрөл авсан ч одоо чухам хичнээн хүнийг сайн дурын оролцогчоор авах талаарх мэдээлэл гараагүй байна.
Radio Free Asia радиостанцын Хятад дахь сурвалжлагчийн мэдээлснээр, есдүгээр сарын 19-ний өдрөөс эхлэн гурван өдөр тоглогдох байсан "Тамгагүй төр" жүжгийг эрх баригчид хоригложээ. Өвөр Монголын өнцөг булан бүрээс үзэгчид энэ жүжгийг үзэхээр тасалбар худалдан авсан ч холбогдох байгууллага жүжгийг гэнэт цуцалснаар хүмүүс яахаа мэдэхээ больсон гэж Ордос хотын сургуулийн багш Юньци Мугэ радиостанцын сурвалжлагчид ярьсан байна.