Украины тал ийнхүү Бахмутын ойролцоох Оросын бэхлэлтийг сэтэлсэн хэмээн мэдэгдсэн бол ОХУ-ын Батлан хамгаалах яам мэдэгдэл хийхдээ агаарын хүчин болон артиллеритэй хамтран ажиллаж, цэргүүд "дайсны зургаан халдлагыг зогсоосон, тэр дундаа Клещеевка сууринд хариу цохилт өгсөн" хэмээн мэдэгджээ.
Монголтой харилцах харилцаагаа хөгжүүлэх нь ОХУ-ын Азид баримтлах гадаадын бодлогын тэргүүлэх чиглэлүүдийн нэг гэнэ. Ийм мэдэгдлийг ОХУ-ын Аюулгүйн зөвлөлийн нарийн бичгийн дарга Николай Патрушев Монгол Улсын Аюулгүйн зөвлөлийн нарийн бичгийн дарга Ж.Энхбаяртай хийсэн уулзалтынхаа үеэр хийжээ.
Украинаас улаан буудай, эрдэнэ шиш, рапс, наран цэцгийг импортлохыг хориглосон шийдвэрийг эрх баригчид цаашид сунгахгүй болсон бөгөөд энэ нь Болгарын газар тариалан эрхлэгчдийн дургүйцлийг төрүүлжээ. Улмаар фермерүүд эсэргүүцлийн арга хэмжээнд нэгдсэн байна.
"Почта России" буюу Оросын шуудан Монголын "Монгол Шуудан"-тай хамтран Монгол Улсаас Оросын Екатеринбург хот руу хүргэлт илгээх газрын хил дамнасан чиглэлийг шинээр нээжээ. Энэ талаар ТАСС агентлаг мэдээлсэн байна.
Энэ онгоц чухамхүү ямар шалтгаанаар сүйрсэн нь одоогоор тодорхойгүй байгаа юм. Ням гарагт ийм хэрэг болсон нь Америкийн Агаарын цэргийн хүчинд сүүлийн зургаан долоо хоногт тохиосон, А ангилалд хамаарах гурав дахь осол болж байна. "А" ангилалд 2,5 сая доллараас дээш хохирол учруулсан, онгоц сүйрсэн, хэн нэгэн амиа алдсан эсвэл хөгжлийн бэрхшээлтэй болсон ослуудыг багтаадаг аж.
Энэ мэдээллийн дараа, Украины Батлан хамгаалах яамны Тагнуулын ерөнхий газрын төлөөлөгч Андрей Юсов мэдэгдэл хийж, Кадыровын хууч өвчин сэдэрч, "биеийн байдал нь хүнд байгаа" хэмээжээ. Түүний өгүүлснээр, "эмнэлгийн болон улс төрийн хүрээллийн төрөл бүрийн эх сурвалжаар энэ мэдээлэл батлагдаж байгаа" гэнэ. Харин есдүгээр сарын 15-ны өлөр Кадыровын "ВКонтакте" сүлжээн дэх хуудсанд тэрбээр гэр бүлтэйгээ зугаалж байгаа бичлэг байршсан бөгөөд гэхдээ энэ бичлэгийг хэзээ хийсэн нь тодорхойгүй байгаа аж.
Өвдсөн хүүхдүүдийн эцэг эхийн өгүүлснээр, өвчний шалтгаан нь эрдэнэ шишийн каштай холбоотой байж магадгүй аж. Өвдөж нас барсан нэг хүүхдийн ээжийн өгүүлснээр, хүүдээ эрдэнэ шишийн каш чанаж өгсний дараа хүү нь гүйлгэж, улмаар бөөлжиж эхэлжээ. Улмаар эм өгсөн ч тус бололгүй, эмнэлэгт хүргэгдсэний дараа нас барсан байна.
Сураггүй болсон онгоцны нисгэгч одоо эмнэлэгт эмчлүүлж, биеийн байдал нь хэвийн байгаа гэнэ. Энэ онгоц "степс" технологи буюу радарт тэр бүр илэрдэггүй технологиор үйлдвэрлэсэн тул онгоцны сэгийг олоход хүндрэлтэй байгаа аж. Одоо онгоцыг Молтри болон Марион нууруудын орчимд хайж байгаа бөгөөд эдгээр нуур онгоц харьяалагдах баазаас хойд зүгт байдаг юм байна.
Өмнө нь, наймдугаар сарын гуравны өдөр боловсруулагч аж үйлдвэрийн удирдлагуудтай уулзах үеэрээ Владимир Путин төрийн албан тушаалтнуудад хандан гадаадын автомашиныг төрд худалдан авахыг зогсоохыг шаардаж, төрийн албан тушаалтнууд эх орны үйлдвэрлэлийн машин унах ёстой хэмээн үүрэгдэж байлаа. Путин ийнхүү шаардсаны маргааш өдөр нь Төрийн думын дарга Вячеслав Володин Думын гишүүд өөрсдөөсөө эхлэж, Москвич, Лада, Аурус гэсэн дотоодын үйлдвэрлэлийн машин ашиглана гэж мэдэгдэж байв.
Латви улсад шинэ хууль үйлчилж, байнгын оршин суугчийн зөвшөөрөл авах гадаадын иргэд латви хэлний мэдлэгээ шалгуулах шаардлагатай болсон юм. Одоогоор Оросын 25 мянган миргэн энэ улсад оршин сууж байгаагийн 14 мянга нь байнгын оршин суугчийн зөвшөөрөл авах баримт бичгээ өгчээ. Харин 1000 хүн хэлний шалгалтын хугацааг сунгасныг мэдээгүй тул түр оршин суух өргөдөл гаргасан байна.
Ийм шаардах бичиг хүргүүлсний дараа РИА Новости агентлаг есдүгээр сарын 18-нд гаргасан нийтлэлдээ Зеленскийг "Ерөнхийлөгч" гэж бичээгүй байна. РИА Новости агентлагийн мэднэлэлд Зеленскийн албан тушаалыг бичилгүй орхиж, гагцхүү овог нэрийг нь бичсэн бол төрийн мэдлийн ТАСС агентлаг Зеленскийг "Ерөнхийлөгч" гэж бичсэн хэвээр байна.
Файфилдын бичсэнээр, боломжийн хоёр өрөө байр 80 мянган доллар бол тансаг сууцан дахь гурван өрөө байр 180 мянган долларт хүрдэг аж. Шинэ орон сууцны хорооллуудад чамин уушийн газар, Солонгос, Европ хоолны зоогийн газрууд байдаг гэнэ. Ихэнх нь тэнгэрт хадсан үнэтэй. Үүний зэрэгцээ дэлхийн бусад хотуудын адилаар Пхеньянд кофешопоор үйлчлүүлэх соёл эрчимтэй дэлгэрсэн бөгөөд Пхеньяны чинээлэг оршин суугчдын кофе уух хэрэгцээг нь хангахын тулд бариста сургахаар хүмүүсийг Хятад руу илгээдэг байжээ.
Дэлхийн хамгийн том хөлөг онгоцоор хийх аялал эрэлт ихтэй байгаа тул Royal Caribbean компани 2025-2026 оны аяллын улирлын урьдчилсан захиалгыг нээжээ. Энэ хөлөг онгоц Майамигаас Карибын тэнгисээр аялах бөгөөд гэр бүлээрээ яваа аялагчддад зориулсан болон 18+ төрлийн үйлчилгээг ч үзүүлэхээр санал болгож байгаа аж.
Түүнчлэн энэ аргыг Bangkok Airways компани ч ашиглахаар зэхэж байгаа бөгөөд бүх зорчигч болон тэдний гар тээшийг хэмжин, дундаж жинг гарган, түлшний тооцооллыг хийх нь үр дүнтэй гэж үзэж байгаа аж. Тэд энэ журмыг есдүгээр сарын 15-наас 10 дугаар сарын 31-нийг дуустал туршилтын журмаар нэвтрүүлэх аж. Зорчигчид онгоцонд суухын тулд биеийн жингээ зайлшгүй хэмжүүлэх албагүй гэж агаарын тээврийн компани мэдэгдээд, гэхдээ "зорчигчид хамтран ажиллана" гэж найдаж байгаагаа илэрхийлжээ.
Дэлхийд алдартай жүжигчин, НҮБ-ын Дүрвэгсдийн асуудал эрхэлсэн агентлаг сайн санааны элч Кристин Дэвис есдүгээр сарын 15-ны өдөр Молдавт зочилжээ. Түүний аяллын зорилго нь Украины дүрвэгчид болон тэднийг хүлээн авч буй хүмүүстэй уулзах явдал байсан гэж Unimedia мэдээлсэн байна.
БНХАУ-ын Коммунист намын Төв хорооны Гадаад хэрэг хариуцсан комиссын захиргааны тэргүүн, Гадаад хэргийн сайд Ван И энэ сард ОХУ-д айлчлахаар болжээ. Энэ талаар БНХАУ-ын Гадаад хэргийн яамны албан ёсны төлөөлөгч Мао Нин мэдээлсэн байна.
Өмнө нь ч тэрбээр дайн удаан үргэлжилнэ гэсэн байр суурийг илэрхийлж, НАТО Украиныг шаардлагатай бүхий л хугацаанд дэмжинэ хэмээн мэдэгдэж байлаа. Түүнчлэн барууны орнууд ирэх оны дунд үе гэхэд Украины зэвсэг хүчинд зэр зэвсэг нийлүүлэхээр бэлдэж байгаа, энэ нь Украины холбоотнууд дайн удаан үргэлжилнэ гэж тооцоолж байгаагийн илрэл хэмээн хэвлэлүүд мэдээлж байв.
Мөн энэ хотхон 3D, VR тоног төхөөрөмж, ширээний теннисний робот, робот төгөлдөр хуур зэргийг байршуулжээ. Дэвшилтэт технологиудыг сонирхохын дээр Хятадын уламжлал, зан заншилтай танилцаж, гар урлал хийж сурах сургалтад хамрагдпах боломжтой аж.
ОХУ Украины нутаг дэвсгэр дээр дайн өдүүлсэнтэй холбоотойгоор геноцидын тухай конвенцийг зөрчсөн тухай Оросын эсрэг 2022 оны хоёрдугаар сард Украины тал гаргасан нэхэмжлэлийн сонсголыг Нэгдсэн Үндэстний Байгууллагын Олон улсын шүүх есдүгээр сарын 18-ны өдөр эхлүүлжээ. Энэ талаар NBC мэдээлсэн байна.
АНУ-ын Өмнөд Каролинагийн эрэг орчимд F-35В онгоц сураггүй болжээ. Онгоц сүйрэх үед нисгэгч амжиж шүхрээр газардсан талаар USA Today сонин мэдээлсэн байна.