О.Мөнгөншагай: Нийслэлд халамжийн төсөв биш хөрөнгө оруулалтын төсөв хэрэгтэй
-Би Сүхбаатар дүүргийн унаган иргэн. Би 40 настай. Миний 40 жилийн амьдрал энэ дүүрэгтэй холбоотой. Би 1979 онд Сүхбаатар дүүргийн 1-р төрх газарт төрсөн. Манай гэр Сүхбаатар дүүргийн 6-р хорооны 25 дугаар байранд байсан. Би 23 нас хүртлээ тэр байранд амьдарсан. Багадаа Сүхбаатар дүүргийн 25 дугаар цэцэрлэгт хүмүүжсэн. Дараа нь Сүхбаатарын нэрэмжит 2-р арван жилд сурсан. Оюутан боллоо. Сүхбаатар дүүргийн 6-р хороонд манай гэрийн хажууд байдаг МУИС-ийн Хуульзүйн дээд сургуульд суралцсан. Ахин нэг шинэ зам гарсан нь Хүмүүнлэгийн ухааны их сургууль. Ажилд орохдоо Төрийн ордон дахиад Гадаад харилцааны яам, буцаад Төрийн ордон. Манай компанийн оффис Сүхбаатар дүүргийн 8-р хороонд байсан. Иргэдийн төлөөлөгчөөр ч Сүхбаатар дүүрэгтээ л ажилласан. Одоо манай гэр Сүхбаатар дүүргийн 8-р хороонд байна. Ерөөсөө л миний ажил, амьдрал Сүхбаатар дүүргийн нэг километрийн радиус дотор өрнөсөн.