Тулгар төрийн 2230, 2231, Их Монгол Улсын 815, 816 жил, Ардын хувьсгалын 100, 101 жилийн ой, Үндэсний их баяр наадмын өдрүүдэд нийтийн тээврийн үйлчилгээнд үндсэн /хотын доторх болон хот орчмын/ 107 чиглэлд их, дунд багтаамжийн 674, зуслангийн гурван чиглэлд тав, шөнийн тээврийн үйлчилгээний гурван чиглэлд зургаа, нийт 685 автобус үйлчилгээнд ажиллуулахаар Нийслэлийн Нийтийн тээврийн газраас төлөвлөөд байна.
Оргон зайлсан Бямбаагийн Бямбадоржийг эрэн сурвалжлан 2022 оны 07 дугаар сарын 07-ны өдөр хөдөө орон нутагт орогнон нуугдаж байсныг олж дайчлан баривчиллаа.
Өнөөдрийн байдлаар Хэнтий, Хөвсгөл, Сэлэнгэ аймгууд цахим зөвшөөрөлийн системд холбогдож, загас барих, агнах зөвшөөрлийг цахимаар олгож байна.
Өнөөдөр Улаанбаатар хотод суурин 31 цэг, түр 2 цэгт 33 багийн 110 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.
Энэ жил Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн тохиож байна. Үндэсний их баяр наадам уламжлал ёсоор буриад сур харваагаар үргэлжилж байна.
Манай талаас “МИАТ” ТӨХК Гуанжоу-УБ-Гуанжоу чиглэлд 1 удаа, “Аэро Монголиа” ХХК УБ-Хөх хот-УБ чиглэлд 1 удаа, айлын талаас “Air China” компани Хөх хот-УБ-Хөх хот чиглэлд 2 удаа нислэг үйлдэнэ. Хуваарийн дагуу “Air China” компани 2022 оны 7 дугаар сарын 5-ны өдөр Хөх хот-УБ-Хөх хот чиглэлд, “МИАТ” ТӨХК 2022 оны 7 дугаар сарын 10-ны өдөр УБ-Гуанжоу-УБ чиглэлд шууд нислэг үйлдэхээр холбогдох зөвшөөрлөө аваад байна.
Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн Үндэсний их баяр наадмын өнөөдрийн хөтөлбөрийг хүргэж байна. Үндэсний их баяр наадам уламжлал ёсоор буриад сур харваагаар үргэлжилж байна.
Хүй долоон худаг руу Төв цэнгэлдэх хүрээлэн, Боловсролын их сургууль, Таван шараас нийтийн тээврийн автобусаар үйлчлэх юм. Үйлчилгээний хөлс 1500 төгрөг бөгөөд төлбөрийг зөвхөн картаар төлнө гэдгийг мэргэжилтнүүд анхаарууллаа. Долдугаар сарын 11, 12-ны өдрүүдэд Төв цэнгэлдэх хүрээлэн буюу Гандийн гудамжны автобусны зогсоолоос 10 автобус долоон минут тутамд, долдугаар сарын 13-ны өдөр хотын төв “МУБИС”-ийн баруун тал буюу “Улаанбаатар зочид буудал”-ын автобусны зогсоолоос 06:00 цагаас их багтаамжийн таван автобус 10 минут тутамд “Хүй долоон худаг” руу 1500 төгрөгийн тарифаар үйлчилнэ. Мөн долдугаар сарын 11-15-нд Хүй долоон худгийн шөнийн арга хэмжээнд зориулж 18:00-03:00 цагийн хооронд зургаан автобус “Таван шар-Хүй долоон худаг” чиглэлд үйлчилнэ.
“Нийтийн орон сууцны хөтөлбөр”-ийн тухай Монгол Улсын Барилга, хот байгуулалтын яам, Сингапурын хамтын ажиллагааны байгууллага хооронд байгуулах санамж бичигт Барилга, хот байгуулалтын сайд Б.Мөнхбаатар, Сингапурын хамтын ажиллагааны байгууллагын гүйцэтгэх захирал Конг Вай Ман нар гарын үсэг зурлаа.
Ихэнх нутгаар солигдмол үүлтэй. Төвийн аймгуудын ихэнх нутаг, зүүн аймгуудын нутгийн зарим газраар бороо, дуу цахилгаантай аадар бороо орно. Салхи ихэнх нутгаар баруун хойноос секундэд 5-10 метр, говь, тал, хээрийн нутгаар секундэд 13-15 метр, зарим газраар борооны өмнө түр зуур ширүүснэ. Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс, Эг, Үүр, Туул, Тэрэлж, Онон голын хөндийгөөр 15-20 хэм, Их нууруудын хотгор, говийн бүс нутгийн өмнөд хэсгээр 27-32 хэм, бусад нутгаар 20-25 хэм дулаан байна.
Монгол Улсын экспортын 90 орчим хувийг уул уурхайн салбар эзэлдэг. Байгалийн баялгийн үр өгөөжийг Үндэсний баялгийн сангаар дамжуулан ард түмэндээ тэгш, шударгаар хүртээхийг чухалчилж байна. Энэ хүрээнд дэлхийд үлгэр жишээ болсон Сингапур улсын Хуримтлалын сангийн туршлагыг сонирхож буйгаа Ерөнхий сайд илэрхийллээ. Мөн стратегийн ач холбогдол бүхий ордуудыг эдийн засгийн эргэлтэд оруулж, Монгол Улсын Баялгийн санг "Эрдэнэс Монгол" компанийг түшиглэн байгуулахаар ажиллаж байгааг тэмдэглэв.
“Нийслэлийн Засаг даргын зүгээс ус соруулах насос, тусгай тоноглолын машинуудыг нэмж өгсөн. Үерийн улмаас тогтсон их хэмжээний усыг соруулах үед тус машин, техникүүд бүрэн хүчин чадлаараа ажиллах боломжтой. Гэвч одоо байгаа шугам сүлжээнүүд 1980, 1990-ээд оны хот байгуулалт, төлөвлөлтөөр хийгдсэн тул 70 орчим хувийнх нь насжилт хэтэрч, шинэчлэх шаардлагатай болсон. Иймд хүчтэй орсон усархаг бороо, үерийн улмаас сувгууд халих өндөр эрсдэлтэй байна”
Монголбанкны Эрдэнэсийн сангаас Монгол Улсын болон олон улсын ач холбогдол бүхий тэмдэглэлт ой зэрэг онцгой чухал үйл явдлыг тохиолдуулан алт, мөнгө, зэс дурсгалын зоос эрхлэн гаргадаг.
Говьсүмбэр аймаг, Сүмбэр сумын 4 дүгээр багийн “Хүхрийн ногоо” гэдэг газар амбаар шатаж байна гэсэн дуудлагыг өчигдөр буюу долдугаар сарын 06-ны өдрийн 17:10 цагт хүлээн авсан байна.
Тэрбээр, соёл, урлагийн салбарт 20 гаруй жилийн хөдөлмөр, бүтээлээ зориулахдаа 20 гаруй жүжгийн гол болон туслах дүр бүтээж, 10 гаруй уран сайхны кино найруулан, телевизийн олон цэнгээнт нэвтрүүлэг бэлтгэн олон нийтийн хүртээл болгожээ.
“Үндэсний их баяр наадмын тухай” хууль болон Монгол улсын Засгийн газрын 2022 оны зургаадугаар сарын 29-ний өдрийн хуралдаанаар баталсан “Үндэсний их баяр наадмын үндэсний бөхийн барилдаан дүрэм”-д зааснаар ардын хувьсгалын 101 жилийн их баяр наадамд барилдахаар урьдчилсан бүртгэлээр нэр ирүүлсэн болон барилдах боломжтой бөхчүүдийн эрэмбийг МҮБХ батлан гаргалаа.
Ерөнхий сайд Л.Оюун-Эрдэнэ асар хурдацтай хувьсан өөрчлөгдөж буй дэлхийн хөгжилд цахим сүлжээ, мэдээллийн технологи чухал үүрэг гүйцэтгэж буйг онцлоод Монгол Улсын Засгийн газраас цахим үндэстэн болох зорилт тавин “E-Mongolia” платформыг хөгжүүлж, төрийн үйлчилгээг цахимжуулах зэрэг энэ салбарт эрчимтэй шинэчлэл хийж буй талаар танилцуулав.
Монгол Улсын Ерөнхийлөгчийн зарлигаар Хөдөлмөрийн баатар цолыг Ардын жүжигчин Д.Ухнаа Завхан аймгийн Эрдэнэхайрхан сумын малчин Д.Шоовой Ойн гавьяат ажилтан Б.Жансран нарт олголоо.
Темасек олон улсын санд Монгол Улстай 2009 оноос эхлэн төсөл хөтөлбөр хэрэгжүүлж байна. Цаашид ч үргэлжлүүлэн хамран ажиллахад бэлэн байгаагаа илэрхийллээ.
Энэ хүрээнд долдугаар сарын 09-14-ний өдрүүдэд цагдаагийн байгууллага өндөржүүлсэн бэлэн байдлын нэгдүгээр зэрэгт шилжин ажиллана. Баяр наадмын өдрүүдэд хэв журам сахиулахад 3600 орчим цагдаагийн байгууллагын албан хаагч ажиллана. Ингэхдээ олон төрлийн эргүүлийн зохион байгуулалттайгаар ажиллана.