Үер усны аюулаас сэрэмжлүүллээ
Улаанбаатарт төдийгүй хөдөө орон нутагт бороо цутгаж, усны түвшин нэмэгдэж байна. Иймээс Улаанбаатар хотын цагдаагийн газраас дараах сэрэмжлүүлгийг хүргэж байна.
Монгол, Японы цэргүүдийн хамтарсан сургуулилт эхэлжээ
Япон Улсын Өөрийгөө хамгаалах хүчний хуурай замын цэргийн инженерүүд Монгол Улсын Зэвсэгт хүчний алба хаагчидтай хамтарсан сургалт дадлага явуулахаар болжээ. Энэхүү сургалтаар японы цэргүүд зам барих ур ухаанаа хоёр сар гаруйн хугацаанд манай цэргүүдэд заах юм байна.
Хамтарсан сургалтын нээлтийн ажиллагаа өнгөрсөн ням гаригт Зэвсэгт хүчний 311 дүгээр ангид болжээ. Уг ажиллагаанд Японы Батлан хамгаалах яамны Төрийн нарийн бичгийн дарга Ниши Масанори, Японы Өөрийгөө хамгаалах хүчний Инженерийн сургуулийн захирал, хошууч генерал Косэ Микио, Японы Батлан хамгаалах яамны Олон Улсын бодлогын хэлтсийн дарга Ёошида Масанори нар ирж оролцсон байна. Харин Монгол талаас хамтарсан сургуулилтын нээлтийн ажиллагаанд БХЯ-ны Төрийн нарийн бичгийн дарга, хошууч генерал З.Болдбаатар, тус яамны Гадаад хамтын ажиллагааны газрын дарга, бригадын генерал Ч.Сосорбарам болон Бодлогын хэрэгжилтийг зохицуулах газрын дарга, хурандаа П.Жаргалан, ЗХЖШ-ын Ажиллагааны удирдлагын газрын дарга, бригадын генерал Д.Ганзориг, Зэвсэгт хүчний Ерөнхий зориулалтын цэргийн штабын дарга, бригадын генерал Б.Амгаланбаатар, Зэвсэгт хүчний 311 дүгээр ангийн захирагч, хурандаа Л.Гансэлэм нарын удирдлагууд оролцжээ.
Япон Улсын Өөрийгөө хамгаалах хүчний хуурай замын цэргийн 15 гаруй инженерүүд манай Зэвсэгт хүчний 20 гаруй алба хаагчдад зам барих арга барилаа өнөөдрөөс эхлэн зааж байна. Ингэхдээ Зэвсэгт хүчний 311 дүгээр ангийн орчимд 200 метр замыг дадлага болгон хамтран барихаар сургуулилтаа эхлүүллээ. Хамтарсан сургуулилт ирэх есдүгээр сарын 15-нд өндөрлөнө.
Б.Дэжид
Залуус хотоо 3D зургаар чимлээ
“Найрсаг улаанбаатар” гудамж – хананд “3D” зураг зурах төслийн хүрээнд Зүүн дөрвөн замын уулзвараас Баруун дөрвөн замын уулзвар хүртэлх ашиглагддаггүй болон хотын өнгө үзэмжинд сөргөөр нөлөөлөхүйц 16 -н байршилд /хана талбайд/ 3D хэлбэрээр бодит мэт сэтгэгдэл төрүүлэхүйц зураг зурж залуусын зураг авалтын бүс болгожээ.
Нийслэлийн машингүй бүс төслийг хэлэлцэнэ
Нийслэлийн удирдлагын зөвлөлийн ээлжит хуралдаан өнөөдөр 14 цагт болно. Хуралдаанаар гэр хорооллын дахин төлөвлөлтийн үйл ажиллагааг идэвхжүүлэх, санхүүгийн механизми бий болгох тухай, нийслэлийн машингүй бүс төслийн тухай зэрэг асуудлыг хэлэлцэх юм байна.
Иргэдийг хууль бусаар хил нэвтрүүлдэг байсан этгээдүүдийг барьжээ
Монголын иргэдийг хууль бусаар Шенгений бүсийн орнуудад нэвтрүүлдэг байсан зохион байгуулалттай бүлгийг Польшийн Цагдаагийн газраас илрүүлжээ.
149 сая төгрөгөөр Даншиг наадам хийнэ
Өндөр гэгээн Занабазарын мэндэлсний 380 жилийн ойн Даншиг наадам энэ сарын 24-26-ны өдрүүдэд Өвөрхангай аймгийн Хархорин сум болно. Тэгвэл уг наадамтай холбогдуулан Даншиг наадмыг зохион байгуулах үндэсний хорооноос өнөөдөр сэтгүүлчдэд мэдээлэл хийлээ. Хэвлэлийн хуралд УИХ-ын гишүүн Г.Батхүү, УИХ дахь Ардчилсан намын бүлгийн ажлын албаны дарга С.Дэмчиг, Арвагар хээр МСУХ-ны гүйцэтгэх захирал Ю.Үнэнбүрэн нар оролцлоо.
Монголын төр, шашин, соёл урлагийн нэрт зүтгэлтэн Өндөр гэгээн Занабазарын мэндэлсэний 380 жилийн ойн хүрээнд өнгөрсөн дөрөвдүгээр сард Унгарын Будапешт хотод, тавдугаар сард Улаанбаатар хотод эрдэм шинжилгээний хурлыг тус тус зохион байгуулжээ.
Мөн Өндөр гэгээн Занабазарын тухай түүхэн баримтат кино хийж, түүний төрсөн нутаг Өвөрхангай аймгийн Есөнзүйл суманд гэрэлт хөшөө босгож, бэсрэг наадам хийжээ. Түүнчлэн, ойн хүрээнд Амарбаясгалант хийд дэх Шар өргөөг сэргээн засварлах, Арвайхээр хотын Занабазарын нэрэмжит цэцэрлэгт хүрээлэнг засварлаж, бүтээлийн музей байгуулсан байна. Харин энэ сарын 24-26ны өдрүүдэд Даншиг наадам зохион байгуулах болсон талаар УИХ-ын гишүүн Г.Батхүү мэдээллэсэн юм. Уг наадмыг нийт 149 сая төгрөгөөр хийж буйгаа тэд онцолсон юм.
Наадам эрлийз морины уралдаанаар эхэлнэ
Өндөр гэгээн Занабазарын мэндэлсний 380 жилийн ойн Даншиг наадам энэ сарын 24-нд эрлийз морины уралдаанаар эхэлнэ. Харин 25-ны өдөр албан ёсны нээлтээ хийх нээ. Тодруулбал, Даншиг наадам хязаалан, шүдлэн, даага зэрэг насны эрлийз бага, дунд насны морины уралдаанаар эхлэх юм байна. Мөн дээрх гурван насны монгол морьдыг тусад нь уралдуулах ажээ. Харин наадмын хоёр дахь өдрөөс азарга, соёолон, их насны монгол морьдыг уралдуулах аж. Ингэхдээ “тавиач” нэртэй хүүхдийг явуулахгүй гэж наадмыг зохион байгуулах хорооноос мэдэгдлээ. Хязаалан насны морьд 18 км, шүдлэн 15 км, даага 12 км , азрага 22 км, соёолон 22 км, их нас 25 км зайд тус тус уралдах нээ. Түрүүлсэн морьдод 8 сая төгрөгийн бай шагнал олгох аж.
512 хүчит бөх зодоглоно
Даншиг наадмын албан ёсны нээлт энэ сарын 25-нд эхлэх юм. Наадмын нээлтэд монголын урлаг соёл, улс төр, нийгмийн нэрт зүтгэлтнүүд оролцох юм байна. Наадамд улс, аймаг, цэргийн цолтой 512 хүчит бөх барилдах аж. Түрүүлсэн бөхөд найман сая төгрөг, үзүүрлэсэн бөхөд таван сая төгрөгийн бай шагналыг тус тус гардуулах юм байна. Мөн сурын харваа, урлаг соёлын тоглолт, ёслолын буудлага, шашны арга хэмжээ, монголын шилдэг айраг шалгаруулах уралдаан тус тус зохион байгуулагдах аж.
Айргыг НҮБ-д бүртгүүлнэ
Өндөр гэгээн Занабазарын мэндэлсний 380 жилийн ойн Даншиг наадмын хүрээнд монгол айргыг НҮБ-ын соёлын өвд бүргүүлэх юм байна. Түүнчлэн, монголын хамгийн шилдэг айргыг шалгаруулах ёслолыг хийх аж. Энэ үйл ажиллагаа энэ сарын 25-нд болох юм байна.
Дашрамд дуулгахад, Өндөр гэгээн Занабазарын мэндэлсний 380 жилийн ойн арга хэмжээний нийт төсөв 500 сая төгрөг болжээ. Энэ талаар УИХ-ын гишүүн Г.Батхүү “Өндөр гэгээн Занабазарын хийж байсан ажил, уран бүтээлийг алдаршуулах, сурталчилах, судлах ажилд багагүй хөрөнгө зарцуулагдсан. Нийтдээ 500 гаруй сая төгрөгийн төсвөөр ойн үйл ажиллагаа явагдаж байна. Ойн хүрээнд номууд хэвлүүлсэн, гадаад дотоодын төлөөлөгчдөд зориулж баримтат кино, эрдэм шинэжилгээ, соёлын олон арга хэмжээ зохион байгуулагдсан гэдгийг хэлмээр байна гэв.
Б.Дэжид
“Хотын ногоон хөгжил”-ийг хэлэлцэнэ
Нийслэлийн Засаг дарга “Ажлын хэсэг байгуулах тухай” А/612 дугаар захирамж гаргалаа. Захирамжаар Зүүн хойд Азийн хотын дарга нарын форумын “Хотын ногоон хөгжил” сэдэвчилсэн хуралдааныг 2015 оны 09 дүгээр сарын 21, 22-ны өдрүүдэд Улаанбаатар хотод зохион байгуулахаар шийдвэрлэлээ.
”Ухаалаг анги” төслийн нээлт боллоо
Нийслэлийн 23 дугаар дунд сургууль дээр өнөөдөр ”Ухаалаг анги” төслийн нээлт боллоо.
“Мандал” амралтын газар усанд автжээ
Налайх дүүргийн Онцгой байдлын хэлтэст өчигдөр 14:05 цагт Төв аймгийн Эрдэнэ сумын нэгдүгээр багийн “Мандал” амралтын газар усанд автсан гэх дуудлага иржээ.
340 гаруй саяын хөрөнгийг үерээс хамгаалжээ
Улаанбаатар хотод өчигдөр 15.00-17.00 цагийн хооронд усархаг бороо орсны улмаас нийслэлийн Онцгой байдлын газарт үерийн усны 13 дуудлага ирсэн байна.
100 жилийн баталгаатай, зузаан зам ашиглалтад оржээ
Гудамж төслийн хүрээнд ”Монос”-ын уулзвараас Нисэх Яармагийн уулзвар хүртэлх 5.5 километр замыг өнгөрсөн 2014 оны намраас эхлэн өргөтгөн шинэчилж эхэлсэн билээ. Тэгвэл уг зам наадмын өмнөхөн ашиглалтанд орж, авто тээврийн хэрэгслүүд зорчиж эхэлжээ.
Яармаг, Нисэхийн замын тусгаарлах зурвасыг бүрэн зүлэгжүүлнэ
Нисэхийн замын цэцэрлэгжүүлэлтийн ажлын хэсэг баасан гарагт хуралдаж ажлын явц, үр дүнгийн талаар хэлэлцлээ. Тус замын голын тусгаарлах зурвасыг зүлэгжүүлэх ажил 6 дугаар сараас эхэлсэн бөгөөд нийт 7.2 км урт, 7 м өргөн зурвасыг зүлэгжүүлэхээс 4 км урт газрыг зүлэгжүүсэн байна
Их зохиолчийн нэрэмжит цогцолбортой болно
Багануур дүүрэгт монголын шинэ үеийн утга зохиолыг үндэслэгч, их зохиолч Дашдоржийн Нацагдоржийн нэрэмжит “Шувуун саарал” цогцолборыг барьж эхэлжээ.
ОХУ манайд худалддаг цахилгааны үнээ нэмжээ
Эрчим хүчний зохицуулах хорооны хурлаар эрчим хүчний үнэ, тарифт зохицуулалт хийжээ.
Бригадын Генерал Б.Амгаланбаатар: Аав намайг ”манай генерал” гэж өхөөрддөг байсан
Бригадын генерал Б.Амгаланбаатар. Энэ эрхэм Үндэсний их баяр наадмын өмнө Монгол Улсын Ерөнхийлөгчөөс цэргийн дээд цол болох генералын мөрдөсөө гардан аваад удаагүй байна.
Алга болсон иргэдийг хайж байна
Алга болсон, усанд живсэн иргэдийг авран хайх ажиллагааг явуулсаар байна.
Автобусанд зорчих цахим картыг 3600 төгрөгөөр худалдана
Нийтийн тээврийн цахим төлбөрийн систем энэ сарын 24 буюу ирэх баасан гаригаас албан ёсоор хэрэгжиж эхэлнэ.
”Сэтгүүлчийг сулла” цуглаан Чингисийн талбайд болно
Тэгвэл сэтгүүлчид өнөөдөр ”Сэтгүүлчийг сулла” чимээгүй цуглааныг 12:00 цагт Чингисийн талбайд хийнэ.
Өнөөдөр цахилгаан хязгаарлах газрууд
УБЦТС ХК-иас нийслэлийн цахилгааныг хэсэгчлэн хязгаарлаж, шугам сүлжээнд засвар үйлчилгээ хийж буй.
Язгуур шүтлэг ба байгаль, экологийн асуудлаар хуралдана
Төв Гандантэгчэнлин хийдийн Жанрайсигийн өмнөх талбайд болох ”Эрдэм, соёлын үйл ажиллагаа” болно. Одсэр ринбүчи ТВ9 телевизээр шууд дамжуулан их хөлгөний нэг өдрийн сожон сахилыг хайрлана.