Хэдийгээр энэ жил онцгой нөхцөл байдлын улмаас Үндэсний их баяр наадмаа хойшлуулж байгаа боловч хүн болгон зүрх сэтгэлдээ өв соёл, үүх түүхээ эрхэмлэн дээдэлж, үр хүүхдэдээ сурталчлан таниулж, сэтгэл оюундаа хүндэтгэн бодож зөвхөн гэр бүл дотроо ёслон тэмдэглэхийг хүсье.
Сүүлийн 24 цагийн хугацаанд 1735 хүнд коронавирус илрэв. Шинээр батлагдсан тохиолдлын 873 нь Улаанбаатар хотод, 861 нь орон нутагт, нэг нь зөөвөрлөгдсөн халдвар байна. Мөн хугацаанд 3756 хүн эдгэрлээ. Коронавирусийн халдварын улмаас 11 хүн нас барлаа. Ингэснээр халдварын улмаас нийт нас барсан хүний тоо 684 болж байна.
Улсын хэмжээнд өнөөдрийн байдлаар 381 эмнэлэг болон тусгаарлан ажиглах байранд 13,157 иргэн байна. Үүнээс нийслэлд 51 эмнэлэгт 6169, тусгаарлан ажиглах 14 байранд 316 иргэн, орон нутагт 316 эмнэлэг болон тусгаарлан ажиглах байранд 6,475 байгаа юм.
Нийслэлд үйл ажиллагаа явуулж буй хоол үйлдвэрлэл, үйлчилгээ, амралтын газар, саун, бассейн, фитнес, бялдаржуулах төв зэрэг байгууллагууд үйл ажиллагааг хэвийн явуулах нөхцөлийг бүрдүүлэх, халдвар хамгааллын дэглэм, ажлын байранд тавигдах тусгай нөхцөл шаардлагыг хангуулах, хяналт тавих, хүлээх хариуцлагатай холбоотой харилцааг зохицуулах зорилгоор аж ахуйн нэгжүүдтэй “Хариуцлагын гэрээ” байгуулсан.
Иргэний нисэхийн Ерөнхий газраас /ИНЕГ/ ирэх наймдугаар сарын нислэгийн хуваарийг танилцууллаа. Ирэх сард Сөүл, Токио, Франкфуртын чиглэлд нислэг үйлдэнэ.
Өнөөдөр нутгийн зарим газраар дуу цахилгаантай аадар бороо орох тул мөндөр, нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.
Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Зуны адаг хөхөгчин хонь сарын давхарласан нэгэн.
Сүүлийн 24 цагт 10 мянга гаруй хүн шинжилгээнд хамрагдсанаас 1783 тохиолдол бүртгэгдэж, эрүүл мэндийн ажилтан таван хүн ковидоор өвчилжээ. 3000 гаруй хүн эдгэрсэн бол 13 хүн нас баржээ. Вакцин нь таныг халдвар авах эрсдэлээс тодорхой хэмжээнд буюу 70-95 хувиар хамгаална.
Өчигдөр нийслэлийн хэмжээнд I тунд 239, II тунд 2804, нийт 3043 иргэнийг дархлаажуулалтад хамрууллаа. Вакцинжуулалт эхэлснээс хойш нийслэлийн 18-аас дээш насны 1.046.731 иргэн I тунд, 908.494 иргэн II тунд хамрагдаад байна. Мөн нийт 3049 (25.6 хувь) жирэмсэн эх, 12-15 насны 36425 (35.9 хувь), 16-17 насны 19319 (57 хувь) хүүхэд дархлаажуулалтад хамрагдлаа.
Сахил санваар авах, хануур төөнүүр хийлгэх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд нас ахар болно хэмээжээ.
Малчид, иргэдийн анхааралд: Өнөөдөр төв болон говийн аймгуудын нутгийн баруун хэсгээр усархаг, дуу цахилгаантай аадар бороо орох тул мөндөр, нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.
Үндэсний их баяр наадмаар Тоёота мотор корпорацаас түрүү бөхөд автомашин гардуулдаг. Харин энэ жилийн тухайд НЗДТГ-тай зөвшилцөн, түрүү бөхөд олгодог автомашиныг ЭХЭМҮТ-д хандивлахаар болж, өнөөдөр гардуулан өглөө. Тус HIACE автомашин нь 16 хүний суудалтай, орон нутагт яаралтай түргэн тусламжийн үйлчилгээ үзүүлэх эмч нарт зориулагдсан юм.
Орон нутагт “Ковид-19” өвчний халдварын тархалт, эмнэлгийн ачаалал нэмэгдсэнтэй холбогдуулан 18 аймгийн 196 сум, зургаан тосгонд хязгаарлалтын дэглэм тогтоосон. Үүнээс 13 аймгийн 101 сумын хөл хорио наадмаас өмнө цуцлагдаж, импорт, экспортын гол боомтуудтай аймаг, орон нутагт хатуу хөл хорио хэвээр үргэлжилнэ. Хөл хорио цуцлагдсан аймгууд бие даан хязгаарлалт тогтоохгүй, УОК-той зөвшилцөж хязгаарлалт, хөл хорио тогтоох эсэхийг шийдвэрлэх юм.
Сүүлийн 24 цагийн хугацаанд 5 888 хүн дархлаажуулалтад хамрагджээ. Ингэснээр улсын хэмжээнд нийт нэгдүгээр тунд 2 100 918 хүн, хоёрдугаар тунд 1 787 254 хүн хамрагджээ"
Сүүлийн 24 цагийн хугацаанд 12539 сорьцод шинжилгээ хийснээс 2308 хүнд коронавирус илрэв. Ингэснээр манай улсын нийт батлагдсан тохиолдол 134 270 боллоо. Шинээр батлагдсан тохиолдлын 1367 нь Улаанбаатар хотод, 940 нь орон нутагт, нэг нь эмнэлгээс шалтгаалах халдвар байна. Мөн сүүлийн 24 цагийн хугацаанд 2673 хүн эдгэрлээ. Коронавирусийн халдварын улмаас 5 хүн нас барлаа. Ингэснээр халдварын улмаас нийт нас барсан хүний тоо 660 болж байна"
Өнөөдөр Улаанбаатар хотод суурин 24 цэгт 39 багийн 271 эмч, ажилтан ажиллаж, 3270 иргэнийг дархлаажуулахаар төлөвлөлөө. Дархлаажуулалтын цэгүүдийг дүүрэг тус бүрээр танилцуулж байна.
Завхан аймгийн Цэцэн-Уул сумын Жаргалант багийн “Жаргалант-Уул” гэдэг газар 07.08-ны өдрийн 20:00 цагт 3.8 магнитудын хүчтэй газар хөдлөлт болжээ. Энэ тухай мэдээллийг 20:10 цагт Одон орон геофизикийн хүрээлэнгээс Онцгой байдлын ерөнхий газарт цахим шуудангаар ирүүлсэн байна.
УИХ-ын хаврын чуулган хаалтаа хийсэн. Хаврын чуулганаар Монгол Улсын 2021 оны төсвийн тодотгол баталсан. Цар тахлын халдвараас урьдчилан сэргийлэх, нийгэм, эдийн засгийн талаар авах арга хэмжэний хүрээнд хүүхэд бүрт сар бүр олгож байгаа 100 мянган төгрөгийг үргэлжлүүлэн олгохоор болсон билээ.
Дархлаажуулалтын цэгүүд 7 сарын 11-13-нд ажиллахгүй. 7 сарын 17, 18-нд 10.00-15.00 цагийн хооронд ажиллана. Бусад өдөр төлөвлөлтийн дагуу хэвийн ажиллана.
-Манай байгууллага Хонхтой цэцэрлэгт хүрээлэнгийн тохижилтын ажлыг хийсэн. Цаашид бүтээн байгуулалтын ажлыг хариуцаж байгаа. Өнгөрсөн гуравдугаар сард бид усан оргилуурын усыг юүлж, хогийг цэвэрлэн, хэвийн ажиллагааг ханган долоо хоног ажиллуулсан. Коронавирусийн тархалт нэмэгдэж, олон хүн цуглуулахгүй гэсэн шийдвэртэй холбогдуулан усан оргилуурын үйл ажиллагааг түр хугацаанд зогсоосон юм. 3.7 тэрбум төгрөгөөр засвар, үйлчилгээ хийж байгаа гэдэг нь ташаа мэдээлэл. Бид өчигдөр буюу долдугаар сарын 7-ны өдрөөс эхлэн хэвийн үйл ажиллагааг хангаж, хуваарь гарган ажиллуулж байна. Усан оргилуур ажлын өдрүүдэд 12:00-13:30, 16:00-18:00, 20:00-22:00 цагт, бямба, ням гарагт ээлжилж ажиллахаар хуваарь баталсан. Амралтын өдөр 23:00 цаг хүртэл ажиллуулахаар төлөвлөж байна.