АНУ Украинд үзүүлэх ээлжит цэргийн тусламжийн багцынхаа талаар зарлалаа. Энэ удаад хагас тэрбум долларын тусламж үзүүлэх бөгөөд тусламжид 55 хуягт машин, пуужин, сум зэрэг багтаж байгаа талаар ВВС мэдээлжээ.
Өнгөрсөн долоо хоногт Орост зэвсэгт бослого гаргахыг завдсан Вагнер хувийн цэргийн компанийн эзэн Евгений Пригожин Лукашенкотой хэлэлцсэний эцэст бослогоо зогсоон, өөрсдөө Беларусь явахаар болсон. Вагнер хувийн цэргийн компани Беларусьт ийнхүү очсон нь аюултай тул НАТО шийдэмгий хариу өгөх ёстой гэж Польшийн Ерөнхийлөгч Анжей Дуда мэдэгджээ.
АНУ-ын Дорнод эрэгт 1000 гаруй нислэгийг цуцалжээ. Энэ нь тус бүс нутагт хүчтэй аадар орж, хэт халуун өдөр тохиож байгаатай холбоотой гэж NBC суваг мээдэлсэн байна.
Францын нийслэл Парис хотын дагуул хот болох Нантерд өсвөр насны хүүг цагдаагийнхан хөнөөсний дараа эмх замбараагүй байдал дэгджээ. Энэ талаар Францын хэвлэлүүд мэдээлсэн байна.
Орос болон Германы хэвлэлүүдэд мэдээлснээр, Евгений Пригожин 1980-аад онд хулгай, хүүхдийг биеэ үнэлэлтэд уруу татсан, айлган сүрдүүлсэн хэргээр ял эдлэж байсан аж. Харин 1990-ээд онд зоогийн газрын бизнест хөл тавьж, Кремлийн ихэс дээдсүүд тэр дундаа Владимир Путинд зориулсан арга хэмжээг зохион байгуулж байжээ.
Колизейн Флавиев амфитеатрын ханан дээр нэгэн эр зугаацан, нэрээ сийлжээ. Энэ хэргийн дараа Италийн Соёлын сайд Женнаро Санжулино жуулчныг нэн даруй олж саатуулахыг цагдаагийнханд уриалсан байна.
Италийн Кьожийн дунд сургуульд ажилд орсноосоо хойш 24 жилийн хугацааны 20 жилд нь ажлаа тасалсан багш эмэгтэйг ажлаас нь халжээ. Харин халагдсан багш шүүхэд зарга мэдүүлсэн талаар NewsItaly24 мэдээлсэн байна.
Лян анх байгалийн шинжлэх ухааны факультетад элсэн орох хүсэлтэй байсан аж. Гэвч түүний оролдлого удаа дараа бүтэлгүйтсэн тул урлаг, хүмүүнлэгийн ухааны факультетад хүч үзэхээр шийджээ. Энэ нь арай хялбар байна гэж тэр бодсон ч мөн л бүтэлгүйтсэн байна. 2021 онд Лян гаокао шалгалт өгч, 521 онооноос 403 оноо авсан бол энэ удаад 424 оноо авчээ.
Эх сурвалжийн мэдээлснээр, БНХАУ-д эх оронч медиаконтент хөгжүүлэх тухай хуулийн төслийг Бүх Хятадын Ардын төлөөлөгчдийн хурлын Байнгын хороонд өргөн барьсан гэнэ. Энэ хуулийн төслийг бүрэн эхээр нь олонд танилцуулаагүй ч энэ нь интернет инфлүнсэрүүдтэй холбоотой гэж Хятадын хэвлэлүүд мэдээлжээ.
Хятадын олон бүс нутагт хэт халуун өдрүүд үргэлжилж байгаатай холбоотойгоор тус улсын Үндэсний цаг уур судлалын төв даваа гарагт шар түвшний түгшүүр зарлажээ. Энэ талаар Синхуа мэдээлсэн байна.
Сонинд мэдээлснээр, 1981 онд поло тоглолтын үеэр Диана гүнж өмсөж байсан улаан ноосон цамцыг дуудлагаар худалдаалах аж. Энэ цамцан дээр олон цагаан хонин дунд ганцхан хар хонь дүрслэгдсэн байдаг гэнэ.
Канадад тавдугаар сарын сүүлээр тус улсын шинэ үеийн түүхэн дэх хамгийн их нүүлгэн шилжүүлэлтийг хийж, ойн түймрийн улмаас 18 мянган хүнийг нүүлгэж байлаа. Харин зургадугаар сарын эхээр 30 мянган хүнийг байгалийн гамшгийн бүсээс нүүлгэж байв. Энэ үед Канадын түймрийн утаа Нью-Йоркийг бүрэж байсан юм.
Арабын Нэгдсэн Эмират Улсын хойд хэсэгт байх Ажман хотод тэнгэр баганадсан өндөр барилгад гал гарчээ. Энэ барилгад орон сууцнууд байдаг талаар "Имарат аль-яум" суваг мэдээлсэн байна.
Хорьдугаар зуунаас Хятадын үндэсний бэлгэдэл болсон хулсны баавгай нь 2017 он хүртэл мөхөж буй амьтны төрөл зүйлд багтаж байгаад одоо "эмзэг" төрөлд багтдаг тул олон улс, тэр дундаа БНХАУ энэ төрөл зүйлийн амьтныг хамгаалж үлдэх талаар томоохон арга хэмжээ авдаг. Энэ удаад хулсны баавгайг хамгаалж үлдэх дахин нэг төвийг Хятад байгуулахаар болжээ.
АНУ-ын тэрбумтан Жеймс Краун 70 насныхаа төрсөн өдрөөр автын осолд орж амиа алджээ. Энэ осол Колорадо дахь спорт цогцолборт болсон талаар NBC суваг мэдээлсэн байна.
Атлантын тэнгисийн ёроолд байх Титаник онгоцыг үзэх аялалд Британийнх тэрбумтан, Палестины тэрбумтан хүүгийн хамт тус бүр 250 мянган доллар төлж, улмаар шумбагчийг хариуцдаг OceanGate компанийн захирал, жолооч нийлсэн нийт таван хүн шумбагч аппаратад суун далайн гүн рүү шумбаад удалгүй сураг тасарч байлаа. Эрэн хайх ажил эхлүүлж, хэд хоногийн дараа шумбагч аппарат сүйрсэн гэсэн мэдээлэл гарч байлаа.
Өнгөрсөн оны 11 дүгээр сард АНУ-ын Колорадо мужийн Колорадо-Спрингс хотод байх ижил хүйстний клубт гал нээж, олон хүний амийг хөнөөсөн хэргийн сэжигтнийг шүүх хурал зургадугаар сарын 26-ны өдөр болжээ. Энэ талаар NBC мэдээлсэн байна.
Өнгөрсөн долоо хоногийн баасан гарагаас бямба гарагийн хооронд Оросын хөлсний цэргийн компани болох "Вагнер"-ын эзэн Евгений Пригожин болон Батлан хамгаалах яамны хоорондын зөрчил туйлдаа хүрч, Пригожин "шударга ёсны марш" эхлүүлж байгаагаа зарлан, Ростовыг хяналтдаа авсан юм. Энэ бүхнийг Оросын эрх баригчид "цэргийн эргэлт хийхийг оролдсон", "эх орноосоо урвасан" явдал хэмээн үзэж байлаа.
Мөн тэрбээр энэ мэдэгдэлдээ цус урсгахаас зайлсхийхийн тулд үйл явдал эхлэх үеэс л өөрийнх нь тушаалаар арга хэмжээ авч хэрэгжүүлсэн гэдгийг онцлоод, нэгнээ хөнөөж, цус урсгах шийд гаргаагүй хүмүүс ч Вагнерын дунд байсныг цохон тэмдэглэсэн байна. Түүнчлэн энэ бослогод оролцсон хүмүүст сонголт өгч байгаагаа мэдэгдлээ.
Тодруулбал, РИА Новости агентлагийн мэдээлснээр, зэвсэгт бослого зохион байгуулсантай холбоотойгоор Евгений Пригожиний эсрэг үүсгэсэн эрүүгийн хэргийг хаагаагүй гэж Оросын Ерөнхий прокурорын газар мэдэгджээ. ОХУ-ын Эрүүгийн хуулийн 279 дүгээр зүйлд зааснаар зэвсэгт бослого зохион байгуулсан, зэвсэгт бослогод идэвхтэй оролцсон этгээдэд 12-20 жилийн ял оноодог байна. Ялаа биеэр эдлээд суллагдсаны дараа дахин хоёр хүртэлх жилийн хугацаагаар тэнсэн харгалзах ял эдэлдэг аж.