Хоёрдугаар сарын зургаанд Турк, Сирид болсон хүчтэй газар хөдлөлтийн улмаас олон мянган барилга байшин сүйрч, хүмүүс нурангинд дарагдаж амиа алдсан юм. Сүүлийн үеийн мэдээллээр, газар хөдлөлтийн улмаас Туркэд амиа алдсан хүний тоо 41 мянгыг давжээ.
Хойд Солонгосын удирдагч Ким Жон Уны дүү, Солонгосын Хөдөлмөрийн намын Төв хорооны хэлтсийн орлогч дарга Ким Ё Жон АНУ-ын үйлдлийн хариуд Номхон далай чиглэсэн пуужин харвах ажиллагаагаа идэвхжүүлж болзошгүй хэмээн мэдэгджээ. Энэ талаар Солонгосын цахим мэдээллийн төв агентлаг мэдээлсэн байна.
Хойд Солонгос ийнхүү пуужин харвасантай холбоотойгоор Японы Сайд нарын танхим БНАСАУ-д шийдэмгий эсэргүүцэл илэрхийлсэн байна. Энэ талаар Японы Засгийн газрын мэдэгдлээс иш татан Kyodo агентлаг мэдээлжээ.
БНАСАУ-ын талаас хэд хэдэн баллистик пуужин харвасан талаар Өмнөд Солонгос болон Япон улс мэдэгдлээ. Эдгээр пуужингууд нь усанд унасан гэж Ёнхап агентлаг мэдээлсэн байна.
Үйлчилгээг авч, хаягаа баталгаажуулсны дараа хэрэглэгчийн хаяг, хэрэглэгчийн нэр, төрсөн огноо болон гэрэл зургийг дахин шалгуулахаас нааш өөрчлөх боломжгүй гэнэ. Мета компанийн мэдээлснээр, хэдийнэ баталгаажсан хаягууд ийм үйлчилгээ авах шаардлагагүй, түүнчлэн байгууллагын хаягуудад энэ баталгаажуулалт хамаарахгүй юм байна.
Өнгөрсөн онд, тэр дундаа дайн эхэлсний дараахан буюу гуравдугаар сард Орос болон Европын орнууд харилцан дипломат ажилтнуудыг хөөсөн юм. 2022 онд дэлхийн улс орнууд Оросын 580 дипломатыг хөөсөн бол Орос улс гадаад улс орнуудын 302 дипломат ажилтныг эх орон руу нь буцаажээ.
Мэргэжлийн кикбоксчин Мухаммед Дурсун өнгөрсөн онд Босни Герцеговинд болсон олон улсын аварга шалгаруулах тэмцээнд ялалт байгуулсан. Тэрбээр энэ ялалтыг байгуулснаар "Алтан бээлий"-н эзэн болсон юм.
Хоёрдугаар сарын зургаанд шилжих шөнө Туркийн Кахраманмарашд голомттой хүчтэй газар хөдлөлт болсны улмаас Турк, Сирид олон мянган барилга байшин нурж, амиа алдсан хүний тоо 42 мянгыг даваад байгаа юм.
Жишээ нь автомат хуримтлалын хадгаламжийг сонгож болно. Өнөөдөр Монголд хэд хэдэн банк ийм үйлчилгээ санал болгодог. Та банкныхаа дансыг автомат хуримтлал үйлчилгээнд бүртгүүлж, хичнээн хэмжээний төгрөг өдөр, долоо хоног, сард татуулахаа тохируулснаар та мартсан ч данснаас тань шууд татагдсанаар хуримтлал үүсэх боломжтой.
Латвийн парламент хоёрдугаар сарын 16-ны өдөр Украины хүн амыг дэмжих тухай хуульд нэмэлт өөрчлөлт оруулжээ. Ингэснээр төрийн өмчид хамаарах автомашиныг Украины засгийн газарт шилжүүлэх боломжтой болсон гэж РБК мэдээлсэн байна.
БНХАУ Тайваньд зэвсэг зарсантай холбоотойгоор Америкийн компаниудын эсрэг хориг тавьжээ. Энэ талаар South China Morning Post сонин мэдээлсэн байна.
Тухайн үед газар хөдлөлтийн улмаас нэг ч байшин нь нураагүй, нэг ч хүн хохироогүй ганцхан хот байсан нь Тавшанжил хот аж. Измитийн эрэг дээр байх 4,5 мянган хүн амтай энэ хотын дарга Салих Гюн хууль бусаар орон сууц болон бусад барилга барихыг таслан зогсоосон тул ийнхүү байгалийн гамшгийг давж чадсан гэж тухайн үеийн хэвлэлүүд мэдээлж байжээ.
Энэтхэгийн далайн өмнөд хэсэгт Орос, Хятад, ӨАБНУ-ын хамтарсан хоёр дахь цэргийн сургуулилалт эхэлжээ. Энэ талаар ӨАБНУ-ын Батлан хамгаалах яамнаас авсан эх сурвалжтайгаар ТАСС мэдээлсэн байна.
Их Британийн зоосны урлан Харри Поттерын тухай цуврал дээр гардаг Хогвардс сургуулийн захирал Альбус Дамблдорын дүрс бүхий зоос гаргажээ. Энэ зоосны нөгөө талд III Чарльз хааны хөргийг байршуулсан байна.
Эх сурвалжийн мэдээлснээр, Украин дахь Оросын түрэмгийллийг Словакийн Парламент буруутгаж, "энгийн ард иргэд, иргэний объектууд болон эрчим хүчний гол дэд бүтцүүд рүү довтолж байгаа нь байж болшгүй хэрэг" хэмээн үзсэн байна. Түүнчлэн Оросын зүгээс цөмийн зэвсэг ашиглах талаар шууд болон дам байдлаар сүрдүүлж байгааг буруутгажээ.
Туркэд газар хөдлөлтийн улмаас хохирсон хүмүүст хүмүүлэгийн тусламж үзүүлэхийн тулд нэг тэрбум ам.доллар цуглуулах уриалгыг НҮБ-ын Ерөнхий нарийн бичгийн дарга Антониу Гутерриш гаргажээ. Түүний өгүүлснээр, энэ хэмжээний мөнгө 5,2 сая хүнд гурван сарын хугацаанд тусламж үзүүлэх, Турк дэх хүмүүнлэгийн байгууллагуудын үйл ажиллагааг эрчимжүүлэхэд хүрэлцэх гэнэ.
Португалийн Засгийн газар цаашид "алтан виз" олгохгүй гэж тус улсын Ерөнхий сайд Антониу Кошта мэдэгджээ. Энэ шийдвэрийн талаар хоёрдугаар сарын 16-нд болсон сайд нарын зөвлөлийн хурлын дараа тэрбээр мэдэгдсэн гэж Коммерсант мэдээлсэн байна.
Франц даяар ажил хаялт, эсэргүүцлийн ажиллагаа үргэлжилсээр байна. Пүрэв гарагт эсэргүүцэгчид хогны савнуудыг шатаан эсэргүүцлээ илэрхийлсэн гэж МИР24 телевиз мэдээлжээ.
БНХАУ дэлхийн 58 орон руу хийх нислэгийн чиглэлүүдийг сэргээжээ. Одоо Хятад болон гадаадын нийт 98 компани нийт 795 нислэг үйлдэж байгаа гэж Жэнминь жибао сонин мэдээлжээ.
Турк, Сирид газар хөдлөлт болсноос 10 өдөр хэдийнэ өнгөрөөд байна. Сирид эрэн хайх аврах ажиллагааг мягмар гарагт дуусгасан бол газар хөдлөлтөөр илүүтэй хохирсон Турк улсын Ерөнхийлөгч Режеп Тайип Эрдоган "сүүлчийн амьд хүнийг олох хүртэл эрэн хайх ажиллагааг зогсоохгүй" гэж мэдэгдсэний дагуу эрэн хайх, аврах ажиллагаа үргэлжилсээр байна.