Хятадад үйлдвэрлэсэн С919 зорчигч тээврийн онгоц энэ оны гуравдугаар сараас эхлэн тогтмол нислэг үйлдэх төлөвлөгөөтэй байгаа аж. Энэ талаар холбогдох албанаас авсан эх сурвалжтайгаар SCMP сонин мэдээлжээ.
Барууны орнууд Украинд хуягт техник нийлүүлэхээр болсны дараа Украины тал байлдааны онгоц шаардлагатай байгаа талаар удаа дараа мэдэгдэж, энэ асуудлыг Украинд дэмжлэг үзүүлэгч орнууд хэлэлцэх болсон юм. Гэсэн ч АНУ Украин руу байлдааны онгоц нийлүүлэхгүй байхаар шийджээ.
Пакистаны тусгай албаны төлөөлөгчдийн өгүүлснээр мөргөл үйлдэж байсан хүмүүсийн эхний эгнээнд амиа золиослогч байсан бөгөөд мөргөлийн үеэр өөрийгөө дэлбэлсэн байна. Одоогоор энэ хэргийн хариуцлагыг нэг ч бүлэглэл өөр дээрээ хүлээгээгүй байгаа юм.
Сайн дурын цэрэг 4, 8, 12 сарын хугацаагаар гэрээ байгуулж, гэрээ байгуулсныхаа маргааш нь л албандаа орох үүрэгтэй гэж тушаалын төсөлд тусгажээ. Батлан хамгаалахын сайдын тушаалаар сайн дурын цэргийг хувцас хэрэглэл, хүнс, буудах зэвсгээр хангах юм байна. Гэрээнд заасны дагуу "ямар ч үед" сайн дурын цэрэг командлагчийн тушаалаар үүргээ биелүүлэх ёстой, мөн алба хаах хугацаанд нь өөр нэгтгэл рүү өөр албан тушаалд томилж болох аж.
Амстердам хотод Хотын төв галт тэрэгний буудлын ойролцоо асар том дугуйны зогсоол нээжээ. Энэ нь усан дор байрладаг гэдгээрээ онцлогтой бөгөөд зогсоол 11 мянган дугуй багтаах эзлэхүүнтэй гэж МИР24 мэдээлсэн байна.
Арменид эмэгтэйчүүд армид сайн дураар хугацаат цэргийн алба хаадаг болох журмыг нэвтрүүлэхээр төлөвлөж байгаа гэнэ. Шинэчлэлийг ойрын үед хийнэ гэж Арменийн Ерөнхий сайд Никол Пашинян мэдэгдсэнийг РБК дамжуулсан байна.
АНУ болон барууны зарим орон Украинд байлдааны үндсэн танк өгөхөөр шийдсэний дараа Украины тал өөр зэвсэг хүссэн байна. Украинд онгоц, пуужин хэрэгтэй байгаа гэж тус улсын Батлан хамгаалахын сайд Алексей Резников мэдэгджээ.
БНХАУ-ын Коммунист намын Төв хорооны Гадаад харилцааны комиссын хэрэг эрхлэх газрын тэргүүн Ван И Москвад айлчилна гэж Ведомости мэдээлжээ. Энэ айлчлал хоёрдугаар сарын 20-оор болно гэж эх сурвалж мэдээлсэн бөгөөд айлчлалын товын талаарх тодорхой мэдээлэл гараагүй байгаа аж.
Чехийн Ерөнхийлөгчийн сонгуулийн хоёр дахь шат нэгдүгээр сарын 28-ны өдөр өндөрлөсөн юм. Хоёрдугаар шатны санал хураалтын дүнгээр, НАТО-ын Цэргийн хорооны дарга асан, бэлтгэл генерал Петр Павел ялалт байгуулсан. Тэрбээр сонгогчдын 58 хувийн санал авсан байна.
Цагдаагийнхан Николсыг хэрхэн зодож байгааг харуулсан дүрс бичлэг ил болсны дараа Мемфис хотод эсэргүүцлийн жагсаал болсон байна. Түүнчлэн Нью-Йорк хотод ч эсэргүүцлийн ажиллагаа болж, энэ үеэр цагдаагийн машиныг эвдэлсэн гурван хүн баривчлагджээ. Харин Атланта, Вашингтон, Сакраменто зэрэг хотуудад болсон эсэргүүцлийн жагсаал тайван болж өнгөрсөн байна.
Newsweek сонины бичсэнээр, Орос, Хятадаас титан авахын оронд Украинаас авдаг болох боломжийг судлахыг Төрийн департаментад санал болгосон хуулийн төслийг 2022 онд АНУ-д боловсруулсан байна. Титан нь АНУ-д эдийн засаг болон үндэсний аюулгүй байдлыг хангах 35 ашигт малтмалын жагсаалтад багтдаг, мөн АНУ энэ металлын хэрэгцээнийхээ 90 хувийг гадаад улс орнуудаас худалдан авдаг аж.
Нэгдүгээр сарын 27-ны өдрийн халдлагын дараа Иран дахь Азербайжаны Элчин сайдын яам үйл ажиллагаагаа бүрэн зогсоохоор болжээ. Энэ талаар Азербайжаны Гадаад хэргийн яамнаас авсан эх сурвалжтайгаар МИР24 суваг мэдээлсэн байна.
Газар хөдлөлтийн голомтын гүн нь 50 километр, голомт нь 260 мянган хүн амтай Арал хотоос 106 километр зайд байрлаж байсан аж. Энэ үеэр хүн гэмтэж бэртсэн болон байшин барилга нурсан талаарх мэдээлэл гараагүй байна.
Өмнө нь Аль Арабия сувагт мэдээлэл өгсөн эх сурвалжууд Иран дахь довтолгооны ард АНУ болон өөр нэг улс байгаа хэмээж байв. Америкийн The Wall Street Journal сонины эх сурвалжуудын мэдээллээр халдлагын ард Израиль байгаа гэнэ.
Энэ сарын дундуур Оросын арми өргөн цар хүрээтэй пуужингийн довтолгоо хийсний улмаас нэг пуужин Днеприйн орон сууцны барилгыг сүйрүүлж, олон хүн амиа алдсан харамсалтай хэрэг гарсан. Ням гарагт дахин нэг пуужин орон сууцны барилга оносон талаар Украины эрх баригчид мэдэгджээ.
Нэгдүгээр сарын 30-ны өдөр Ирантай холбоотой дахин нэг халдлага болсон байна. Al-Hadath болон AFP агентлагуудын мээдэлснээр, Иракаас Сири рүү хилээр нэвтэрсэн Ираны ачааны машины цуваа руу үл мэдэгдэх онгоцнуудаас гал нээжээ. Энэ хэрэг Бу-Кемаль хилийн шалган нэвтрүүлэх цэг дээр болсон байна.
Петр Павел бол бэлтгэл генерал, Чех болон хуучин Зөвлөлтийн бүрэлдэхүүнд байсан орнуудын түүхэн дэх хамгийн анхны НАТО-ын Цэргийн хорооны дарга болсон хүн юм. Тэрбээр энэ албагы 2015-2018 онуудад хашиж байв.
Талибан хөдөлгөөн Афганистаны төрийн эрхэнд гарснаас хойш хүний эрх тэр дундаа эмэгтэйчүүдийн эрхийг ихээхэн боомилсон шийдвэр гаргасаар байгаа юм. Төрийн эрхэнд гарсан даруйдаа охидын сургуулийг хааж, эмэгтэйчүүдийг ажиллахыг хориглож, эмэгтэй оюутнуудыг хичээлд нь суулгахгүй байх шийдвэр гаргаж байсан талибууд энэ удаад хувийн сургуулиудыг эмэгтэй оюутан элсүүлэхийг хоригложээ.
Өнгөрсөн оны намар түүнийг улс төрийн шалтгаанаар Монгол руу цагаачилсан гэх мэдээлэл Оросын хэвлэлүүдээр гарч байлаа. Тэрбээр АНУ-ын иргэншилтэй бөгөөд Пенсильвани мужид цагаач халимагуудын гэрт төржээ.
Иран улс Оростой батлан хамгаалахын салбар дахь хамтын ажиллагаагаа гүнзгийрүүлж байгаа зэрэг "байдлыг тогтворгүйжүүлэх" алхам хийж байгааг сөрөн зогсох асуудлыг Израиль, Америкийн тал хэлэлцэж байгаа үед энэ халдлага болсон нь олны анхаарлыг ихээхэн татаж байна. Өнгөрсөн долоо хоногт АНУ-ын Тагнуулын төв газрын захирал Уильям Бернс Израильд гэнэтийн айлчлал хийсэн бол Америкийн Төрийн нарийн бичгийн дарга Энтони Блинкен Иран болон бүс нутгийн бусад асуудлаарх Америк, Израилийн хэлэлцээг үргэлжлүүлэхээр нэгдүгээр сарын 30-ны өдөр Израильд айлчлах юм.