Эл өдөр гэмт хэрэг илрүүлэх, гэм буруутныг шийтгэх, лусыг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, сэтгэлд сэвтэй газарт очиход муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эрч, хүч нэмнэ хэмээжээ.
Нийслэлийн Засаг дарга бөгөөд Улаанбаатар хотын Захирагч Д.Сумъяабазар наймдугаар сарын 3-нд болсон НОК-ын хурлаар “Алтан намар” төмс, хүнсний ногооны үзэсгэлэн худалдааг зохион байгуулах үүргийг холбогдох албаныханд өгсөн.
Ерөнхий сайд Л.Оюун-Эрдэнэ, Эрчим хүчний сайд Н.Тавинбэх болон Нийслэлийн Засаг дарга бөгөөд Улаанбаатар хотын Захирагч Д.Сумъяабазар нар “Таван толгой түлш” ХХК-ийн Баруун бүсийн үйлдвэрт ажиллалаа. Өвөлжилтийн бэлтгэл ажлын хүрээнд Баруун болон Зүүн бүсийн үйлдвэр нийт 582 мянган тонн орчим сайжруулсан шахмал түлш үйлдвэрлэхээр төлөвлөжээ.
Элсэлтийн ерөнхий шалгалт эхлэхэд гурав хоног үлдлээ. Тодруулбал, энэ жилийн элсэлтийн ерөнхий шалгалт долдугаар сарын 01-04-ний өдрүүдэд зохион байгуулагдах төлөвлөгөөтэй байсан ч цар тахлын улмаас хойшлуулсан. Ингээд наймдугаар сарын 19-22-ны өдрүүдэд шалгалтын зохион байгуулахаар болсон. Шалгалтын үеэр халдварын улмаас тусгаарлалтад байгаа сурагчдыг есдүгээр сарын 2-5-ны өдрүүдэд дахин ЭЕШ-д хамруулахаар болсон. Ингэхдээ эмчийн магадлагааг үндэслэнэ.
Хэнтий аймгийн Чингис хаан хотын Цэвэрлэх байгууламжийн барилга угсралтын ажил дууслаа.
Дархан-Уул аймгийн Онцгой комиссын хуралданаар шинэ ургацын ногоог хүссэн газраа худалдаалах шийдвэр гаргажээ. Тодруубал, тус аймагт шинэ ургацын ногоо, мах, сүү цагаан идээг 11 дүгээр сарын 1 хүртэл хүссэн газраа худалдаалах боломжтой гэнэ. Ингэхдээ халдвар хамгааллын дэглэмээ баримтлан ногоон байгууламж, нийтийн зам талбайг сүйтгэхгүй, хог тарихгүй байх шаардлагатай аж.
Наймдугаар сарын 14-нд Улаанбаатарт шинжилгээний гурван цэгт 15 эмч, ажилтан, Тандалт, хариу арга хэмжээний 56 багт 224 эмч, ажилтан 56 тээврийн хэрэгсэлтэй ажиллажээ. Мөн явуулын амбулаторийн үйлчилгээг 4 эмч, ажилтан 2 автобусаар үзүүлж, дархлаажуулалтын суурин 36 цэгт 300 эмч, ажилтан ажилласан аж.
Дүүрэгт хийж байгаа ажлууд болон цаг үеийн нөхцөл байдлын талаар Хан-Уул дүүргийн Засаг дарга Ж.Алдаржавхлан танилцууллаа. Тухайлбал, дүүргийн хэмжээнд вакцинд хамрагдалт 80 хувьтай байгаа бөгөөд 17.000 хүүхэд дархлаажуулалтад хамрагдахаас 12.500 хүүхэд хамрагджээ.
"Орон нутагт өвчлөл буурахгүй байна. Нийтийг хамарсан арга хэмжээ болгоныг дараа халдварын тохиолдол нэмэгдэж байна. Хичээл сургууль эхлэхэд улам хүндрэлтэй нөхцөл байдал үүснэ шүү. Дельта орон нутагт тархсан байна"
Энэ өдөр шинээр 1061 тохиолдол бүртгэгджээ. Шинээр батлагдсан тохиолдлын 282 нь Улаанбаатар хотод, 779 нь орон нутагт, байна. Мөн хугацаанд халдварын улмаас дөрвөн хүн нас баржээ. Түүнчлэн сүүлийн 24 цагийн хугацаанд 1674 хүн эдгэрлээ.
Өнөөдөр баруун аймгуудын нутгаар, 17-нд нутгийн баруун хагаст үргэлжилсэн бороо орж, зарим газраар ахиухан хэмжээний бороо орохыг анхааруулж байна.
Засгийн газрын ээлжит хуралдаанаар намрын ургац хураалтад их дээд сургууль, мэргэжлийн сургалт үйлдвэрлэлийн төвийн оюутан, залуучууд сонсогч, цэргийн алба хаагчид, ажлын байр хайж буй иргэдийг хамруулахаар шийдвэрлэсэн. Ингэхдээ ургац хураалтын ажилд оролцох иргэдийг үнэ хөлсгүй ажиллуулахгүй бөгөөд аж ахуй нэгжүүдтэй хөдөлмөрийн гэрээ байгуулж, өдөрт дунджаар 50 орчим мянган төгрөгийн цалин урамшууллаар ажиллуулах гэнэ.
2021-2022 оны хичээлийн жилд төрийн өмчийн сургуулийн нэгдүгээр ангийн элсэлтийн бүртгэлийг улсын хэмжээнд цахимаар зохион байгуулахаар болсон.Нэгдүгээр ангийн цахим бүртгэлд 2015 оны нэгдүгээр сарын 01-нээс 2015 оны арванхоёрдугаар сарын 31-ний хооронд төрсөн хүүхэд хамрагдах боломжтой.
Өнөөдөр буюу наймдугаар сарын 16-нд 512 бөх зодоглоно. Тодруулбал, Монгол улсад залуучуудын байгууллага үүсэж хөгжсөний 100 жил, Монголын Үндэсний Бөхийн Холбооны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан бөхийн барилдаан өнөөдөр болно.
Өнөөдөр Улаанбаатар хотод суурин 39 цэгт 47 багийн 324 эмч, ажилтан ажиллаж, 4969 иргэнийг дархлаажуулахаар төлөвлөлөө. Дархлаажуулалтын цэгүүдийг дүүрэг тус бүрээр танилцуулж байна.
Мөн сүүлийн долоо хоногт Ховд аймагт 100-аас дээш тохиолдол бүртгэгдэж эхэлсэн. Ховд аймгийн хувьд даншиг наадам болсон. Энэ нь халдвар нэмэгдэхэд нөлөөлж буйг үгүйсгэхгүй. Бая-Өлгий аймаг вакцинжуулалтын хувьд бага хувьтай байна. Мөн Дархан-Уул аймагт анхаарал хандуулах хэрэгтэй. Бусад аймгуудын нөхцөл байдал харьцангуй тогтвортой байгаа” гэж мэдээлсэн.
Баянбүрдийн тойргийн замыг өнөөдөр шөнийн 23.00 цагаас хаана.
Зүүн дөрвөн замын уулзварын шинэчлэлтийн ажлын хүрээнд авто замын хөдөлгөөнийг наймдугаар сарын 16-ны 06:00 цагт нээхээр төлөвлөн ажиллаж байсан.
Баянбүрдийн тойргийн авто замд 11.500 ам метр асфальт бетон хучилт болон хэвтээ тэмдэглэгээний ажил хийхтэй холбоотойгоор тойрог орчмын хөдөлгөөнийг хэсэгчлэн хаахаар болсон.
Нийслэлийн есөн дүүргийн 24 байршилд төмс, хүнсний ногооны үзэсгэлэн худалдаа зохион байгуулахаар ажиллаж байна. Тодруулбал, Сүхбаатар дүүрэгт зургаа, Хан-Уулд дөрөв, Сонгинохайрхан, Баянзүрх дүүрэгт тус бүр гурав, Баянгол, Чингэлтэй, Багахангай дүүрэгт тус бүр хоёр, Багануур, Налайх дүүрэгт тус бүр нэг цэг нээхээр төлөвлөсөн.