Тусгай үүргийн онгоц Истанбулыг зорилоо
Улсын онцгой комиссын шийдвэрийн дагуу Туркийн Истанбул хотоос иргэдээ татаж авах тусгай үүргийн онгоц өнөөдөр 06:30 цагт “Чингис хаан” олон улсын нисэх буудлаас хөөрлөө.
Ж.Батбаясгалан: Орон сууцжуулах төсөл хөтөлбөрүүдийн үр дүнд иргэд өмчтэй болно
Тэрбээр “Улаанбаатар хотод шинээр баригдах орон сууцны хороолол бүрийг цэцэрлэг, сургууль, ногоон байгууламж, төрийн үйлчилгээтэй, явган хүн, дугуйн замтай иж бүрэн цогц шийдэлтэй байх ёстой. Нийслэлээс хэрэгжүүлж байгаа орон сууцжуулах төсөл хөтөлбөрүүдийн үр дүнд иргэд өмчтэй болох ёстой. Агаар, хөрсний бохирдлыг бууруулахын тулд орон сууцжуулах хөтөлбөрийг иргэдийн амьжиргаанд тулгуурлаж маш оновчтой байдлаар зохион байгуулах болно. Урьдчилгаагүй иргэдэд түрээслээд өмчлөх хэлбэрээр, эзэмшиж буй газраа орон сууцаар шууд солих зэргээр шат дараалж хэрэгжүүлж эхэлсэн. Цаашид боломжтой бүх хувилбарыг судалж, орон сууцжуулах төсөл үргэлжилнэ” гэв.
Гадаадад гацсан иргэдийн ар гэрийн төлөөлөл мэдээлнэ
11.30 цагт Зууны мэдээ сонины "Үндэсний мэдээллийн төв"-д Хилийн чанад дахь Монголчуудын зөвлөл ТББ болон гадаадад гацсан иргэдийн ар гэрийн төлөөллөөс Гадаадад гацсан Монголчуудын байдал хурцдаж байгаа тухай мэдээлнэ.
“Коронавируст халдварын цар тахлын үед хүүхдийн зуслан ажиллуулах түр журам” батлагджээ
Коронавируст цар тахлын үед ажиллах хүүхдийн зуслангийн үйл ажиллагааны чиглэл, эрүүл ахуй, халдварын сэргийлэлт, хяналтын үйл ажиллагаа, амрагч, байгууллага болон ажилтны хүлээх үүрэг, хариуцлагатай холбоотой харилцааг зохицуулах зорилгоор “Коронавируст халдварын цар тахлын үед хүүхдийн зуслан ажиллуулах түр журам”-ыг батлууллаа.
Сөүл-Улаанбаатар чиглэлийн нислэгээр 258 хүн эх орондоо ирлээ
Сөүл-Улаанбаатар чиглэлийн тусгай үүргийн онгоц 18.05 цагт “Чингис” хаан олон улсын нисэх буудалд газардлаа.
БҮТ: Өмнөх оны төгсөгчдийн батламжийг өнөөдрөөс эхэлж тараана
Улаанбаатар хотын 2020 онд төгссөн шалгуулагчид ЭЕШ-ын дүнгийн батламж хуудсыг өөрийн төгссөн сургуулийн захиргаанаас хүлээн авна. Орон нутгийн шалгуулагчид ЭЕШ-ын дүнгийн батламж хуудсыг тухайн аймгийн Боловсрол, соёл, урлагийн газрын ЭЕШ хариуцсан ажилтнаас авна. Улаанбаатар хотод шалгалт өгсөн өмнөх онд төгссөн шалгуулагчид ЭЕШ-ын дүнгийн "Батламж хуудас"-ыг БҮТ-ийн олон нийттэй харилцах ажилтнаас өнөөдөр буюу 2020 оны 07 дугаар сарын 09-ний өдрөөс эхлэн авах боломжтой юм байна.
ДЭМБ-аас хувийн хамгаалах хэрэгсэл гардуулна
Өнөөдөр НҮБ-ын Монгол дахь Суурин зохицуулагч Тапан Мишра, Дэлхийн Эрүүл Мэндийн Байгууллагын /ДЭМБ/ Монгол дахь Суурин төлөөлөгч Др Сергей Диордица нар Онцгой байдлын ерөнхий газрын тэргүүн дэд дарга бөгөөд штабын дарга, бригадын генерал Г.Ариунбуянд хувийн хамгаалах хэрэгсэл болон компьютерийн тоног төхөөрөмжийг хүлээлгэн өгнө.
Дохио!!! Цаг агаарын аюултай үзэгдлээс сэрэмжлүүлж байна
Өнөөдөр Төв аймгийн нутаг, Булганы өмнөд, Өвөрхангайн хойд хэсгээр их бороо орно.
Үс засуулбал сайн нөхөртэй учирна
Билгийн тооллын XVII жарны "Хотолыг баригч" хэмээх Шороон хулгана жилийн зуны дунд хар морин сарын Билгийн тооллын 19.
Ж.Амгалан: Хурдан морины уралдааны үеэр Улаанбаатар хотоос гарах хөдөлгөөнийг хаана
Цагдаагийн байгууллага улсын их баяр наадам болбол хэрхэн ажиллах тухай судалгаа гаргаж, Улсын Онцгой комисст танилцуулсан. Хэрэв Хүй долоо худагт нэгдсэн байдлаар тэмдэглэвэл 800 бөх, хурдан морь, уяач, хүүхдүүд гээд олон хүн бөөгнөрөх учраас тус тусад нь зохион байгуулахаар болсон. Түүнчлэн цэнгэлдэх хүрээлэнд болбол хотын төвд учраас халдвар дэгдэх аюултай гэж үзэн XIII зуун цогцолбор, Хүй долоо худагт болохоор болсон. XIII зуунд Үндэсний бөхийн барилдаан, сур, шагайн харваан талбай бэлэн болсон. Цогцолборт зөвхөн уралдаанд оролцох хүн л орно. Хүй долоон худагт бэлдсэн 2000 орчим автомашины зогсоолд харваач, бөхчүүд машинаа байршуулна. Маргааш хурдан морины салбар комисс хуралдаж, дахин нарийн шийдвэр гаргана. Хурдан морины уралдааны үед Улаанбаатар хотоос гарах хөдөлгөөнийг хаана. Орж байгаа хөдөлгөөн нээлттэй байна.
Төв цэвэрлэх байгууламжийн 10 ажилтанд орон сууцны батламж гардууллаа
“Ковид-19” цар тахлын энэ үед өндөржүүлсэн бэлэн байдалд ажиллаж буй алба хаагчдад түрээслээд өмчлөх орон сууцаар хангаж байгаа. Энэ хүрээнд эрсдэлтэй нөхцөлд ажилладаг Ус сувгийн удирдах газрын урьдчилан цэвэрлэх байгууламжийн 10 ажилтанд өнөөдөр орон сууцны батламж гардууллаа. Батламжийг нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан, НЗДТГ-ын дарга Ц.Уртнасан, “НОСК” ХХК-ийн захирал Б.Сүхбаатар нар гардуулан өглөө.
Онцгой байдлын алба хаагчдад шаардлагатай тусгай тоноглол бүхий автомашин хүлээлгэн өглөө
Онцгой байдлын газарт гал түймэр унтраах зориулалтын тусгай тоноглол бүхий 40 гаруй нэр төрлийн багаж хэрэгсэлтэй КАМАЗ маркийн автомашин, түймэр унтраах зориулалттай 4 дугуйт мотоцикль 3 ширхэг, ХОЛМАТРО маркийн иж бүрэн техник багаж хэрэгслийг өнөөдөр хүлээлгэн өглөө.
Сургалт, дадлага зохион байгуулах боломжтой болжээ
Дорноговь аймгийн Онцгой байдлын газрын Айраг сум дахь Гал түймэр унтраах, аврах 23 дугаар анги сургалт, дадлага зохион байгуулах “Сургалтын танхим”-ыг шинээр тохижууллаа.
Наадмын төсөв 1,6 тэрбум төгрөгийн гүйцэтгэлтэй байна
Монгол улсын 2020 оны төсвийн хуулинд баяр наадам зохион байгуулах зардлыг гурван тэрбум төгрөгөөр батласан. Баяр наадмыг есөн салбар хороо зохион байгуулдаг. Өнөөдрийн байдлаар төсөвлөсөн гурван тэрбум төгрөгөөс 1,6 тэрбум төгрөгийг зарцуулахаар гүйцэтгэл санхүүжилт нь гараад явж байна.
Түрүү бөхөд өгдөг автомашинаа нийслэлийн Эрүүл мэндийн газарт өгөхөөр “Тоёота мотор корпорац” шийдвэрлэжээ
Энэ жилийн хувьд Дэлхий даяар Ковид-19 цар тахал дэгдсэнтэй холбогдуулан, хүчит бөхийн барилдааны түрүү бөхийн нэрэмжит Тоёота маркийн HIACE автомашиныг тахлын голомтод ажиллаж, ард түмнийхээ эрүүл мэндийг сахин хамгаалж буй нийслэлийн Эрүүл мэндийн газрын хамт олонд гардуулахаар болжээ.
Д.Нарангэрэл: Энхийг сахиулагчдын эрүүл мэнд улсын нууцад хамаарна
Батлан хамгаалах яамнаас цэргүүдээ татаж авах арга хэмжээ авч байгаа. Цэргүүдийн биеийн байдал улсын нууцад хамаарах учраас мэдээлэх боломжгүй байна.
Д.Нямхүү: Нэг хүн эдгэрч, хоёр хүний шинжилгээнд коронавирус илэрлээ
ХӨСҮТ-ийн хоёр лаборатори, ЗӨСҮТ-иийн лаборатори, Дархан-Уул аймгийн лабораторид нийт 370 хүнд шинжилгээ хийлээ. Үүнээс 368 хүний шинжилгээнд коронавирус илрээгүй. Харин хоёр хүнд коронавирус илэрлээ.
Нийслэлийн эрүүл мэндийн газарт “Toyota HIACE" автомашиныг гардуулж өглөө
Хамтын ажиллагааны хүрээнд үндэсний их баяр наадмын хүчит бөхийн барилдааны түрүү бөхийн нэрэмжит 16 хүний суудалтай “Toyota HIACE" автомашиныг нийслэлийн эрүүл мэндийн газарт гардуулан өглөө.
Тусгай үүргийн онгоцоор 258 иргэн ирнэ
Сөүл-Улаанбаатар чиглэлийн тусгай үүргийн онгоц өнөөдөр 10:00 цагт Улаанбаатараас хөөрлөө.
Гал унтраах даралтын хоолой эвхэх төхөөрөмжтэй болжээ
Говь-Алтай аймгийн Онцгой байдлын газрын Гал түймэр унтраах, аврах 59 дүгээр ангийн аврагч-гал сөнөөгч, ахлах ахлагч Э.Баярсайханы санаачлагаар зөөврийн болон суурин гал унтраах даралтын хоолой эвхэх төхөөрөмжийг хийжээ.