Сирийн Ерөнхийлөгч Башар Асад Орост айлчлан, тус улсын Ерөнхийлөгч Владимир Путинтэй уулзсан юм. Энэ үеэр тэрбээр Оросын шинэ хилийг Сири улс хүлээн зөвшөөрнө, шинээр нэгдсэн нутаг нь Оросын түүхэн нутаг дэвсгэр гэж үзэж байгаагаа илэрхийлжээ.
Өмнөд Солонгос, АНУ-ын хамтарсан цэргийн сургуулилалт эхэлсний хариу болгон ойр ойрхон пуужин харвасан Хойд Солонгос энэ удаад тив алгасагч пуужин харвасан талаар Коммерсант мэдээлжээ.
Тагнуулуудыг олж илрүүлэх ажиллагаа явуулахын тулд Польшийн тагнуул, цагдаагийн албанхын өндөржүүлсэн бэлэн байдалд орон ажилласан байна. Түүнчлэн чухал дэд бүтцийн гол объектуудад хүчлэн хамгаалалт зарлажээ.
Аргентины статистикийн албаны мэдээлснээр, хоёрдугаар сард тус улсад инфляцийн түвшин 102,5 хувьд хүрчээ. Энэ нь 1990-ээд оны гиперинфляцийн үеэс хойш анх удаа тохиож байгаа өндөр үзүүлэлт бөгөөд сүүлийн жилд Аргентинд үнэ хоёр дахин өссөн байна.
Сполдингийн өгүүлснээр, гар утаснаас авсан мэдээллийг ихэвчлэн тухайн хэрэглэгчид ямар сурталчилгаа үзүүлэхийг тодорхойлохын тулд ашигладаг, гэхдээ хятадын Коммунист нам цуглуулж байгаа тохиолдолд мэдээллийг өөр зорилгоор ч ашигладаг гэнэ. Ингэснээр зарим этгээдүүд, түүнчлэн улс орон мэдээллээ, хөдөлмөрийн бүтээмжээ алдах, Хятадын компаниудын нөлөөлөлд орох эрсдэлтэй байдаг аж.
Хятадын Сиан дахь Политехникийн их сургуулийн эрдэмтэд гений инженерчлэлийн тусламжтайгаар хулганад эвэртэй төстэй зүйл ургуулжээ. Энэ технологи нь ирээдүйд хүмүүсийн хугарсан, тайруулсан яс үе мөчийг сэргээх боломж олгоно гэж Science сэтгүүл мэдээлжээ.
АНУ-ын эрдэмтэд тоос бараг татдаггүй "өөрийгөө цэвэрлэдэг" материал бүтээжээ. Судалгааны ажлыг Америкийн НАСА -аас хэрэгжүүлсэн хөтөлбөрийн хүрээнд санхүүжүүлсэн байна.
Коронавирусийн халдвар дэгдэж, цар тахал болон хүрээгээ тэлснээс хойш гурван жил орчмын хугацаанд хатуу хязгаарлалт авч хэрэгжүүлж байсан БНХАУ өнгөрсөн оны сүүлээс л хязгаарлалтуудаа цуцлан, улмаар улсын хилээ нээсэн юм. Коронавирусийн тархалтаас сэргийлэх зорилгоор авч хэрэгжүүлж байсан хязгаарлалтын ихэнхийг цуцалсан ч сургуулийн орчинд амны хаалт зүүх журам үйлчилсээр байсан аж. Харин энэ журмыг цуцалсан талаар SCMP сонин мэдээлжээ.
Орос улс нутаг руугаа 16 207 хүүхдийг хууль бусаар нүүлгэн шилжүүлсэн гэж Украины Засгийн газар мэдэгдэж байв. Эдгээрээс 2161 өнчин хүүхдийг ОХУ руу хууль бусаар нүүлгэн шилжүүлсэн нь тогтоогдсон гэж Украины шадар сайд Ирина Верещук мэдэгдсэнийг Евроньюс дамжуулжээ.
Ирэх сарын нэгнээс Орост армид алба хаах гэрээт цэргүүдийг татах ажил эхлэх гэнэ. Энэ ажлыг эхлүүлэхтэй холбоотойгоор ОХУ-ын харьяа бүс нутгуудын удирдлагуудад холбогдох зааварчилгааг илгээсэн гэж "Эрх чөлөө" радио мэдээлжээ.
Гуравдугаар сарын 14-ний өдөр Хойд Солонгос баллистик пуужин харвасан талаар Япон, Өмнөд Солонгосын тал мэдэгдэж байлаа. Энэ мэдээллийг БНАСАУ тал баталжээ.
Сакура цэцэглэх улирал эхэлснийг Японд зарлалаа. Энэ талаар Токио дахь Ясукуни сүмд байх тусгай мод цэцэглэж эхэлснээр сакура цэцэглэх улирлыг нээдэг Үндэсний цаг уурын газар гуравдугаар сарын 14-ний өдөр мэдэгдсэн байна..
Францын нийслэл Парис хотод тэтгэврийн шинэчлэлийн эсрэг тэмцэж буй хот тохижилтын газрын ажилтнууд ажил хаялтаа үргэлжлүүлж байна. Үүний улмаас Парис хотод 6000 тонн хог хаягдал хуримтлагдсан гэж "Франс Пресс" агентлаг мэдээлжээ.
Хоёрдугаар сарын эхээр Туркийн өмнөд хэсэгт болсон газар хөдлөлтийн улмаас тус улсад 48 мянга гаруй хүн амиа алдаж, 50 мянга орчим барилга бүрэн нуржээ. Одоо гамшигт өртсөн хүмүүс Туркийн 11 мужид майхан, түр сууцанд амьдарч байгаа юм.
БНХАУ дэлхийн томоохон эрчим хүчний түүхий эд, тэр дундаа нүүрсний импортлогч орон юм. Нүүрсний импортын ихэнх хэсгийг Австрали, Монголоос нийлүүлдэг байв. Гэвч энэ хоёр оронтой харилцах хамтын ажиллагаа сүүлийн үед бүтэлгүйтсэн гэж эх сурвалж онцолжээ.
Цукербергийн мэдэгдсэнээр, Мета корпорацийн ашиг ихээхэн буурсан 2022 он "сэрэмжлүүлэх түгшүүртэй дохио өгсөн жил" болсон гэнэ. Мета корпораци 2022 оны сүүлийн улиралд орлого нь дөрвөн хувиар унасан ч оны дүнгээр орлого нь 23 тэрбум долларыг давжээ.
Холливудын жүжигчин, ОХУ-ын Гадаад хэргийн яамны АНУ, Японтой харилцах хүмүүнлэгийн харилцааны тусгай төлөөлөгч Стивен Сигал өөрийгөө "100 хувь Оросыг дэмжигч, 1 000 000 хувь орос хүн" хэмээжээ. Тэрбээр Оросыг дэмжигчдийн олон улсын хөдөлгөөний үүсгэн байгуулах хурлын үеэр ийн мэдэгдсэн гэж Известия сонин мэдээлсэн байна.
Улаан-Үдийн онгоцны үйлдвэр нь Оросын төрийн корпораци болох "Ростех"-ийн "Оросын нисдэг тэрэг" холдингийн бүрэлдэхүүнд багтдаг,. Энэ үйлдвэр нь онгоц, нисдэг тэрэг үйлдвэрлэн гаргасан цорын ганц үйлдвэр бөгөөд түүхэндээ нийтдээ 8000 гаруй нисэх аппарат үйлдвэрлэн гаргажээ. Өнөөдөр энэ үйлдвэр Казахстан, Энэтхэг, Пакистан зэрэг олон орон руу Ми-8 , Ми171 нисдэг тэрэг болон тэдгээрийн сэлбэгийг нийлүүлдэг байна.
БНХАУ-ын дарга Ши Жинпинь Украины хямралын асуудлаар тус улсын Ерөнхийлөгч Володимир Зеленскийтэй хэлэлцээ хийхээр төлөвлөж байгаа гэнэ. Энэ талаар холбогдох эх сурвалжуудаас авсан мэдээлэлтэйгээр The Wall Street Journal сонин мэдээлсэн байна.
Энд дуулгахад, МиГ-29 онгоц нь 1970-аад онд боловсруулсан, дөрөв дэх үеийн сөнөөгч онгоц юм. Энэ онгоц агаарын орон зайд цаг агаарын энгийн болон хүндрэлтэй нөхцөл байдалд жолоодлогот пуужин, их бууны галаар агаарын бүх төрлийн байг устгахад зориулагдсан. Анхны туршилтын загварыг 1977 оны 10 дугаар сарын зургааны өдөр туршин нисгэгч А.В.Федотов гүйцэтгэж байжээ.