Түүнчлэн Катар ДАШТ-ий Иран, Англитай хийх тоглолтын үеэр Ираны хөгжөөн дэмжигчид өөрийн орны төрийн дуулал явах үед шүгэлдэж эсэргүүцэл илэрхийлсэн бол Ираны шигшээ багийнхан төрийн дууллаа дагаж дуулсангүй. Тэд үүгээрээ эх оронд нь болж буй эсэргүүцлийг дэмжиж байгаагаа илэрхийлсэн байна.
АНУ-ын Ерөнхийлөгчийн ач Наоми гэрлэж, Цагаан ордонд хуримаа хийсэн талаар Цагаан ордны сайт дээр мэдээлжээ. Энэ гэрлэх ёслолыг хэвлэлийнхэнд хаалттай байдлаар хийсэн байна.
Өмнөд Солонгосын Агаарын цэргийн хүчний сөнөөгч онгоц ням гарагт сүйрчээ. Энэ талаар БНСУ-ын Батлан хамгаалах яамнаас авсан эх сурвалжтайгаар Ёнхап агентлаг мэдээлсэн байна.
Катарт Хөлбөмбөгийн ДАШТ эхлэхтэй холбоотойгоор Израиль, Катарын хооронд анх удаа зорчигч тээврийн шууд нислэг үйлджээ. Урьд өмнө нь энэ хоёр орны хооронд шууд нислэг огт үйлдэгдэж байгаагүй гэж Yedioth Ahronoth мэдээлсэн байна.
БНХАУ утааг нэг мөр устгах төлөвлөгөө танилцуулжээ. SCMP сонины мэдээлснээр, 2025 он гэхэд БНХАУ-ын хотуудын 70 хувьд агаарын чанар улсын стандартад нийцдэг байхуйц болгох бол агаарын бохирдолтой өдрүүдийн тоог нэг хувиас бага буюу жилд 3,5 өдрөөс дээшгүй байлгах гэнэ.
Украины Зэвсэгт хүчин ням гарагт Оросын армийн 330 цэргийг устгаснаар Оросын бие бүрэлдэхүүний хохирол 84 мянгад хүрсэн гэнэ. Энэ талаар Украины Зэвсэгт хүчний Ерөнхий штаб мэдэгдсэнийг УНИАН дамжуулжээ.
Энэ өдрүүдэд Австрийн нийслэл рүү дэлхийн өнцөг булан бүрээс жуулчид зорин очдог. Зул сарын баярын гацуурын гэрлийг хотын дарга асаах бөгөөд энэ жил 130 жилийн настай 28 метр өндөр гацуур байрлуулжээ.
Экваторын Гвинейн төсвийн орлогын дөрөвний гурав гаруй хувийг газрын тос, хийн худалдаанаас олсон орлого бүрдүүлдэг. Энэ улс нэг хүн амд ноогдох ДНБ-ээрээ Африктаа дээгүүр ордог ч энэ улсад баян, ядуугийн ялгаа асар их байдаг аж. Экваторын Гвинейн газрын тос, хий, ой, алт, очир эрдэнэ, газрын ховор металлын асар их нөөц зэрэг улсын бүхий л баялгийг Нгема болон түүний гэр бүл дангаар эзэмшдэг гэж Freedom House байгууллага мэдэгдэж байв.
Энд дуулгахад, дайны цаг болон дайчилгааны үед цэргийн алба хаагчдад оноох ял шийтгэлийг чангатгасан нэмэлт заалтуудыг Орост дайчилгаа зарлахаас нэг хоногийн өмнө буюу есдүгээр сарын 20-ны өдөр Эрүүгийн хуулинд оруулсан юм. Энэ нэмэлт өөрчлөлтийн дагуу, цэргийн алба хаагчид тушаал биелүүлэхээс татгалзсан бол гурав хүртэлх жилийн хорих ялаар шийтгүүлэх аж.
ОХУ хоёрдугаар сарын 24-ний өдөр "цэргийн тусгай ажиллагаа" нэрийн дор Украин руу халдсанаас хойш дөрөв дэх өдөр нь буюу хоёрдугаар сарын 28-ны өдөр сөргөлдөгч хоёр талын анхны хэлэлцээ болж байлаа. Энэ хэлэлцээ хэд хэдэн үе шаттайгаар болж, хамгийн сүүлд Туркийн зуучлалтайгаар энэ улсад болсон ч ямар ч үр дүнд хүрэлгүй зогсонги байдалд ороод найман сарын нүүр үзэж байна. Сүүлийн үед хэлэлцээ сэргэж магадгүй талаарх мэдээлэл үе үе гарах болсон ч Украины тал хэлэлцээ мөд эхлэхгүй гэдгийг илтгэх мэдэгдлүүд хийсээр байгаа юм.
Эдийн засгийн дэд сайдын мэдэгдсэнээр, хөдөлмөрийн зах зээл дэх нөхцөл байдлыг тогтворжуулахын тулд Эдийн засгийн яам хэд хэдэн хөтөлбөр эхлүүлсэн гэнэ. Эдгээрийн дунд иргэдэд хүртээмжтэй зээл олгох, төр баталгаа гаргах замаар бизнесийг дэмжих, үйлдвэрүүдийг аюулгүй нутгуудад шилжүүлэн байршуулах зэрэг хөтөлбөрүүд багтаж байгаа аж.
Энэ улсын хүн амын ердөө 20 хувь нь Катарын иргэн, 60 хувь нь Арабын бусад орнууд, Пакистан, Энэтхэг, Иран зэрэг орны иргэд аж. Мөн энэ улсад эрчүүд нь эмэгтэйчүүдээс гурав дахин их байдаг гэнэ.
Хэдийгээр ийм хориг үйлчлэх ч "Ливерпуль", Нидерландын шигшээгийн хамгаалагч Ван Дейк ЛГБТ-г дэмжин "One Love" гэсэн бичигтэй бүч зүүхээр болжээ. Энэ талаар Championat.com мэдээлсэн байна.
АНУ-ын Колорадо мужийн Колорадо-Спрингс дэх ижил хүйстнүүдийн шөнийн клубт бямба гарагт зэвсэгт этгээд халдлага болж, таван хүн амиа алдаж олон хүн шархадсан талаар "Америкийн дуу хоолой" радио мэдээлжээ.
Энэ удаагийн сонгууль нь ээлжит бус сонгууль байсан бөгөөд өнөөгийн Ерөнхийлөгч Токаев ээлжит бус сонгуулийг өөрөө зарласан юм. Энэ нь эрх мэдлээ хуульчлан батлах гэсэн санаа гэж шинжээчид үзэж байв. Сонгуульд зургаан нэр дэвшигч оролцсоноос Токаеваас бусад тав нь нэг их олны танил болоогүй нэр дэвшигчид байжээ.
Катар-2022-ын бүтээн байгуулалтын үеэр олон мянган цагаач ажилчин амиа алдсан гэж хүний эрхийг хамгаалагчид баталж байна. Эмнести Интернешнл байгууллагын 2021 онд гаргасан тайланд 15 021 ажилчин амиа алдсан эгсэн бол The Guardian сонины эрэн сурвалжлах нийтлэлд 6,5 мянган цагаач ажилчин амиа алдсан гэж онцолжээ.
Катар-2022 нь өвөл болж байгаа анхны ДАШТ болж байна. Өвлийн улиралд тэмцээнийг явуулахаар болсон нь тамирчид болон хөгжөөн дэмжигчдийг зуны аагим халуунаас хамгаалах зорилготой гэнэ.
Сүүлийн хоёр жилийн туршид Египетийн Каир хотоос 32 километр зайд орших Гиза дахь археологийн малтлага дээр дэлхийн өнцөг булан бүрийн археологчид ажиллажээ. Тэд саяхан Тутанхамоныг төр барьж байх үеийн (shuud.mn: МЭӨ 1333-1323) фараоны зөвлөх, ойрын хүрээллийн генералуудынх байж болох олон бунхан, занданшуулсан шарил олсон талаар NBC мэдээлсэн байна.
ОХУ-ын Ерөнхийлөгч Владимир Путин хоёрдугаар сарын 24-ний өдөр "цэргийн тусгай ажиллагаа" эхлүүлэх тушаал өгснөөр Оросын арми хөрш Украин руу халдан орсон юм. Цэргийн объектуудыг л устгана гэж мэдэгдэж байсан Оросын тал дайн эхэлсэн эхний өдрөөс л иргэний байгууламж, дэд бүтцэд цохилт өгсөөр байна. Энэ хугацаанд Украины дэд бүтцэд олон тэрбум долларын хохирол учирсан талаар Украины Сангийн сайд мэдэгджээ.
Хүний эрхийг зөрчдөг гэсэн шалтгаанаар Катарыг зорихыг хүсээгүй өөр нэг алдартан нь Британийн уран бүтээлч Род Стюарт юм. Түүнд сая долларын чек санал болгож, Катарт дуулахыг урьсан ч "ийм үнэт зүйлтэй, үзэл санаатай улс руу явах нь буруу" гэж үзсэн талаараа The Sunday Times сонинд ярьжээ.