Баярын амралт эхлэхээс өмнө бөөгнөрөхгүй, олуулаа нэг дор цуглахгүй байхыг Улсын онцгой комисс, Эрүүл мэндийн яамнаас хангалттай анхааруулсан. Харин манайхан энэ анхааруулгыг үл тоож, гол усны эргээр бөөгнөрөл үүсгэж, өөрсдийгөө, өрөөлийг ч эрсдэлд оруулах нөхцөл байдлыг бий болгосон.
Улаанбаатар хотод өнөөдөр суурин 19 цэгт 28 багийн 203 эмч, ажилтан ажиллаж, 4705 иргэнийг дархлаажуулахаар төлөвлөлөө. Дархлаажуулалтын цэгүүдийг дүүрэг тус бүрээр танилцуулж байна.
Баянзүрх дүүрэгт дулааны шугамын засварын ажил 07 дугаар сарын 19 буюу өнөөдрөөс эхэлж байна.
Завхан аймгийн Загастайн давааны 67 км хатуу хучилттай авто зам барилгын ажлын ерөнхий гүйцэтгэгчээр БНХАУ-ын "СССС" ХХК, гүйцэтгэгчээр үндэсний "Түм Арвижих", "Арж роуд" компаниуд ажиллаж байна.
Өнөөдөр баруун болон төвийн аймгуудын нутгаар дуу цахилгаантай аадар бороо орох тул нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.
Үйлдэгдэж болзошгүй зам тээврийн осол хэргээс ирээдүй үе ээ хамгаалах зорилгоор Цагдаагийн байгууллагаас зохион байгуулагдаж байгаа “Ирээдүйгээ хамгаалъя” аянд төрийн болон төрийн бус байгууллага, аж ахуй нэгж, олны танил эрхмүүд нэгдэж иргэд олон нийтэд уриалга дэвшүүлсээр байгаа билээ. Бид ирээдүй хойч үе ээ болзошгүй эрсдэлээс хамгаалж тус аянд нэгдэж хариуцлагатай байхыг уриалж байна.
Эрүүл мэндийн яамнаас коронавирусийн халдварын 2021 оны 07 дугаар сарын 18-ний өдрийн нөхцөл байдлын мэдээллийг гаргажээ. Энэ өдөр шинээр 1466 тохиолдол бүртгэгджээ. Шинээр батлагдсан тохиолдлын 786 нь Улаанбаатар хотод, 680 нь орон нутагт, байна. Мөн хугацаанд халдварын улмаас 8 хүн нас баржээ. Түүнчлэн сүүлийн 24 цагийн хугацаанд 4730 хүн эдгэрлээ.
Баяр, амралтын өдрүүдээр буюу энэ сарын 09-17-ны өдрүүдэд нийт 33 удаагийн усны ослын тохиолдол бүртгэгджээ. Хэнтий аймгийн Онцгой байдлын газрын алба хаагчид “Гүрмийн нуур”-д хийлдэг гудастай хөвж явсан бага насны 6 хүүхдийг авран хамгаалж, ар гэрийхэнд нь хүлээлгэж өгсөн байна.
Монгол улсад коронавирусийн халдварын нийт тохиолдол хүн амын 4.2%-д хүрлээ. Харин Улаанбаатарт 6.6%-д хүрсэн байна. Аймгуудаас Говь-Алтай аймаг хамгийн өндөр тархалттай байгаа. Мөн Орхон, Төв, Говьсүмбэр, Дархан-Уул аймгийн хүн амын дундах халдварын тархалт их байна. Наадмын амралттай холбоотойгоор нийслэлээс 40 гаруй мянган машин, 80 гаруй мянган хүн хөдөө орон нутаг руу зорчжээ. Орон нутагт хэвтэн эмчлүүлж байгаа 5,200 орчим хүн байгаа. Цаашид орон нутагт өвчлөл нэмэгдэх хандлагатай байна.
Эрүүл мэндийн яамнаас коронавирусийн халдварын 2021 оны 07 дугаар сарын 17-ний өдрийн нөхцөл байдлын мэдээллийг гаргажээ. Энэ өдөр шинээр 1295 тохиолдол бүртгэгджээ. Шинээр батлагдсан тохиолдлын 646 нь Улаанбаатар хотод, 644 нь орон нутагт, гурван зөөвөрлөгдсөн халдвар байна. Мөн хугацаанд халдварын улмаас 10 хүн нас баржээ. Түүнчлэн сүүлийн 24 цагийн хугацаанд 3929 хүн эдгэрлээ.
Он гарсаар манай улсад коронавирус халдварын хоёр давлагаа явагдсан. Коронавирусийн халдварын давлагааны оргил үе зургадугаар сарын 20-ны үед байсан бол одоогоор халдварын тархалт буурч байгаа нь ажиглагдаж байна. Сүүлийн давлагааны үеэр өвчлөлийн ихэнх нь тохиолдол буюу 55 хувь нь нийслэлд, 45 хувь нь орон нутагт бүртгэгджээ. Өөрөөр хэлбэл аймаг орон нутгийн өвчлөл нэмэгдсэн байна.
Экспортын нүүрс тээврийн гол гарц болсон Цагаан хадны суурьшлын бүсэд өнөөдрөөс буюу долдугаар сарын 17-ны 06.00 цагаас эхлэн долоо хоногийн хугацаатай хатуу хөл хорио тогтоолоо. Үүнтэй холбоотойгоор тухайн ариутгал халдваргүйжүүлэлтийн ажлыг идэвхтэй хийнэ. Мөн жолооч нарыг шинжилгээнд хамруулж ногоон бүс болгоход анхаарах аж.
Олимпийн наадамд оролцох Монголын багийн эхний хэсэг Японы нийслэл Токио хотноо газардлаа. Бокс, 3х3 сагсан бөмбөг, сэтгүүлчдийн төлөөлөл болон МҮОХ-ны штабын ажилтнууд бүхий 25 хүний бүрэлдэхүүнтэй баг Японд хүрэлцэн очоод байна. Токиод хүрэлцэн очсон төлөөлөгчдийг маш нарийн хяналт шалгалтын дор цааш нэвтрүүлж байгааг багийн гишүүд мэдээлэв.
Дэлхийн 111 улсад коронавирусын “дельта” хувилбар идэвхтэй тархаж байна. Энэ хувилбар нь өмнөх хувилбаруудаас 60 хувиар илүү хурдан халдварладаг, амархан хүндэрдэг, вакцины нөлөөг 20-30 хувь бууруулдаг зэрэг хоруу шинж чанартай нь нотлогдсон. Тиймээс тархалтын хурдыг сааруулах, эмнэлгийн ачааллыг бууруулах зорилгоор олон улс оронд тодорхой хязгаарлалт, хорио цээрийн дэглэмийг тогтоож байна.
НӨАТ-ын урамшууллын 2021 оны 07 дугаар сарын сугалааны тохирлын нэвтрүүлэг 07-р сарын 18-ны ням гарагт Боловсрол телевизээр орон даяар шууд явагдана.
Өнөөдөр Улаанбаатар хотод 17 суурин цэгт, 25 багийн 182 эмч, ажилчид 4705 иргэнийг дархлаажуулна. Дархлаажуулалтын цэгийг дүүрэг тус бүрээр нь танилцуулж байна.
Нийслэлийн хамрагдвал зохих /953058/ 18-аас дээш насны иргэдээс дархлаажуулалтын 1-р тунд 66, үүнээс 15 жирэмсэн эмэгтэй, 2-р тунд 3518 үүнээс 107 жирэмсэн эмэгтэй тус тус хамрагдсан бөгөөд өссөн дүнгээр 991503 /104.0%/ иргэн, үүнээс 3121 /26.2%/ жирэмсэн эмэгтэй 1-р тунд, 914090 иргэн /95.9%/ 2-р тунд тус тус хамрагдсан байна.
Малчид, иргэдийн анхааралд: Өнөөдөр зүүн аймгуудын нутгаар дуу цахилгаантай аадар бороо орох тул мөндөр, нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.
Золиг гаргах, сэтгэлд сэвтэй газарт очиход муу. Өдрийн сайн цаг нь хулгана, үхэр, дуу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал нас уртадна хэмээжээ.
Монгол Улсын Ерөнхийлөгч У.Хүрэлсүх БНХАУ-ын дарга Ши Жиньпинтэй 2021 оны 7 дугаар сарын 16-ны өдөр утсаар ярив.