Нью-Йорк Таймс сонинд байр сууриа илэрхийлсэн шинжээчдийн онцолсноор, агаарын бөмбөлгүүд нь тагнуулын хиймэл дагуултай харьцуулахад олон давуу талтай гэнэ. Агаарын бөмбөлгүүд газартай ойр байдаг, радараар илрүүлэхэд хүндрэлтэй, сонирхож буй нутаг дэвсгэрийнхээ дээр тогтон удаан байх боломжтой, энгийн камер ашиглан зураг авдаг гээд агаарын бөмбөлгийг тагнуулын зорилгоор ашиглах шалтгаан олон байдаг аж.
Хоёрдугаар сарын зургааны өдөр Туркэд газар хөдөлсний дараа дэлхийн улс орнуудаас тусламж үзүүлж, аврагчдаа илгээсээр байгаа юм. Олон улсын хэвлэлүүдийн мэдээлснээс харахад, хамгийн өргөн бүрэлдэхүүнтэй багийг Азербайжан Турк рүү илгээжээ.
Даваа гарагт Турк, Сирид 7,8 магнитудын хүчтэй газар хөдлөлт болсон. Ихээхэн сүйрэл дагуулсан энэ газар хөдлөлтийн дараа Туркийн шуурхай албад олон улсын багуудтай хамтран эрэн хайх, аврах ажиллагаагаа үргэлжлүүлсээр байна.
Дэлхий даяар хар тамхи зэрэг хориотой бодисыг илрүүлэхэд үнэрч нохойг ашигладаг. Харин тэднээс ч илүү үнэрлэх чадвартай нэгэн амьтныг Хятадын цагдаагийнхан сурган авчээ. SCMP сонины мэдээлснээр, Чунцин хотын цагдаагийн газар хар тамхийг үнэрлээд илрүүлэх зургаан хэрмийг сургаж дууссан гэнэ.
Даваа гарагт Турк, Сирийн нутагт хүчтэй газар хөдлөлтт болж, олон мянган барилга байшин нурж, хүмүүс амиа алдсан юм. Байгалийн гамшгийн цар хүрээ өргөн байсан тул хохирогчдын тоо цаг тутамд нэмэгдэж байна.
Байз, Сирид ч адилхан зовлон учирж, олон мянган хүн амиа алдаагүйсэн билүү? Газар хөдлөлтөөс хойш гурав хоног өнгөрөхөд гагцхүү Туркийг чиглэсэн тусламжийн тухай мэдээлэл л хөвөрнө. Дэлхийн орнуудын төрийн тэргүүнүүдийн мэдэгдлийг сонсоход тэд Сирийг ор тас мартчихсан гэлтэй. Арабын орнууд ч ар араасаа Туркэд туслах тухай мэдээлэл гарч байхад Сирид туслаж байгаа мэдээлэл төдийлөн гарсангүй. Гэтэл дайны хөлд үрэгдэж, араас нь байгалийн гамшигтай нүүр тулсан сиричүүдэд адилхан л тусламж хэрэгтэй.
Зеленский Британийн парламентад үг хэлэхдээ "Бидэнд эрх чөлөө байна, түүнийгээ хамгаалах жигүүр өгөөч" хэмээн мэдэгдэж, сөнөөгч онгоц өгөхийг хүсэж байсан бол Парист айлчлахдаа ч ийм хүсэлт тавьсан байна.
Орос, Беларусийн багуудыг үндэснийх нь далбаатайгаар ДАШТ-д оролцуулна гэдгээс болж АНУ-ын боксын эрэгтэй болон эмэгтэй шигшээ багууд тэмцээнд оролцохоос татгалзжээ. Энэ талаар Америкийн боксын холбооны сайт дээр мэдээлсэн байна.
Өмнөх маркууд дээр, Чарльзийн эх, хатан хаан II Элизабетийг титэмтэй дүрсэлж байсан бол шинэ маркууд дээр хааныг титэмгүйгээр дүрсэлжээ. Энэ энгийн дизайныг хаан өөрөө дэмжсэн гэнэ.
Газар хөдлөлт болсны дараагаас л Туркийн олон нийтийн сүлжээгээр засгийн газара шүүмжилсэн нийтлэлүүд хөврөх болов. Тэдний гол анхаарлаа хандуулж байгаа сэдэв нь 1999 оны газар хөдлөлтийн дараа барилгын норм журмыг чангатгасан ч авлигад идэгдсэн албан тушаалтнууд барилгын чанарт анхаараагүйтэй холбоотой байлаа. 1999 онд Туркэд газар хөдлөж, 17 мянган хүн амиа алджээ. Үүний дараа барилгын хуулийг чангатгахын дээр "газар хөдлөлтийн татвар" авах болжээ. Чангатгасан хуулийн дагуу барилгуудыг газар хөдлөлтөд тэсвэртэй байхаар барих ёстой байсан бол "газар хөдлөлтийн татвар"-ыг шуурхай албадыг хөгжүүлэхэд зарцуулах ёстой байж. Гэсэн ч эрх баригчид энэ татварын зарцуулалтыг олонд тайлагнадаггүй байсан нь өдгөө тэд шүүмжлэлийн бай болоход голлон нөлөөлөв.
Энэ татварыг 17 мянган хүн амиа алдсан 1999 оны газар хөдлөлтийн дараагаас авах болжээ. Тэр үеэс хойш 88 тэрбум лир буюу 4,6 тэрбум долларын татвар цугларсан, энэ мөнгө байгалийн гамшгаас сэргийлэх, шуурхай албыг хөгжүүлэхэд зарцуулагдах ёстой байж. Гэвч Засгийн газар энэ мөнгийг хэрхэн зарцуулсан талаар хэзээ ч олонд тайлагнаж байгаагүй, тиймдээ ч эрх баригчид байгалийн гамшигт бэлэн байгаагүй гэж сөрөг хүчнийхэн буруутгаж байгаа аж.
Украины Ерөнхийлөгч Володимир Зеленский лхагва гарагт Их Британид айлчилж, тус улсын хаан III Чарльзтай уулзан, парламентад үг хэллээ. Зеленский ийнхүү Лондонд айлчилсан нь түүний хувьд дайн эхэлснээс хойш хийсэн хоёр дахь гадаад айлчлал байлаа.
Украин орос хэл дээр хэвлэгдсэн номнуудыг устгалд оруулж байгаа аж. Дээд Радын Хүмүүлэг, мэдээллийн бодлогын хорооны Евгений Кравчукийн өгүүлснээр, дайн эхэлсний дараа Соёл, шинжлэх ухааны яамнаас ирүүлсэн зөвлөмжийн дагуу зарим номыг устгах ажлыг гүйцэтгэсэн байна.
Турк, Сирид даваа гарагт 7,6-7,8 магнитудын хүчтэй газар хөдөлсний улмаас олон мянган барилга нурж, байшингийн нурангинд дарагдан амиа алдсан хүний тоо нэмэгдсээр байна. Гэхдээ аврах ажиллагааг тасралтгүй үргэлжлүүлж байгаагийн ачаар хоёр өдрийн дараа ч эсэн мэнд үлдсэн хүмүүсийг аврагчид эрж, олон аварсаар байгаа юм.
Азербайжаны нийслэл Баку хотын архитектурын бэлгэ тэмдгүүдийн нэг болсон, Гейдар Алиевийн төвийг хоёрдугаар сарын долооны орой Туркийн далбаан өнгөөр гэрэлтүүлжээ.
Даваа гарагт Турк, Сирид болсон хүчтэй газар хөдлөлтийн улмаас олон мянган хүн амиа алдаж, дэлхийн улс орнууд газар хөдлөлтийн хор уршгийг арилгахад олон талаар туслаж байна.
"Лос-Анжелес", "Оклахома Сити Тандер" багуудын тоглолтын үеэр Америкийн сагсан бөмбөгчин Леброн Жеймс НБА-ийн түүхэн дэх үнэмлэхүй дээд амжилтыг тогтоолоо.
Хойд Солонгосын удирдагч Ким Жон Ун хоёрдугаар сарын долооны өдөр, тус улсын Арми үүсэн байгуулагдсаны 75 жилийн ойд зориулан Солонгосын ардын армийн командлагчдын гэрт охины хамт зочилжээ. Түүнчлэн тэд баярын хүлээн авалтад оролцсон талаар Солонгосын цахим мэдээллийн агентлаг мэдээлсэн байна.
Турк, Сирид даваа гарагт хүчтэй газар хөдлөлт болж, байшин барилга нурж, олон мянган хүн амиа алдсан хүнд нөхцөлд Туркийн оршин суугч, компани бүр гамшгийн хор хохирлыг арилгахад бүхий л чадлаараа туслаж байгаа талаар Туркмен портал мэдээлсэн байна.
Хоёрдугаар сарын зургааны даваа гарагт Туркийн зүүн өмнөд хэсэгт хүчтэй газар хөдлөлт хоёронтаа болсон юм. Энэ газар хөдлөлт Сирид ч мэдрэгдсэн бөгөөд хоёр оронд байшин барилга олноор нурсны улмаас амиа алдагсдын тоо 7,8 мянгыг даваад байна.