Оросын Гадаад хэргийн сайд Сергей Лавров Мавританийн нийслэл Нуакшот хотод очжээ. Энэ нь ОХУ, Мавританийн хооронд дипломат харилцаа тогтоосноос хойш ОХУ-ын Гадаад хэргийн сайд тус улсад айлчилж байгаа анхны тохиолдол юм.
Даваа гарагт Туркийн өмнөд бүс нутгууд болон Сирийн хойд хэсэгт хүчтэй газар хөдлөлт болж, олон хүн амиа алдаж, гэмтэж бэртэн, байшин барилгууд хэдэн мянгаараа нурсан юм. Мягмар гарагийн үдшийн байдлаар энэ хоёр улсад амиа алдсан хүний тоо 7,2 мянгыг давжээ. Амиа алдсан хүний тоо цаашид ч өсөж болзошгүй гэж аврах албаныхан мэдээлсэн байна.
Дараагийн удаад энэ линзийг нүд хуурайших эмгэгтэй амьтад дээр, үүний дараа хүмүүс дээр турших юм байна. Нүд хуурайшуулдаггүй энэ линзийг хэзээ олноор нь үйлдвэрлэх нь тодорхойгүй, гэхдээ туршилт амжилттай болвол үйлдвэрлэлд нэвтрүүлнэ гэж найдаж байгаагаа судлаачид илэрхийлжээ.
Туркэд даваа гарагт хүчтэй газар хөдлөлт болсны улмаас олон мянган барилга байшин нурж, хүмүүс олноороо амиа алдсаны дээр 15 мянга гаруй хүн гэмтэж бэртсэн юм. Нөхцөл байдал хүнд байгаа тул тус улсад тэмцээнд оролцож буй тамирчдаа Узбекистан нүүлгэн шилжүүлэхээр болжээ.
Турк болон Сири улсад даваа гарагт болсон хүчтэй газар хөдлөлтийн улмаас ноцтой хохирол учирж, дэлхий улс орнууд энэ хоёр оронд туслахаар гар сунгаж байна. Дэлхийн олон орон тусламж үзүүлэхэд бэлэн гэдгээ мэдэгдсэн бол зарим орон даваа гарагаас эхлэн аврагчдаа илгээсээр байгаа юм.
Энэтхэгийн Байгалийн гамшигт хариу үйлдэл үзүүлэх үндэсний хүчний 50 аврагчаас бүрдсэн эхний баг Турк рүү ниссэн талаар ANI агентлаг мэдээлжээ. Тэд газар хөдлөлтөөс учирсан хор уршгийг арилгахад тусламж үзүүлэх юм байна.
Даваа гарагт Турк, Сирид хүчтэй газар хөдлөлт хоёронтаа болж, энэ газар хөдлөлтийн улмаас хөрш орнуудад нийтдээ 4300 гаруй хүн амиа алдаад байна. Эрэн хайх, аврах багийнхан бүхэл шөнийн турш ажилласан бөгөөд олон улсын аврагчид ч тэдэн дээр хүч нэмэхээр дэлхийн өнцөг булан бүрээс очиж байгаа юм.
Эх сурвалжийн мэдээлснээр, Эрзурум, Эрзинжан, Агра, Ардахан, Карс мужууд дахь Улаан хавирган сар нийгэмлэгийн цус цуглуулах төв дээр ч хүмүүс олноороо дугаарлажээ.
Даваа гарагт Турк, Сирид болсон хүчтэй газар хөдлөлтийн улмаас олон мянган байшин барилга нурж, энэ хэрээр амиа алдсан хүний тоо нэмэгдсээр байна. Цаг агаар муу, цас их орж байгаа нөхцөлд аврагчид бүтэн шөнөжин ажилласан талаар ВВС агентлаг мэдээлжээ.
Орос, Украины дайнд Украины талд хүч нэмэгдүүлэх зорилгоор Европын орнууд зэвсэг нийлүүлсээр байгаа бөгөөд энэ тусламжид Польш улс нэгдсэн юм. Харин үүнд Чечений тэргүүн Рамзан Кадыров дургүйцэж байгаагаа илэрхийлэн, "Украины дараагийнх нь Польш" хэмээн Телеграм хуудсандаа сүрдүүлжээ.
Америкийн Нью-Йорк мужийн баруун хойд хэсэгт газар хөдлөжээ. Энэ нь сүүлийн 40 жил ажиглалтын хугацаанд бүртгэгдсэн хамгийн хүчтэй газар хөдлөлт байсан талаар NBC суваг мэдээлсэн байна.
Даваа гарагт Туркийн зүүн өмнөд хэсэгт хүчтэй газар хөдөлт болж, үүний араас 40 гаруй чичирхийлэлт мэдрэгдэн, хөрш Сири улсад ч ноцтой хохирол дагуулсан. Хоёрдугаар сарын зургааны өдөр болсон энэ гамшгийн улмаас Турк, Сирид амиа алдсан хүний тоо 4000-ыг даваад байна.
Даваа гарагт Турк, Сирид болсон газар хөдлөлтийн дараа Сирийн баруун хойд нутаг дахь Ражу хотын шоронд бослого гарчээ. Энэ үеэр алан хядах байгууллагатай холбоотой байж болзошгүй олон хүн зугтсан гэж AFP агентлаг мэдээлсэн байна.
Нидерландын газар хөдлөлт судлаач Фрэнк Хүгербитс Туркэд хүчтэй газар хөдлөлт болохыг урьдаас таамаглан, Твиттер хуудсаар дамжуулан сэрэмжлүүлж байжээ. Гэсэн ч одоо түүний нэрийг барин хуурамч аккаунтуудыг Твиттер хуудсанд олноор үүсгэсэн талаар тэрбээр мэдэгдсэн байна.
БНАСАУ-ын арми үүсэн байгуулагдсаны 75 жилийн ойд зориулсан томоохон цэргийн парадад Хойд Солонгосын арми хүйтэн цаг агаарын нөхцөлд бэлтгэж байхад удирдагч Ким Жон Ун нь 35 өдрийн туршид олны өмнө гарсангүй гэж The Mirror мэдээлжээ.
Эргэн сануулахад, даваа гарагт шилжих шөнө Туркийн өмнөд хэсэгт хүчтэй газар хөдлөлт болж, үргэлжлэн чичирхийлэлтүүд болсны улмаас Туркийн хэд хэдэн муж төдийгүй хөрш Сири улсад ч ноцтой хохирол дагуулсан юм. Энэ хоёр улсад нийтдээ 3800 гаруй хүн газар хөдлөлтийн улмаас амиа алджээ.
Энд дуулгахад, Анна Нетребко бол дэлхийд нэр алдраа түгээсэн, хамгийн эрэлттэй сопрано гэгддэг бөгөөд Оросын Ардын жүжигчин юм. Тэрбээр Вена хотод амьдарч, Венийн дуурийн гол гоцлол дуучнаар ажиллан, дэлхийн олон оронд тоглолтоо толилуулдаг. 2012 онд Нетребко Владимир Путиний сонгуулийн өмнөх кампанит ажлын үеэр түүний итгэмжит этгээдээр бүртгэгдэж байв. Мөн 2014 онд Донбассын салан тусгаарлагчдыг дэмжиж байлаа.
АНУ Оросоос хөнгөн цагаан импортлоход 200 хувийн татвар ногдуулах асуудлыг авч хэлэлцэж байгаа бөгөөд энэ долоо хоногт эцсийн шийдвэрээ гаргаж магадгүй гэнэ. Энэ талаар Блүмберг агентлаг мэдээлжээ.
Даваа гарагийн үдшийн байдлаар, Туркэд 2379 хүн амиа алдаж, 14483 хүн гэмтэж бэртсэн хэмээн Туркийн дэд Ерөнхийлөгч Фуат Октай мэдэгдсэнийг Анадолу агентлаг мэдээлсэн байна. Харин Сирид 1444 хүн амиа алдаж, 3530 хүн бэртэж гэмтсэн гэж AFP агентлаг мэдээлжээ. Даваа гарагт болсон 7,7 магнитудын хүчтэй газар хөдлөлт нь 1939 оноос хойш буюу сүүлийн 84 жилд тохиосон хамгийн хүчтэй газар хөдлөлт болсон гэж газар хөдлөл судлаачид мэдэгдсэн байна.
АНУ-ын Миссисипи мужийн оршин суугчийг 36 жилийн өмнө үйлдсэн хүн амины хэргийн төлөө баривчилжээ. Энэ талаар Флорида мужийн Пинеллас тойргийн шерифийн газар мэдээлснийг NBC дамжуулсан байна.