Газын зурваст гал зогсоохыг дэмжих жагсаал Нью-Йоркийн төвд болж, олон зуун хүн оролцжээ. Эсэргүүцэгчдийн зарим нь Нью-Йорк Таймс сонины редакци байрладаг байр руу нэвтэрсэн талаар РИА Новости агентлаг газар дээрээс нь мэдээлсэн байна.
ОХУ болон Хойд Солонгосын хооронд цэргийн хамтын ажиллагаа эрчимжиж, зэвсэг болон техникийн дэмжлэг нийлүүлж болзошгүй байгаад санаа зовниж байгаагаа Өмнөд Солонгосын эрх баригчид илэрхийлж байлаа. Ийм байр суурьтай санал нэг гэж АНУ-ын Төрийн нарийн бичгийн дарга Энтони Блинкен Сөүл хотноо зохион байгуулсан хэвлэлийн бага хурлын үеэр мэдэгджээ.
Венесуэлийн Ерөнхийлөгч Николас Мадуро Израил, ХАМАС-ын дайнд Палестины ард түмэн ялна гэдэгт итгэлтэй байгаагаа илэрхийлээд, "Палестины ард түмнийг үй олноор устгаж байгаагаас аврах ёстой" хэмээн мэдэгджээ.
Фронт руу илгээж, ялаас нь чөлөөлөх хоригдлууд хөнгөвтөр гэмт хэрэг үйлдсэн байх, онц хүнд гэмт хэрэг үйлдсэн бол цэрэгт элсүүлж, фронт руу илгээхгүй гэсэн журам гарч байсан ч энэ хууль журам байнга зөрчигдөж байгаа талаарх мэдээлэл гарсаар байна.
ОХУ түлшний үнийг тогтоон барих, хомсдлыг арилгах зорилгоор есдүгээр сарын 21-ний өдрөөс экспортын хориг тавьж, дараа нь хязгаарлалтаа сулруулж байлаа. Одоогоор бензин болон дизель түлшний экспорт бүрэн хоригт байгаа бөгөөд засгийн газар хоорондын хэлэлцээрийн дагуу нийлүүлэх бол бензин, дизель түлшийг нийлүүлэхийг зөвшөөрч байгаа юм.
Израил ийнхүү олон улсын хэвлэл мэдээллийн агентлагуудын гэрэл зурагчдыг буруутгах болсон нь Америкийн Honest Reporting төрийн бус байгууллагаас 11 дүгээр сарын наймны өдөр гаргасан илтгэлтэй холбоотой аж. Энэ илтгэлд Ассошейтед Пресс, CNN, Нью-Йорк Таймс, Ройтерс агентлагуудтай хамтран ажилладаг, Газын зурваст байрладаг гэрэл зурагчид ХАМАС бүлэглэл Израилын өмнөд хэсэгт халдлага үйлдэх үеэр авсан гэрэл зургуудыг нийлүүлсэн нь гэрэл зурагчид халдлага үйлдэгдэх гэж байгаа талаар урьдаас мэдэж байсан, энэ халдлагатай холбоотой байж болзошгүй гэсэн хардлага төрүүлж байгаа хэмээн онцолсон байна.
ОХУ-ын Ерөнхийлөгч Владимир Путин Казахстанд айлчилсныхаа дараа Донын Ростов хот руу явж, Өмнөд цэргийн тойргийн штабт ажиллажээ. Энэ талаар Коммерсант мэдээлсэн байна.
ХАМАС бүлэглэл 10 дугаар сарын долооны өглөө Израил руу гэнэт халдсанаар энэ хоёр талын хооронд дайн дэгдсэн. Улмаар Газын зурваст олон мянган хүн амиа алдаж, хүмүүнлэгийн сүйрэл нүүрлэсэн тул олон улс Израилд хандан хүмүүнлэгийн түр завсарлага авах уриалга гаргаж, улмаар Израил энэ уриалгыг хүлээн авсан талаарх мэдээлэл пүрэв гарагт гарч байв.
"Харийнхны цогцос"-той холбоотой хэргийн анхны сонсгол есдүгээр сард Мексикийн парламентад болж байлаа. Энэ сонсголын үеэр Моссан хүн дүрст амьтдын занданшуулсан шарилыг үзүүлсэн юм. Түүний өгүүлснээр эдгээр үлдэгдэл нь 2017 онд Перугаас олдсон, 1000 орчим жилийн настай аж.
Эллиоттын дэлгүүр 1902 онд нээгдэж, 1971 онд нэг мөр хаагджээ. Тухайн үед 72 настай байсан дэлгүүрийн эзэн Фрэнк Эллиот Британийн шинэ валютаар гүйлгээ хийхийг хүсээгүй тул дэлгүүрээ хаасан аж. Ингээд 1995 онд бие барах хүртлээ дэлгүүрийнхээ өнгө төрхийг хэвээр нь хадгалж үлдээсэн гэнэ.
Энэ халдлага орон нутгийн цагаар 11 дүгээр сарын есний 13:30 цагт Мадридын төвд болсон бөгөөд өдгөө 78 настай улс төрчийн амь насанд эрсдэл байхгүй гэж эмч нар мэдэгдсэн байна. Цагдаагийнхны мэдэгдсэнээр, халдлагын сэдэл тодорхойгүй, халдлага үйлдсэн этгээдийг баривч чадаагүй байгаа гэнэ.
"Ийм системийг хуурах амаргүй, бид ч гэсэн олзны хүмүүстэй ингэж ажиллан, манай талд орохыг ятгадаг. Гэхдээ Орос биднээс ялгаатай нь олзны цэргүүдийг цусанд хутгадаг. Өөрөөр хэлбэл тухайн хүнийг гэмт хэрэг үйлдэхийг шахаж, гэмт үйлдлийг нь камераар бичиж авдаг. Олзны хүн зугтах эсвэл урвах гэвэл мэдээллийг задлана. Тэд ийм л арга ашигладаг" хэмээн Жданов өгүүлжээ.
Эх сурвалжийн мэдээлснээр, ийм хуурамч алтан эдлэлийг ялгахын тулд тусгай төхөөрөмж хэрэгтэй, шаардлагатай тоног төхөөрөмжгүй лабораториуд ч хуурамчийг жинхнээс нь ялгах боломжгүй гэнэ. Тиймээс жуулчдад хандан гагцхүү тусгай зөвшөөрөлтэй, чанарын гэрчилгээтэй газраас үнэт эдлэл худалдан авахыг уриалжээ.
Туршилт судалгаанд 21-ээс дээш насны 18 хүн оролцож, оролцогчдод төрөл бүрийн хэмжээгээр согтууруулах ундаа өгч, түргэн хэллэг хэлүүлжээ. Эхний түргэн хэллэгийг эрүүл үед нь, согтууруулах ундаа хэрэглэснээс хойш цагийн дараа гэх мэтчилэн түргэн хэллэг хэлүүлж, ухаалаг утасны хэмжигчээр шалгасан байна.
Газипурт нөхцөл байдал хамгийн хүнд байгаа аж. Энэ хотод олон мянган ажилчин эсэргүүцлийн жагсаал зохион байгуулж, цагдаагийнхантай мөргөлдсөний улмаас нэг эмэгтэй амиа алджээ. Ингэснээр өнөөгийн ажил хаялт, эсэргүүцлээс үүдэлтэйгээр нийт гурван хүн амиа алдсан байна. Иргэд болон цагдаагийнхан ч гэмтэл аван, эмнэлэгт хүргэгджээ. Эсэргүүцэгчид зам хааж, үйлдвэр рүү халдан, чулуу шидэж байгаа бол цагдаагийнхан тэднийг зогсоохоор нулимс асгаруулагч хий, дуут гранат, резинэн сум ашиглаж байгаа аж.
Украинд дайны байдал үргэлжилж байх хугацаанд хуулийн дагуу Ерөнхийлөгч, парламент болон орон нутгийн сонгууль зохион байгуулахыг хориглодог. Украины Дээд радын сонгууль 2023 оны 10 дугаар сарын 31-ний өдөр болох байсан ч дайны байдал зарласан тул сонгуулийг хойшлуулжээ.
Үүнээс өмнө, 10 дугаар сарын дундуур Израилын арми Газын зурвас дахь эмнэлэгт цохилт өгсний улмаас 800 гаруй хүн амиа алдаж байв. Тухайн үед мөн л өвчтөнүүдээс гадна олон хүн эмнэлэгийн барилга руу халдахгүй гэсэн найдлагатайгаар энэ газарт хоргодож байжээ.
ХАМАС бүлэглэл Израил руу халдах үедээ олзолсон хүмүүсийг сулласан нөхцөлд л Газын зурваст гал зогсоох боломжтой гэнж Биньямин Нетаньяху дахин онолцсон байна.
Бангладешт масс-маркет брендүүдэд бүтээгдэхүүн нийлүүлдэг 3,5 мянган даавууны үйлдвэр ажилладаг. Эдгээрт нийт дөрвөн сая гаруй хүн ажиллаж, үйлдвэрлэсэн барааны 85 хувь буюу 55 тэрбум долларын барааг гадаад орнууд руу экспортлодог аж. Энэ улсын үйлдвэрийн ажилчдын цалингийн доод хэмжээ нь 75 доллар бөгөөд энэ нь инфляци ихтэй улсад амжиргаанд хүрэлцэхгүй мөнгө юм. Улмаар ажилчид цалингаа гурав дахин нэмэгдүүлэхийг шаардаж байгаа аж.
Биткоины үнэ 2022 оны тавдугаар сарын зургааны өдрөөс хойш анх удаа 36 мянган долларыг давжээ. Энэ талаар Coindesk цахим хуудаснаас авсан эх сурвалжтайгаар ТАСС агентлаг мэдээлсэн байна.