НМХГ: Үйчилгээний газрууд гал тогооны стандартад анхаарах шаардлагатай
Мэргэжлийн хяналтын газраас Шинэ жилийн баярын өмнө хийж буй хяналт шалгалт, зөвлөн туслах үйлчилгээний талаар мэдээллээ. Мэргэжлийн хяналтын газраас баяр ёслолын үеэр урьдчилан сэргийлэх хяналт шалгалтыг хийж байгаа аж. Энэ хугацаанд 87 аж ахуй нэгжид хяналт шалгалт хийж, зөвлөгөө зөвлөмж өгчээ. Хүлээн авалт зохион байгуулж буй газруудад нийтлэг зөрчил илэрч байгаа гэнэ. Тухайлбал, Үйлчилгээний газрууд маш том үйлчилгээний танхимтай ч гал тогооны өрөө тасалгааны хэмжээ нь бага. Тоног төхөөрөмжийн хүрэлцээ хангамж муу. Температурын хяналт алдагдсан. Дээрх дурдсан стандартууд алдагдсанаар хоолны хордлого, халдвар гарч байна. Тиймээс эдгээрт анхаарч ажиллах шаардлагатай байгааг анхааруулав. Хоолны газар стандартын шаардлага хангасан барилга байгууламж, тоног төхөөрөмж, гарал үүсэл нь тодорхой хүнсний бүтээгдэхүүнээр батлагдсан жор технологийн дагуу мэргэжлийн боловсон хүчин хийж гүйцэтгэх ёстой.
