Цаг уурын байгууллагаас ирүүлсэн мэдээллээр өнөөдөр буюу 8 дугаар сарын 12-ны өдрийн байдлаар Сэлэнгэ мөрний нийт уртын дагууд, Хөвсгөлийн уулсаас эхтэй Эг, Хэнтий нурууны арын Улз зэрэг голуудын усны түвшин өмнөх өдрийнхөөс 10-15 см нэмэгдэж Сэлэнгэ, Дэлгэрмөрөн, Бэлтэс, Идэр, Тэс, Хэрлэн, Халх, Хархираа, Ховд голууд үерийн түвшинг 5-50 см давсан байна. Харин Орхон, Улз голууд үерийн аюултай түвшинг 25-30 см даван хүчтэй үерлэж байна.
Нийслэлийн хэмжээнд 2021 оны төсвийн хөрөнгөөр хийж буй тохижилт, бүтээн байгуулалтын ажил үргэлжилж байна. Энэ хүрээнд Хотын стандарт, орчны аюулгүй байдлын хяналт, зохицуулалтын газраас тохижилт, бүтээн байгуулалтын ажилд төсвийн хөрөнгийн үр ашгийг дээшлүүлэх зорилгоор захиалагч, гүйцэтгэгч байгууллагын инженер, техникийн ажилтнуудад стандарт, норм дүрмийг мөрдүүлэх, чанарын шаардлагыг хангуулахаар зөвлөмж өгч, нийт найман дүүргийн 109 байршилд ажиллалаа. Энэхүү ажил нь ирэх аравдугаар сарын 15 хүртэл үргэлжлэх юм.
Эрүүл мэндийн сайд С.Энхболд ЖАЙКА-ийн Монгол дахь төлөөлөгчийн газрын дарга хатагтай Тамуро Эрико-г хүлээн авч уулзав. Уулзалтын эхэнд Эрүүл мэндийн сайд С.Энхболд ЖАЙКА-Олон улсын хамтын ажиллагааны байгууллагаар дамжуулан эрүүл мэндийн салбарт буцалтгүй тусламж, техникийн хамтын ажиллагааны олон төсөл хөтөлбөрүүдийг хэрэгжүүлж, ихээхэн дэмжлэг туслалцаа үзүүлж ирсэнд талархал илэрхийлэв. ЖАЙКА-аар дамжин хэрэгжүүлсэн төсөл хөтөлбөрүүд нь цаг үеэ олсон, хэрэгцээ шаардлага өндөр, үр өгөөжтэй ажлууд байдгийг онцлон тэмдэглэлээ.
Бага насны хүүхэд могойд хатгуулах эрсдэл өндөр учраас хүүхдээ хараа хяналтгүй орхихгүй байхыг ЦЕГ-аас сэрэмжлүүлж байна. Могойд хатгуулсан тохиолдолд нэн яаралтай хамгийн ойр байрлах эмнэлэгт очих шаардлагатай.
Монгол Улсын Засгийн газрын байгуулсан гэрээний хүрээнд Япон Улсын Засгийн газрын буцалтгүй тусламжийн хөрөнгөөр санхүүжүүлж буй “КОВИД-19 цар тахал болон нийгмийн эрүүл мэндийн онцгой байдлын үеийн чадавхыг бэхжүүлэх төсөл”-ийн хүрээнд 117,000 тун Пфайзер/БиоНТех BNT162 вакциныг 8 дугаар сарын 11-ний өдөр хүлээн авлаа.
Зам засвар, хучилтын ажилтай холбоотойгоор Зүүн 4 замын уулзварыг өнөөдрөөс эхлэн дөрвөн хоногийн хугацаатай түр хаалаа.
АН-аас өнөөдөр 4:11 ээлжит мэдээллээ хийж, УИХ-ын нөхөн сонгуультай холбоотой асуудлаар мэдээлэв.
УИХ-ын сонгуулийн 18, 28 дугаар тойрогт 10 дугаар сарын 10-нд нөхөн сонгууль явагдана. УИХ-ын нөхөн сонгуульд улс төрийн намуудаас нэр дэвшигчдийн таамаг гарч байгаа.
Нэр бүхий таван иргэнийг саатуулан шалгахад тухайн иргэд нь зургаан удаагийн үйлдлээр Архангай, Завхан, Өвөрхангай аймаг, нийслэлийн Сонгинохайрхан, Багануур дүүргийн хийдүүдээс эд зүйлс хулгайлсан болохыг тогтоож, эрүүгийн хэрэг үүсгэж, яллагчаар татах санал хүргүүлж, мөрдөн шалгах ажиллагаа явагдаж байна.
Дорноговь аймгийн Даланжаргалан сумын Элдэв багийн “Зүүндалан” гэдэг газар өчигдөр хиймэл нууранд хүн осолджээ.
Энэ жил 80 мянга га газар иргэдэд эзэмшүүлэхээр болсон ч одоогоор 3000 га газрын хүсэлт ирсэн. Энэ системээс газрын байршлаа харсны дараа дүүргийн газрын албанд хүсэлт, өргөдлөө гаргаж, бичиг баримтаа бүрдүүлнэ.
Энэ хичээлийн жилд 1-5 дугаар ангийн 381 мянган хүүхэд үдийн хоол хөтөлбөрт хамрагдана. Энэ оны 9 дүгээр сарын 1-ний өдрөөс бага ангийн сурагчдыг Үдийн хоолны үйлчилгээнд хамруулж, тэдний нас биеийн онцлогт тохирсон эрүүл, шим тэжээллэг хоол хүнсийг тэнцвэртэйгээр хүргэх боломж бүрдлээ.
Эрүүл мэндийн яамнаас коронавирусийн халдварын 2021 оны 08 дугаар сарын 12-ны өдрийн нөхцөл байдлын мэдээллийг гаргажээ. Энэ өдөр шинээр 1433 тохиолдол бүртгэгджээ. Шинээр батлагдсан тохиолдлын 442 нь Улаанбаатар хотод, 1001 нь орон нутагт, байна. Мөн хугацаанд халдварын улмаас гурван хүн нас баржээ. Түүнчлэн сүүлийн 24 цагийн хугацаанд 2000 хүн эдгэрлээ.
Баянгол дүүргийн 4 дүгээр хорооны нутаг дэвсгэрт, 20-р сургуулийн хойд талын нийтийн эдэлбэр газарт зөвшөөрөлгүй байрлах, шинээр баригдах авто замын нөлөөлөлд өртсөн 53 ширхэг тоосгон гараашийг Баянгол дүүргийн Засаг даргын 2021 оны А/351 дүгээр газар захирамжийн хүрээнд албадан чөлөөлөх ажлыг Нийслэлийн Газар зохион байгуулалтын албаны албан хаагчид хийж гүйцэтгэж байна. Цэлгэр, цэвэрхэн, аюулгүй хоттой болохын төлөө хамтдаа хичээцгээе.
Өчигдөр Тээврийн цагдаагийн албаны жижүүрийн шуурхай удирдлагын төвд нийт 327 дуудлага мэдээлэл хүлээн авснаас зам тээврийн ослын шинжтэй 222 дуудлага мэдээлэл бүртгэгдсэн байна. Бүртгэгдсэн зам тээврийн ослын улмаас Нийслэлд 7 хүн гэмтэж, орон нутагт 3 гэмтэж, 1 хүний амь хохирсон.
Гандантэгчэнлин хийдийн Батцагаан дуганд маргааш Тэргүүн хамба лам Д.Чойжамцад бат оршил өргөх хурал болж байна. Монгол Улсын Ерөнхийлөгч Х.Баттулга зургадугаар сарын 14-ний өдөр Хамба Номун хан цол соёрхон батлах тухай 171 дүгээр зарлиг гаргажээ.
Олон нийтийн цахим сүлжээнд тархсан мэдээллийн дагуу Баянзүрх дүүргийн 11 дүгээр хорооны нутаг дэвсгэрт байрлах “Туул гарден” рестораны гадна талбайд бэлдсэн агаарын рестораны ашиглалт аюулгүй ажиллагаа болон техникийн бэлэн байдалд 2021 оны 08 дугаар сарын 10-ны өдөр хяналт шалгалтыг хийлээ. Үүнд:
"Токио-2020" олимпын наадамд оролцсон манай баг тамирчдын сүүлийн хэсэг өчигдөр буюу наймдугаар 12-ны орой 23 цагийн үед эх орондоо газардлаа. Тодруулбал, чөлөөт бөх, хөнгөн атлетикийн тамирчид, дасгалжуулагчид, МҮОХ, БТСУХ-ны ажилтнууд болон сэтгүүлчид тэргүүтэй 43 хүн эх орондоо ирсэн. Харин гавьяат тамирчин Б.Сэр-Од дасгалжуулагч О.Оюунтуяагийн хамт Японд үлдсэн бөгөөд Хоккайдод бэлтгэлээ үргэлжлүүлэн хийх гэнэ.
Иргэд ЭМД-аараа эмнэлгийн тусламж үйлчилгээ авахаас гадна рашаан сувилалд хөнгөлөлттэй үнээр амрах эрх нээгдсэн. Эрүүл мэндийн даатгалын тухайн хууль шинэчлэгдсэн холбогдуулан өнгөрсөн гуравдугаар сарын 01-нээс эхлэн Эрүүл мэндийн даатгалын үндэсний зөвлөлийн тогтоол гарч, хэрэгжиж эхэлсэнтэй. Үүнтэй холбоотой рашаан сувиллын тусламж үйлчилгээнд 250 мянган төгрөгний хөнгөлөлт эдлэх юм.
