Экологийн идэвхтнүүд ийнхүү хогоор суварга босгосон нь гол мөрний бохирдолд олон нийтийн анхаарлыг хандуулах зорилготой аж. Нил мөрнийг цэвэрлэхэд сайн дурынхан оролцсон бөгөөд цаашдаа нутгийн загасчдыг ч энэ ажилд татан оролцуулах төлөвлөгөөтэй байгаа гэнэ.
Японы Ерөнхий сайд Фумио Кисида Хойд Солонгосын удирдагч Ким Жон Унтай урьдчилсан нөхцөл тавихгүйгнээр уулзахад бэлэн гэнэ. Энэ талаар НҮБ-ын Ерөнхий ассамблейн чуулганд оролцох үеэрээ мэдэгдсэнийг Reuters дамжуулсан байна.
2017 онд колонийн аргаар анх удаа нохой гарган авч байсан Хятадын SinoGene компанийн судлаачид энэ удаад хойд туйлын чоно гарган авчээ. SCMP сонины мэдээлснээр, анхын эрүүл саруул бэлтрэг 100 өдрийн өмнө төрсөн бол хоёр дахь нь тун удахгүй төрөх гэнэ. Туршилт амжилттай болсон нь мөхөхийн ирмэг дээр байгаа эсвэл устсан амьтдыг аврах итгэл найдварыг төрүүлж байна гэж эх сурвалж онцолсон байна.
ОХУ-ын Гадаад хэргийн сайд Сергей Лавров дагалдан явах төлөөлөгчдийн хамт есдүгээр сарын 13-ны өдөр АНУ-ын виз авсан байна. Ингээд есдүгээр сарын 20-26-ны өдрүүдэд үргэлжлэх НҮБ-ын Ерөнхий ассамблейн 77 дугаар чуулганд оролцохоор болсон бөгөөд энэ үеэр зарим орны төрийн тэргүүн, гадаад хэргийн сайд нартай нийт 20 орчим уулзалт хийхээр төлөвлөжээ.
Ийнхүү олон улс энэхүү санал асуулгыг эсэргүүцэж байгаа бол хараахан эхлээгүй байгаа санал асуулгад саналаа өгөхийг хоригдлуудаас шаардаж байгаа гэх мэдээлэл гарсан байна. "Можем объяснить" гэх телеграм сувагт мэдээлснээр, албан ёсоор эхлээгүй байгаа олон нийтийн санал асуулгад эзлэгдсэн нутгуудыг ОХУ-ын бүрэлдэхүүнд нэгдэхийг дэмжиж байгаа санал өгөхийг хоригдлуудаас шаардан шахаж байгаа гэнэ. Энэ мэдээллийг сэтгүүлчид Ростов мужийн хоёр хорих газраас авсан эх сурвалжтайгаар дамжуулжээ. Эхний ээлжинд Украины паспорттой хоригдлуудыг шахаж байгаа бөгөөд цаашлаад бусад хоригдлуудаас ч санал авах байх гэж эх сурвалж мэдээлжээ.
Оросын хүний эрхийн болон ардчилсан хөдөлгөөн гээд нийт 20 гаруй төрийн бус байгууллага Оросын цэргүүдэд хандан уриалга гаргажээ. Энэ уриалга Төрийн думаар батлагдсан Эрүүгийн хуулийн нэмэлт өөрчлөлттэй холбоотой бөгөөд хууль хүчин төгөлдөр мөрдөгдөж эхлэхээс өмнө Украины дайнд оролцохоос татгалзах эсвэл сайн дураар олзлогдохыг Оросын цэргүүдэд хандан уриалсан мэдэгдлийг "Весна" хөдөлгөөний цахим хуудсан дээр нийтэлсэн байна.
2014 онд Украинд улс төрийн хямрал үүсэж, энэ үеэр салан тусгаарлах явц эхэлсэн бөгөөд Донецк мужид Оросыг баримтлагчид эсэргүүцлийн жагсаал хийж, Донецкийн мужийн захиргааны барилгыг эзлэн авсны дараа 2014 оны дөрөвдүгээр сарын долооны өдөр БНДАУ өөрсдийгөө тунхагласан юм. Тавдугаар сарын 11-ний өдөр өөрсдийгөө тодорхойлох олон нийтийн санал асуулга явуулсан бөгөөд үүнийг олон улсын төвшинд хүлээн зөвшөөрдөггүй. Түүнчлэн тавдугаар сарын 12-ны өдөр БНДАУ тусгаар тогтнолоо зарласан ч НҮБ-ын гишүүн нэг ч улс хүлээн зөвшөөрөөгүй юм.
Хоёрдугаар сард Украин руу түрэмгийлж, дайн дэгдээсэн ОХУ бие бүрэлдэхүүний хохирол ихээхэн амсаж, одоо хүн хүч дутагдаж байгаа гэж барууны шинжээчид удаа дараа мэдэгдэж байв. ОХУ "төрийн нууц" гэсэн шалтгаанаар дайнд амссан хохирлынхоо талаар огт зарлахгүй байгаа тул хичнээн цэрэг амиа алдсан, Оросын армид хичнээн цэрэг хэрэгтэй нь тодорхойгүй байгаа юм. Гэхдээ сүүлийн үед сайн дурын цэрэг элсүүлэхээр алслагдсан бүс нутгуудын оршин суугчдад өндөр шан харамж амлаж, хорих газруудад очин цэрэг элсүүлэхээр ухуулж байгаа нь ОХУ үнэхээр л бие бүрэлдэхүүний ноцтой хохирол амссан, үүнийгээ нөхөхөөр чармайж байгаа гэлтэй.
Израилийн Эйлат хотод амьдардаг залуу гэр бүлийг цагдаагийнхан саатуулжээ. Тэд цагдаагийн хэсэгт саатуулагдах болсон нь олон нийтийн сүлжээнд оруулсан бялууны зурагтай холбоотой гэнэ. Тэдний "хэргийн үнэн мөн"-ийг тогтооход цагдаагийнхан 10 хоног зарцуулсан хэмээн The Mirror мэдээлсэн байна.
Хэдэн жилийн өмнө 25 хоригдол Европын хүний эрхийн зөвлөлд хандан, хорих газрын нөхцөл муу байгаад гомдол мэдүүлсэн бөгөөд үүний дараа Европын хүний эрхийн зөвлөл Бельгийн эрх баригчдыг тухайн 25 хоригдолд тус бүр 5000 евро төлөхийг үүрэг болгож байв.
Оросын эрх баригчид Украин дахь сөргөлдөөнтэй нөхцөл байдлыг улс төр, дипломат аргаар зохицуулах хэтийн төлөв ажиглагдахгүй байна гэж үзэж байгаа аж. Энэ талаар ОХУ-ын Ерөнхийлөгч Владимир Путинийн хэвлэлийн нарийн бичгийн дарга Дмитрий Песков мэдэгдсэнийг Интерфакс дамжуулжээ.
H&M компани энэ оны 10 дугаар сард багтаан Сибирь, Алс Дорнод дахь 20 худалдааны цэгээ хаахаар болжээ. Энэ талаар арилжааны үл хөдлөхийн зах зээлийн эх сурвалжаас авсан мэдээлэлтэйгээр "Ъ" агентлаг мэдээлсэн байна.
Энд дуулгахад, долдугаар сарын 19-ний өдөр Ираны бирж дээр ираны риал болон орос рублийг хослуулан худалдах арилжаа эхэлсэн бол Газпром компани Исламын Бүгд Найрамдах Улсын нутагт 40 тэрбум долларын өртөг бүхий шинэ төслүүд эхлүүлэхээр болсон талаар зарлаж байлаа.
Японд "Нанмадол" хар салхины улмаас хоёр хүн амиа алдаж, 150 гаруй хүн бэртэж гэмтсэн талаар NHK агентлаг мэдээлжээ. Миязаки мужид хөрсний нуранга болж байшин нь сүйдсэний улмаас нэгэн эр нурангад даруулж амиа алдсан бол өөр нэг хүнийг живсэн машинд амиа алдсан байхыг, олсон гэнэ. Түүнчлэн Хирошима мужид нэг хүн ор сураггүй болсонд тооцогдож байгаа аж.
ОХУ Украин дахь сөргөлдөөнийг аль болох хурдан дуусгах эрмэлзэлтэй байгаа гэж Туркийн Ерөнхийлөгч Режеп Тайип Эрдоган үзэж байгаа аж. Тэрбээр Узбекистанд ОХУ-ын Ерөнхийлөгч Владимир Путинтэй уулзсаныхаа дараа ийм дүгнэлтэд хүрсэн гэнэ.
Ийнхүү үнэ өсөж байгаа нь Орос Украин руу түрэмгийлсэнтэй ч холбоотой гэж шинжээчид үзэж байгаа аж. Учир нь Орос, Украин үр тариа, улаан буудай, эрдэнэ шиш, наран цэцэг, бордооны томоохон экспортлогчид байсан бөгөөд дайн эхэлснээр Украины боомтуудаас тээвэрлэлт хийхэд хүндрэлтэй болсон бол Орос улс хоригт орсон юм.
Их Британийн Ерөнхий сайд Лиз Трасс НҮБ-ын Ерөнхий ассамблей дээр үг хэлэх үеэрээ ирэх 2023 онд Украинд үзүүлэх цэргийн тусламжийн талаар мэдэгдэнэ гэж Financial Times сонин мэдээлжээ.
ОХУ хоёрдугаар сарын 24-ний өдөр Украинд дайн өдүүлж, энэ дайнд цэргийн бие бүрэлдэхүүний хохирол ихээхэн амссан тул сайн дурын хөлсний цэргүүдийг татах аян Орос даяар өрнөж байгаа талаарх мэдээллийг Оросын хараат бус хэвлэлүүд дамжуулсаар байгаа юм. Өмнөх цалин хөлсөөс өндөр шан харамж амлаж байгаа ч амь насаараа дэнчин тавьж сайн дурын цэрэг болох хүсэлтэй хүн ховор байгаа тул гэмт хэрэг үйлдэн, хорих газарт ял эдэлж байгаа хүмүүсийг цэрэгт элсүүлэх болсон гэх мэдээлэл сүүлийн үед ихээхэн тархаж байна.
Казахстанд шинэ журам үйлчилж эхэлсэнтэй холбоотойгоор Оросын ачааны машинуудыг Казахстаны хил дээр саатуулж байгаа гэнэ. Энэ талаар Олон улсын авто тээвэрлэгчдийн холбоо мэдээлснийг deita.ru дамжуулсан байна.
Оросын Известия сонины мэдээлснээр, БНДАУ-ын тэргүүн Денис Пушилин БНЛАУ-ын тэргүүнд хандан олон нийтийн санал асуулгад хамтдаа бэлдэх санал тавьжээ. Үүний зэрэгцээ Украины Херсон мужид Орост нэгдэх санал асуулгыг аль болох хурдан зохион байгуулахыг Оросын талаас томилсон захиргааныхан мэдэгдсэн байна. Ийм мэдэгдлийг Херсон мужийн Оросын хяналттай захиргааны орлогч дарга Кирилл Стремоусов хийсэн бөгөөд түүний өгүүлснээр "Орос улс явчихна гэдгээс айж байгаа", "Орос тэднийг орхихгүй гэдэгт итгэлтэй байхыг хүссэн" нутгийн оршин суугчид ийм санал тавьж байгаа гэнэ.