Японы Ерөнхий сайд асан Шинзо Абэг сүүлчийн замд нь үдэх төрийн ёслол өнөөдөр буюу есдүгээр сарын 27-ны мягмар гарагт болно. Ёслолын ажиллагаа Токио хотын "Ниппон будокан" цогцолборт болох бөгөөд оршин суугчид салах ёс хийж эхэлжээ.
Дайчилгаанаас зугтаж буй оросуудын дамжин өнгөрөх бүс болохоос болгоомжилсон Финландын Засгийн газар ойрын өдрүүдэд аяллын визтэйгээр хил нэвтрэх хүсэлтэй Оросын бүх иргэнийг нэвтрүүлэхэд хориг тавихаар зэхэж байгаа хэмээн мэдэгдсэн юм. Харин төрөл төрөгсөд дээрээ очих, суралцах эсвэл ажлаар яваа бол Финланд руу нэвтрэхийг зөвшөөрөх юм байна.
Туркийн Мерсин хотод орон нутгийн цагдаагийн газрын ойролцоо дэлбэрэлт болжээ. Энэ талаар Ройтерс агентлаг мэдээлсэн байна. Эх сурвалжийн мэдээлснээр дэлбэрэлт болохын өмнө хууль сахиулагчдын дүрэмт хувцасыг өмссөн үл мэдэгдэх гурван этгээд цагдаагийн газар руу нэвтрэхийг завджээ.
ОХУ-д дайчилгаа зарлахаас өмнөх өдөр нь Эрүүгийн гэмт хэрэгт өөрчлөлт оруулан, цэргийн албанаас оргон зайлах, сайн дураар олзлогдох цэрэг фронт дээр гарч болзошгүй хэргүүдэд оноох ялыг чангатгасан юм. Үүний дараа Оросын хүний эрхийг хамгаалагч байгууллагууд төдийгүй Украины тал байлдаж байгаа оросуудыг олзонд бууж өгөхийг уриалж байлаа. Үүнээс өмнө ч Украины зэвсэгт хүчнийхэн орос цэргүүдийн байршил рууи бууж өгөх зааварчилгаа бүхий сум илгээж байгаа гэх мэдээлэл гарч байсан юм.
Холбооны аюулгүй байдлын албаны мэдээлснээр, дээрх мэдээллийг авахын тулд мөнгө амалсан гэх бөгөөд консул бэлэн мөнгөтэй явж байгаад саатуулагджээ. Энэ хэргээс болж Оросын тал дипломат сувгаар дамжуулан Японд эсэргүүцэл илэрхийлсэн байна.
ОХУ-ын Ерөнхийлөгч Владимир Путин хоёрдугаар сарын 24-ний өдөр "тусгай цэргийн ажиллагаа" эхлүүлэх тушаал өгснөөр Оросын арми хөрш Украин руу халдаж, дайн эхэлснээр өдгөө хагас жилийн нүүр үзээд байна. Энэ хугацаанд олон мянган хүн орон гэрээ орхин дүрвэхээс аргагүй болсон бол дайны улмаас 6000 орчим энгийн иргэн амиа алдсан гэж НҮБ мэдээлжээ.
Тагнуулын төв газар, Үндэсний аюулгүй байдлын агентлагийн ажилтан асан Эдвард Сноуден 2013 онд Америкийн цахим хяналтын талаарх нууц мэдээллийг нийтэлж байсан. Тодруулбал, энэ нууц бичиг баримтад АНУ-ын тусгай албад гадаад улс орнуудын өндөр албан тушаалын 35 хүний утасны яриаг чагнадаг байсан гэсэн мэдээлэл агуулагдаж байв. Пентагоны нууц илтгэлд өгүүлснээр Сноуден хоёр сая орчим нууц файл авсан гэнэ. Ингээд 2013 онд Сноуден АНУ-ыг орхин, Хонконг руу зугтаж, дараа нь Орост ирэн, оршин суух хугацаагүй эрх авсан юм.
Ижевск хотын №88 дугаар сургуульд буун дуу гарсан талаар даваа гарагт Оросын телеграм сувгуудаар анх мэдээлэл гарсан. Хотын төвд байх, 928 хүүхэд, 80 багштай энэ сургуульд хичээл орж байх үеэр халдлага болжээ. Регнум агентлагийн мэдээлснээр, хар хувцас өмссөн нэгэн эр сургууль руу нэвтэрч, хоёр хамгаалагчийг буудаад дараа нь хүүхдүүд болон багш нар руу буудсан байна.
Германы нийслэл Берлин хотод барилгын ажлын үеэр Дэлхийн хоёрдугаар дайны үеийн бөмбөг олжээ. Энэ бөмбөгийг өнөөдөртөө багтаан аюулгүй болгох ёстой гэж DW агентлаг мэдээлсэн байна.
Easyjet агаарын тээврийн компанийн Италийн Миланаас Неаполь чиглэн нисэж явсан онгоц аянганд цохиулсан талаар Messaggero сонин мэдээлжээ. Улмаар онгоц Бари хотод ослын буулт хийсэн байна.
Есдүгээр сарын 26-ны даваа гарагт Пакистаны Белужистан мужид цэргийн нисдэг тэрэг сүйрсэн талаар тус улсын Зэвсэгт хүчний хэвлэлийн алба мэдээлснийг Ройтерс агентлаг дамжуулжээ.
Өнгөрсөн ням гарагт Италид гишүүдийн танхим болон сенатын гэсэн парламентын сонгууль боллоо. Энэ нь парламентын ээлжит бус сонгууль байсан бөгөөд сонгуулийн урьдчилан дүнгээр парламентын хоёр танхимд хоёуланд нь барууны төвийн эвсэл олонхийн суудал авчээ.
The Jerusalem Post сонин "Дэлхийн хамгийн нөлөө бүхий еврейчүүд" жагсаалтаа гаргажээ. Тус сонины редакци жил бүр энэ жагсаалтыг шинэчлэн гаргадаг бөгөөд жагсаалтыг энэ жил Украины Ерөнхийлөгч тэргүүлсэн байна.
Улмаар шүүх түүнд хоёр жилийн хойшлуулах нөхцөлтэйгээр цаазын ял оноожээ. Хойшлуулах хугацаа дууссаны дараа түүний ялыг хөнгөрүүлэх эсвэл хугацаанаасаа өмнө суллагдах эрхгүйгээр бүх насаар нь хорих ялаар сольж магадгүй гэнэ.
ОХУ Украины эсрэг дайн өдүүлсний улмаас дэлхийн улс орнууд төрөл бүрийн хориг арга хэмжээ авч хэрэгжүүлсэн. Дайн эхлээд хагас жил болсон ч ОХУ түрэмгийллээ зогсоохгүй байгаа тул энэ улсыг чиглэсэн хориг арга хэмжээнүүдээ улс орнууд ээлж дараалан өргөжүүлсээр байна.
Оросын олзонд хэдэн мянган украин хүн үлдсэн талаар Украины дэд сайд Ирина Верещук ВВС агентлагт ярилцлага өгөх үеэрээ мэдэгджээ. Олзны хүмүүсийн дунд эмэгтэйчүүд, энгийн иргэд байгааг ч онцолсон байна.
Эх сурвалжийн мэдээлснээр, зохих өөрчлөлтүүдийг Гэр бүлийн тухай шинэ хуульд оруулахаар зэхэж байгаа гэнэ. Кубын Ерөнхийлөгч Мигель Диас-Канель энэ хуулийг "бүгдэд эрх, баталгаа олгох шударга, шаардлагатай, тулгамдсан, орчин үеийн хууль" хэмээн нэрлэсэн байна.
Орос цөмийн зэвсэг ашигласан тохиолдолд авч хэрэгжүүлэх төлөвлөгөөг Вашингтон боловсруулсан гэж АНУ-ын Төрийн нарийн бичгийн дарга Энтони Блинкен мэдэгдсэнийг CBS суваг мэдээлсэн байна.
Оросын ерөнхийлөгч Владимир Путин есдүгээр сарын 21-ний өдөр ОХУ-ын Ерөнхийлөгч Владимир Путин хэсэгчилсэн дайчилгаа зарласнаар дайчилгааны насны эрчүүд олноор хилийн чанадыг зорих болж, тийзний эрэлт огцом нэмэгдсэн бол хил залгаа улс орнууд руу орох хуурай замын хилийн боомт дээр урт дараалал үүсэж байгаа талаар олон улсын хэвлэлүүд мэдээлж байлаа. Гадаад улсыг зорих эрчүүдийн энэ урсгалыг ОХУ-ын эрх баригчид хүчээр зогсоож болзошгүй байна.
Иранд "хижабаа буруу өмссөн" хэмээн буруутгагдан цагдаагийнханд баривчлагдаж, улмаар нас барсан залуу бүсгүйн үхэлтэй холбоотойгоор эмэгтэйчүүд эрхийнхээ төлөө жагсан тэмцэж, улмаар энэ эсэргүүцэл Ираныг бүхэлд нь хамарч, эсэргүүцэл нь эмх замбараагүй байдал болон хувирсан юм. Эсэргүүцэгчдийг тараахын тулд хууль сахиулагчид хүч хэрэглэж байгаа гэх мэдээлэл гарч байсан бөгөөд энэ үеэр идэвхтнүүдийн нэг бүсгүйг буудан хороосон талаар Ираны сэтгүүлч Масих Алинежад мэдэгджээ.