Хятадын Ардын чөлөөлөх арми Тайванийн ойролцоо, тэнгисийн зургаан хэсэгт байлдааны буудлага бүхий өргөн цар хүрээтэй цэргийн сургуулилалтыг пүрэв гарагт эхлүүлжээ. Энэ талаар Хятадын Төв телевиз мэдээлсэн байна.
Коронавируст халдвараар сүүлийн 24 цагт 1 нас баралт бүртгэгдэж нийт нас баралтын тохиолдлын тоо 2121 боллоо. Улсын хэмжээнд коронавирусийн халдварын 372 шинэ тохиолдол батлагдсанаас 157 нь Улаанбаатарт, 215 нь орон нутагт бүртгэгдэв.
ОХУ-ын Москва болон Петербург хотуудад дипломат ажилтнууд, олон улсын байгууллагын ажилтнууд болон тэдний гэр бүлийнхэнд үйлчлэх татваргүй барааны дэлгүүр нээхээр болжээ. Зохих тогтоолыг Оросын Засгийн газар гаргасан талаар Медуза мэдээлсэн байна.
Наймдугаар сарын гуравны өдөр наадмын зургаа дахь өдөр өндөрлөсөн бөгөөд зургаа дахь өдрийн дүнгээр 35 алт, 30 мөнгө, 27 хүрэл медальтайгаар Сибирийн холбооны тойрог 20 баг тамирчдыг тэргүүлж байгаа бол Монгол Улсын баг нэг мөнгө, гурван хүрэл медальтайгаар 12 дугаар байранд бичигджээ.
GT сонины мэдээлснээр, Пинду хотын хүүхдийн цэцэрлэгт үл таних эр орж ирэн, гурван хүнийг хөнөөж, зургаан хүн шархдуулжээ. Энэ халдлагад хүүхдүүд өртсөн эсэх талаар цагдаагийн газраас мэдээлээгүй байна.
Африкийн орнуудад бүртгэгдэж байсан сармагчны цэцэг өвчнийг ДЭМБ-аас 2022 оны долоодугаар сарын 23-ны өдөр “Нийгмийн эрүүл мэндийн ноцтой байдал” гэж зарласантай холбогдуулан 2022 оны наймдугаар сарын 4-нөөс эхлэн гадаад орноос ирэх зорчигчид “Эрүүл мэндийн мэдүүлэг” бөглөхөөр боллоо.
БНХАУ-ын дарга Ши Жиньпинтэй шууд харилцах хүсэлтэй байгаагаа Украины Ерөнхийлөгч Владимир Зеленский мэдэгджээ. Хятадын зах зээлгүй бол Орос улс эдийн засгийн бүрэн тусгаарлалтад орно гэж үзэж байгаагаа тэрбээр илэрхийлсэн байна.
Монгол Улсын стратегийн салбарын бүтээн байгуулалтыг санаатайгаар тасалдуулж, хорлон сүйтгэх үйл ажиллагаа явуулсан үйлдлүүдийг хууль хяналтын байгууллагаар шалгуулах, алдагдсан боломжийн өртгийг нэхэмжлэх чиг үүрэг бүхий ажлын хэсэг байгууллаа.
Албаныхны онцолсноор, Америкийн пуужин оносон тэрхүү байшинд аз-Завахири байсан эсэх нь баталгаагүй гэнэ. Мөн аз-Завахири хаан байгааг хэн ч мэдэхгүй байгаа хэмээн онцолжээ.
Монгол Улс НҮБ-д элссэний 60 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх НҮБ-ын Ерөнхий нарийн бичгийн даргыг Монгол Улсад айлчлахыг урьсан билээ. Айлчлалтай холбогдуулан Ерөнхий нарийн бичгийн дарга Антонио Гутерреш Монгол Улсын Ерөнхийлөгч Ухнаагийн Хүрэлсүхэд захидал ирүүлжээ.
Цөмийн зэвсэг эзэмших асуудал дээр БНАСАУ-ыг буруутгах эрх хэнд ч байхгүй гэж НҮБ-ын дэргэдэх Хойд Солонгосын байнгын төлөөлөгч мэдэгджээ. Энэ мэдэгдэлд, Пхеньян өөрсдийгөө хамгаалах эрхтэй, мөн Хойд Солонгос Цөмийн зэвсэг үл дэлгэрүүлэх гэрээнд багтдаггүй хэмээн онцолсныг ТАСС дамжуулсан байна.
2022.08.04-нд Улаанбаатар хотод суурин 31 цэг, түр 3 цэгт 34 багийн 133 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой.
Ган гачиг нүүрлэсний улмаас ундны ус хомстож байгаа талаар Нидерланд, Францын эрх баригчид мэдэгджээ. NBC агентлагийн дамжуулснаар, "бүс нутгийн төвшинд биш харин үндэсний хэмжээнд шийдвэр гаргах шаардлагатай" байдалд хүртлээ нөхцөл байдал хүндэрсэн гэж Нидерландын Дэд бүтэц, усны нөөцийн сайд Марк Харберс мэдэгдсэн байна.
Тус замын баруун талын урсгалыг өнгөрсөн амралтын өдрүүдээр хааж, хучилт хийсэн. Харин зүүн талын урсгалын зорчих хөдөлгөөнийг энэ баасан гарагийн шөнө буюу наймдугаар сарын 6-ны 00:00 цагаас наймдугаар сарын 8-ны 06:00 цагийн хооронд хязгаарлан, хучилт хийх гэж байна. Замын хөдөлгөөн хязгаарлах хугацаанд инженерийн шугам сүлжээний худгийн тагийг хучилтын түвшинд тааруулж, асфальт бетон хучилтыг хүчитгэхийн дээр замын тэмдэг тэмдэглэгээ хийх юм.
Хэлэлцээр байгуулах үеэр Монгол Улсын Спортын хорооны дарга Жаргалсайхан Доржсүрэн нийтийн спортыг хөгжүүлэх зорилгоор арга хэмжээ зохион байгуулах тал дээр туршлага солилцохын чухлыг онцолсон байна.
Өнөөдөр Хэнтийн уулархаг нутаг, Дорнод, Дарьгангын тул нутгаар усархаг дуу цахилгаантай аадар бороо орох тул болзошгүй мөндөр, нөөлөг салхи, үер усны аюулаас сэрэмжтэй байхыг анхааруулж байна
Нэнси Пелосигийн айлчлалд БНХАУ ийнхүү сүр дуулиантай хандсан нь учиртай. Энэ нь сүүлийн жилүүдэд АНУ-ын ийм өндөр албан тушаалтан Тайваньд айлчилж байгаа анхны тохиолдол болж байгаа юм. Мөн Пелосигийн албан тушаал нь маш өндөр, төрийн гурав дахь том албан тушаал.
Харин Арменийн хувьд Уулын Карабах бие даасан статустай байх ёстой гэж үздэг бөгөөд Азербайжаны бүрэлдэхүүнд эргүүлэн оруулахыг хүлээн зөвшөөрдөггүй. Мөн Уулын Карабахын статусыг олон улс хүлээн зөвшөөрөх ёстой хэмээн үздэг байна. 2020 оны зун хоёр орны батлан хамгаалах яам Азербайжан, Армений хил дээр тулаан дахин эхэлсэн талаар мэдэгдэж байв. Нөхцөл байдал долдугаар сарын 12-ны өдөр хурцдаж байсан юм. Талууд нэгнээ сөргөлдөөнийг өдөөсөн , гал зогсоох горимыг зөрчсөн гэж буруутгаж байв. Аль аль тал нь хохирол амсаж, есдүгээр сарын 27-ны өдөр ээлжит дайн эхэлжээ.
Түүний өгүүлснээр Украины Зэвсэгт хүчин шуурган галын тийрэлтэт системийг Оросын түрэмгийллээс хамгаалахын тулд үр ашигтай ашиглаж байгаа гэнэ.
Засгийн газрын өнөөдрийн ээлжит хуралдаанаас Монгол Улсад үүссэн өр, бондын зарцуулалтыг бүхэлд нь шалгах ажлын хэсгийг байгуулав. Ажлын хэсгийн ахлагч, Сангийн сайд Б.Жавхлан энэ талаар мэдээлэл хийлээ. Монгол Улсад, Монгол Улсын Засгийн газрын хувьд ойрын хугацаанд, тодруулбал, ойрын 3 жилд өр, зээлтэй холбоотой ямар ч дефольт зарлах нөхцөл байдал үүсээгүй, тийм нөхцөл байдал гараагүй гэдгийг албан ёсоор мэдэгдлээ.