Хүнсний бүтээгдэхүүний үнэ өсөж, эрчим хүчний хэрэглээний төлбөр нэмэгдэж байгааг эсэргүүцсэн бельгичүүд лхагва гарагт эсэргүүцлийн жагсаал зохион байгуулжээ. Евроньюс агентлагийн мэдээлснээр, энэ жагсаалд 10 мянга гаруй хүн оролцсон байна.
ОХУ-ын Ерөнхийлөгч Владимир Путин есдүгээр сарын 21-ний өдөр "хэсэгчилсэн дайчилгаа" зарласан. Түүний энэ мэдэгдлийн дараа Оросоос явах гэсэн хүмүүсийн тоо огцом нэмэгдэж, тийзний эрэлт өсөн, визгүй зорчдог орнуудыг чиглэсэн оросуудын цуваа тасрахгүй байгаа талаар хэвлэлүүд мэдээлж байна. Мөн дайчилгаанаас зайлсхийж өөрийгөөт зориуд бэртээж гэмтээх тохиолдол гарахаас сэргийлж Оросын төрийн хяналттай хэвлэлүүд анхааруулсан мэдээллүүд гаргаад эхэлжээ.
Энэ тушаалын дагуу Буриадын цэргийн комиссарын газрууд зарлан дуудах, бэлтгэл цэргүүдийг цуглуулах штабуудыг байгуулж эхэлжээ. "Номер один" сонины мэдээлснээр, Зэвсэгт хүчинд алба хааж байсан, тодорхой мэргэжил, туршлагатай бэлтгэл цэргүүдийг эхний ээлжинд зарлан дуудна гэж Буриадын Засгийн газар мэдэгдсэн байна.
Харин Оросын талд хүлээлгэн өгсөн хүмүүсийн дунд Виктор Медведчук байсан аж. Виктор Медведчук бол Украины Дээд радын гишүүн, "Сөрөг хүчний тавцан-Амьдралын төлөө" намын дарга юм. Тэрбээр өөрийгөө Владимир Путинтэй загалмайлсан төрөл садны холбоотой хэмээн мэдэгдэж байлаа.
Түүнчлэн хил орчмын хотууд руу нисэх дотоод нислэгийн тийзний эрэлт ч огцом нэмэгдсэн байна. Тухайлбал, Москвагаас Гүржтэй хиллэх Владикавказ хот руу хүрэх нислэгийн тийзний үнэ лхагва гарагт 10 дахин нэмэгдэж, 750 долларт хүрчээ. Монгол руу хүрэх нислэгийн тийзний эрэлт есдүгээр сарын 20-ны өдрөөс л огцом нэмэгдсэн гэх бөгөөд ойрын 2-3 өдрийн тийз олдохгүй байгаа талаар Буриадын хэвлэлүүд мэдээлжээ.
Туркменд 40-өөс доош насны эмэгтэйчүүдийг жолоо барихыг хориглосон "нууц захирамж" гарч, 40-өөс доош насныхан өөрийн нэр дээр автомашин худалдаж авах, бүртгүүлэх боломжгүй болсон талаар "Хроника Туркменистана" сайт мэдээлжээ.
Старлинк хиймэл дагуулын сүлжээнд Орос, Афганистан, Беларусь, Венесуэль, Иран, Куб, Хятад, Хойд Солонгос болон Сирийн иргэд нэгдэх боломжгүй гэнэ. Түүнчлэн Орос улс "хүлээлгийн жагсаалт"-д ч багтаагүй, "удахгүй нэгдэнэ" гэсэн ангилалд ч Оросыг оруулаагүй байна.
- Өдөр бүр иргэдийн дээрээс цохилт өгч байгааг бид харж байна. Эмнэлэг, хүн олон цугласан газрын дээрээс цохилт өгч байна. Энэ бол барууны зааварлагчдынхаа хяналтан дор хийж буй үйлдэл. Ийм зааварлагч олон бий, хамгийн сүүлд 150 ирсэн. Барууны командлал Киевээс ажиллагааг удирдаж байна.
Ард түмэндээ хандсан үгэндээ Владимир Путин ОХУ даяар хэсэгчилсэн дайчилгаа зарлаж байгаагаа мэдэгдлээ. Ийм шийдвэр хэдийнэ гарсан, батлагдсан гэж тэрбээр есдүгээр сарын 21-ний мэдэгдлээрээ онцолсон юм.
Японы Ерөнхий сайд агсан Шинзо Абэгийн төрийн оршуулгыг эсэргүүцсэн нэгэн эр лхагва гарагийн өглөө эрт Токио хотноо Японы Ерөнхий сайдын захиргааны гадна өөрийгөө шатаасан гэж Кyodo мэдээлжээ.
АНУ-ын Нью-Йорк хотноо НҮБ-ын Ерөнхий ассамблейн 77 дугаар чуулган үргэлжилж байна. НҮБ-ын гишүүн орнуудын төрийн тэргүүн, гадаад хэргийн сайд нар чуулсан энэ уулзалтад Украины Ерөнхийлөгчийн гэргий Елена Зеленская тус улсын Ерөнхий сайд Денис Шмыгальтай хамт ирсэн гэсэн мэдээлэл гарсан юм.
Оройтож унтдаг хүмүүст эрч хүчээ олж авахад зориулагдсан өөх шатаах чадвар нь буурдаг гэдгийг АНУ-ын Ратгерийн их сургуулийн эрдэмтэд тогтоожээ. Ингэснээр бие организмд өөх тос хуримтлагдаж, чихрийн шижин, зүрх судасны өвчин үүсэх эрсдэлийг нэмэгдүүлдэг гэнэ. Эрдэмтдийн хийсэн судалгааны дүн Experimental Physiology сэтгүүлд нийтлэгджээ.
Геополитикийн нөхцөл байдал дахин эрс хурцадсан нь Буриадад ч нөлөөллөө хэмээн Буриадын "Номер один" сонин бичжээ. Эх сурвалжийн мэдээлснээр, Буриадыг гадаад ертөнцтэй холбодог цорын ганц агаарын чиглэл болох Монголыг чиглэсэн нислэгийн тийз есдүгээр сарын 20-ны өдрөөс эрс өссөн гэнэ.
Экологийн идэвхтнүүд ийнхүү хогоор суварга босгосон нь гол мөрний бохирдолд олон нийтийн анхаарлыг хандуулах зорилготой аж. Нил мөрнийг цэвэрлэхэд сайн дурынхан оролцсон бөгөөд цаашдаа нутгийн загасчдыг ч энэ ажилд татан оролцуулах төлөвлөгөөтэй байгаа гэнэ.
Японы Ерөнхий сайд Фумио Кисида Хойд Солонгосын удирдагч Ким Жон Унтай урьдчилсан нөхцөл тавихгүйгнээр уулзахад бэлэн гэнэ. Энэ талаар НҮБ-ын Ерөнхий ассамблейн чуулганд оролцох үеэрээ мэдэгдсэнийг Reuters дамжуулсан байна.
2017 онд колонийн аргаар анх удаа нохой гарган авч байсан Хятадын SinoGene компанийн судлаачид энэ удаад хойд туйлын чоно гарган авчээ. SCMP сонины мэдээлснээр, анхын эрүүл саруул бэлтрэг 100 өдрийн өмнө төрсөн бол хоёр дахь нь тун удахгүй төрөх гэнэ. Туршилт амжилттай болсон нь мөхөхийн ирмэг дээр байгаа эсвэл устсан амьтдыг аврах итгэл найдварыг төрүүлж байна гэж эх сурвалж онцолсон байна.
ОХУ-ын Гадаад хэргийн сайд Сергей Лавров дагалдан явах төлөөлөгчдийн хамт есдүгээр сарын 13-ны өдөр АНУ-ын виз авсан байна. Ингээд есдүгээр сарын 20-26-ны өдрүүдэд үргэлжлэх НҮБ-ын Ерөнхий ассамблейн 77 дугаар чуулганд оролцохоор болсон бөгөөд энэ үеэр зарим орны төрийн тэргүүн, гадаад хэргийн сайд нартай нийт 20 орчим уулзалт хийхээр төлөвлөжээ.
Ийнхүү олон улс энэхүү санал асуулгыг эсэргүүцэж байгаа бол хараахан эхлээгүй байгаа санал асуулгад саналаа өгөхийг хоригдлуудаас шаардаж байгаа гэх мэдээлэл гарсан байна. "Можем объяснить" гэх телеграм сувагт мэдээлснээр, албан ёсоор эхлээгүй байгаа олон нийтийн санал асуулгад эзлэгдсэн нутгуудыг ОХУ-ын бүрэлдэхүүнд нэгдэхийг дэмжиж байгаа санал өгөхийг хоригдлуудаас шаардан шахаж байгаа гэнэ. Энэ мэдээллийг сэтгүүлчид Ростов мужийн хоёр хорих газраас авсан эх сурвалжтайгаар дамжуулжээ. Эхний ээлжинд Украины паспорттой хоригдлуудыг шахаж байгаа бөгөөд цаашлаад бусад хоригдлуудаас ч санал авах байх гэж эх сурвалж мэдээлжээ.
Оросын хүний эрхийн болон ардчилсан хөдөлгөөн гээд нийт 20 гаруй төрийн бус байгууллага Оросын цэргүүдэд хандан уриалга гаргажээ. Энэ уриалга Төрийн думаар батлагдсан Эрүүгийн хуулийн нэмэлт өөрчлөлттэй холбоотой бөгөөд хууль хүчин төгөлдөр мөрдөгдөж эхлэхээс өмнө Украины дайнд оролцохоос татгалзах эсвэл сайн дураар олзлогдохыг Оросын цэргүүдэд хандан уриалсан мэдэгдлийг "Весна" хөдөлгөөний цахим хуудсан дээр нийтэлсэн байна.
2014 онд Украинд улс төрийн хямрал үүсэж, энэ үеэр салан тусгаарлах явц эхэлсэн бөгөөд Донецк мужид Оросыг баримтлагчид эсэргүүцлийн жагсаал хийж, Донецкийн мужийн захиргааны барилгыг эзлэн авсны дараа 2014 оны дөрөвдүгээр сарын долооны өдөр БНДАУ өөрсдийгөө тунхагласан юм. Тавдугаар сарын 11-ний өдөр өөрсдийгөө тодорхойлох олон нийтийн санал асуулга явуулсан бөгөөд үүнийг олон улсын төвшинд хүлээн зөвшөөрдөггүй. Түүнчлэн тавдугаар сарын 12-ны өдөр БНДАУ тусгаар тогтнолоо зарласан ч НҮБ-ын гишүүн нэг ч улс хүлээн зөвшөөрөөгүй юм.