Японы Засгийн газрын тооцоолж байгаагаар, Шинзо Абэг оршуулах ёслолд 6,4 мянган хүн оролцох аж. Төрийн ёслолд Францын Ерөнхийлөгч Эммануэль Макрон, АНУ-ын дэд ерөнхийлөгч Камала Харрис, АНУ-ын Ерөнхийлөгч асан Барак Обама болон бусад өндөр албан тушаалтнууд оролцох юм байна.
Энэ мэдээлэлтэй холбоотойгоор лхагва гарагт Торонтогийн бирж дээр арилжаа эхлэх үеэр Тurquoise Hill-ийн хувьцааны үнэ 22,5 хувиар өсөж, 37 канад доллар болсон байна.
Их Британи улс зургадугаар сард анх удаагаа Оросоос түлш авахаа зогсоосон гэж Үндэсний статистикийн газар мэдээлснийг ВВС агентлаг дамжуулжээ.
БНХАУ-ын их, дээд сургуульд суралцагч гадаадын оюутнууд, тэдний гэр бүлийн гишүүд 2022 оны 8 дугаар сарын 22-ны өдрөөс эхлэн сургалтын урт хугацааны виз мэдүүлж, визээ авсны дараа танхимаар суралцах боломжтой боллоо.
Хятадын төв хэсэгт нүүрлэсэн цахилгаан эрчим хүчний хангамжийн асуудал томоохон үйлдвэрүүдэд ч нөлөөлсөн бөгөөд зарим үйлдвэрүүд түр хугацаагаар хаалгаа барьсан гэж Хятадын хэвлэлүүд мэдээлсэн байна.
Оросын арми Украины Днепропетровск мужийн Чаплино төмөр замын өртөөнд пуужингийн цохилт өгсний улмаас 15 хүн амиа алдаж, 50 хүн шархаджээ. Энэ талаар Украины Ерөнхийлөгч Владимир Зеленский наймдугаар сарын 24-нд НҮБ-ын Аюулгүйн зөвлөлийн хуралдаанд цахимаар оролцон үг хэлэхдээ мэдэгджээ.
БНХАУ-ын Улсын валют зохицуулах газар лхагва гарагт хэд хэдэн банк руу утсаар залгаж, юань их хэмжээгээр зарахгүй байхыг анхааруулсан гэж олон улсын хэвлэлүүд мэдээлжээ.
ОХУ хоёрдугаар сард Украинд дайн өдүүлснийхээ улмаас хоригт орж, улмаар Европын орнууд Оросын газрын тосноос татгалзахаар болсон юм. Ийм нөхцөлд ОХУ газрын тосны борлуулалтын хэмжээгээ хадгалж үлдэхийн тулд Азийн орнууд руу гол анхаарлаа хандуулж байгаа гэж Блүмберг агентлаг мэдээлжээ.
Наймдугаар сарын 24-ний өдөр Украины тусгаар тогтнолын өдөр тохиолоо. Энэ өдөр АНУ Украинд нэмэлт тусламж үзүүлэхээр болсноо зарласан байна. АНУ-ын үзүүлэх энэхүү тусламж нь урьд хожид байгаагүй өндөр буюу гурван тэрбум орчим долларын үнийн дүнтэй гэж DW агентлаг мэдээлжээ.
Их Британийн Ерөнхий сайд албан тушаалаасаа бууна гэдгээ зарласан Борис Жонсон Украины нийслэлд гэнэтийн айлчлал хийжээ. Тэрбээр энэ айлчлалынхаа үеэр барууны орнуудын иргэдэд хандан эрчим хүчний хямралаас үүдэлтэй үнийн өсөлтийг даван гарч, Оросын түрэмгийлэлтэй тэмцэхэд нь Украинд үргэлжлүүлэн туслахыг уриалсан байна.
Наймдугаар сарын 20-ны өдөр Унгарт гэгээн Иштваны өдөр гэгдэх үндэсний баяр тохиожээ. Энэ баярыг унгарчууд өргөн дэлгэр тэмдэглэдэг бөгөөд энэ жил ч мөн Будапешт хотын эрх баригчид хотын оршин суугчид болон зочдоо баярлуулахаар урьд хожид байгаагүй томоохон ёслолын буудлага хийхээр төлөвлөж байсан гэнэ.
Израилийн "Ликуд" намын тэргүүн, Ерөнхий сайд асан Биньямин Нетаньяхуг сурталчлах ажил хийдэг улс төрийн технологичд нэгэн өвөрмөц алхам хийжээ.
БНХАУ Тайвань руу халдвал арлын зүгээс ижил хариу барина гэж Тайванийн захиргааны тэргүүн сүрдүүлсэн талаар Регнум агентлаг мэдээлжээ.
Их Британийн Гадаад хэргийн сайд, өдгөө Ерөнхий сайдад нэр дэвшиж байгаа Лиз Трасс сонгуульд ялсан тохиолдолд Оросын талаарх тагнуулын мэдээг задлана гэж мэдэгджээ.
Оросын Екатеринбург хотын дарга асан Евгений Ройзман баривчлагдсан талаар ВВС агентлаг мэдээлжээ. Түүнийг Оросын армийн нэр хүндийг гутаасан гэсэн эрүүгийн хэрэгт сэжиглэн саатуулсан нь энэ аж.
Оросын түүхий эдээс хамааралтай байхгүйн тулд Герман улс Канадын байгалийн шингэрүүлсэн хий ашиглах эрмэлзэлтэй байгаа гэж Германы канцлер Олаф Шольц мэдэгджээ
Европт нүүрлэсэн ган гачигтай холбоотойгоор эрдэмтдийн судалгаа бүхий илтгэлийг Еврокомиссын Нэгдсэн судалгааны төв танилцуулжээ. Энэ илтгэлд Европ тивийн нутаг дэвсгэрийн гуравны хоёрт нь сүүлийн 500 жилд тохиож байгаагүй их ган гачиг нүүрлэсэн, цаашид энэ байдал даамжирж болзошгүй гэсэн эрдэмтдийн дүгнэлт багтсан байна.
Politico сонины мэдээлснээр, Пол Пелоси согтуугаар жолоо барьсан гэм буруугаа хүлээсэн бөгөөд шүүгч түүнийг таван өдөр баривчлан саатуулах, албадан хөдөлмөр эрхлүүлэх, торгууль төлөх гэсэн шийтгэл оноосон байна.
Орос улс Украин руу түрэмгийлж эхэлснээс хойш Украины улсын төсвийн зарцуулалт нэг их наяд гривень болсон гэнэ. Энэ талаар Украины Ерөнхий сайд Денис Шмыгаль наймдугаар сарын 23-ны өдөр болсон Сайд нарын танхимын хурал дээр мэдэгдсэнийг Украины Засгийн газрын албан ёсны цахим хуудас мэдээлжээ.
Их Британийн Ерөнхий сайдын албан тушаалыг хаших эрхийн төлөө өрсөлдөж байгаа, тус улсын Гадаад хэргийн сайд Лиз Трасс шаардлагатай бол цөмийн зэвсэг ашиглахад бэлэн хэмээн мэдэгджээ.