Украины ерөнхийлөгч Владимир Зеленский пүрэв гарагт Истанбулд болох энхийн гэрээ байгуулах асуудлаар хэлэлцээнд оролцохыг В.Путинд уриалсан. Хэрэв В.Путин өөрийн биеэр ирж уулзалтад оролцохгүй бол ОХУ-ын төлөөлөгчидтэй энхийн гэрээ байгуулах хэлэлцээ хийхгүй гэж мэдэгдсэн юм. Гэвч Истанбулд болох уг хэлэлцээнд ОХУ-ын Ерөнхийлөгч В.Путин оролцохгүй хэмээн Кремль мэдэгдлээ. Харин В.Путиныг төлөөлж түүний туслах туслах Владимир Мединский ОХУ-ын төлөөлнө гэв.
Украины Ерөнхийлөгч В.Зеленский ОХУ-ын Ерөнхийлөгч В. Путинтэй зөвхөн биечлэн уулзана гэж мэдэгдлээ. В.Зеленский ОХУ-ын төлөөлөгчидтэй хэлэлцээ хийхээс албан ёсоор татгалзаж, Владимир Путин өөрийн биеэр Истанбулд ирвэл хэлэлцээ хийнэ гэж мэдэгдсэн байна.
Дэлхийн хамгийн ядуу ерөнхийлөгч гэгддэг Уругвайн Ерөнхийлөгч асан Хосе Мухика таалал төгслөө. Тэрээр 2010-2015 онд Уругвайн Ерөнхийлөгчөөр ажиллаж байсан бөгөөд даруухан амьдралын хэв маягаараа дэлхийд алдаршсан нэгэн байв. Түүнийг таалал төгссөн мэдээллийг одоогийн Ерөнхийлөгч Яманду Орси мэдэгдсэн бөгөөд өөрийн Х дэх хуудаснаа "Бидэнд өгсөн бүгдэд тань талархая, ард түмнээ хайрласанд баярлалаа" хэмээн нийтэлжээ.
АНУ БНХАУ-ын Temu Shein зэрэг цахим худалдааны сайтын жижиг илгээмжид ногдуулах импортын тарифыг буурууллаа. АНУ-ын Ерөнхийлөгч Дональд Трамп БНХАУ-тай бараа бүтээгдэхүүний татварыг харилцан 90 хоногийн хугацаатай бууруулах тохиролцоонд хүрээд буй. Энэ хүрээнд БНХАУ-аас болон ХонгКонгоос илгээгддэг цахим худалдааны сайтын жижиг илгээмжүүдын тариф 54 хувь болж буурлаа.
Израилын арми Газрын зурвас дахь Хан Юнис дэх эмнэлэгт агаарын цохилт өглөө. Агаарын цохилтын улмаас 28 хүн амиа алдсан бөгөөд олон хүн бэртэж гэмтжээ. Израилын зүгээс эмнэлгийн дээрээс нэгэн зэрэг зургаан бөмбөг хаясан байна. Ингэхдээ эхлээд эмнэлэгийн тойрон бүсэлж, аврах ажиллагаа явуулах боломжгүй болгосон аж. 28 энгийн иргэний аминд хүрсэн уг цохилтын дараа Израилын армийн зүгээс мэдэгдэл хийж "Хамас бүлэглэлийн алан хядагчдын байрлаж буй хяналтын төвд нарийвчилсан цохилт өгсөн. Уг бай нь эмнэлэгийн хонгилд байсан гэжээ
“Samsung Electronics” компани хамгийн нимгэн ухаалаг утас “Galaxy S25 Edge” загвараа олон нийтэд танилцууллаа. "Хязгаараас давсан нимгэн" уриан дор нээлтээ хийсэн энэхүү утас нь хөнгөн бөгөөд хүчирхэг ажиллагаатай гэдгээрээ онцлог. Samsung “Galaxy S” цувралуудын хамгийн нимгэн загвар болж буй “Galaxy S25 Edge” нь ердөө 5.8 мм зузаантай. Харин бусад загварын нь хувьд буюу энгийн “S25” 7.2 мм, “S25 Plus” 7.6 мм, “S25 Ultra” 8.2 мм зузаантай байна. Жингийн хувьд “S25 Edge” нь 163 гр бол стандарт “S25” нь 162 гр аж.
Дэлхийн хамгийн нэр хүндтэй, тансаг зэрэглэлийн цагны брэндийн нэг бол яах аргагүй Rolex. Амжилт, нэр хүнд, чанарын илэрхийлэл болсон Rolex цаг зүүсэн эзнээ хэн бэ гэдгийг тодорхойлж шууд л олны анхааралд оруулж өгдөг. Нэг үгээр хэлбэл Rolex брэнд улстөрчдөд карьерынх нь эрлэг, бизнесийнхэнд нэр хүндийн баталгаа болдог нь нууц биш. Уил ирэх тусам үнэ цэн нь нэмэгдэж, хөрөнгө ухаалаг хөрөнгө оруулалт болдог Rolex цагны дуулианд холбогдож улс төрийн карьертаа цэг хатгаж байсан дэлхийн олон улс төрчид бий.
АНУ Өмнөд Африкийн цагаан арьст дүрвэгсдийг хүлээн авч албан ёсны статус олголоо. АНУ-ын хувьд цагаачлалын эсрэг бодлого баримтлаж, хууль бусаар оршин суух иргэдийг хөөн гаргаж байгаа ч цагаан арьст дүрвэгсдийг халуун дотноор угтан авч буй нь олон улсын анхаарлыг татаж байна.
78 дахь удаагийн Каннын кино наадам мягмар гарагт эхэлнэ. Энэ удаагийн Каннын кино наадамд алдартнууд шинэ дүрэм журмын дагуу улаан хивсний ёслолд оролцоно гэж зохион байгуулагчдын зүгээс мэдэгдлээ. Тодруулбал, Каннын кино наадмын улаан хивсний ёслолыг энэ жил урьд урьдынхаас хатуу хяналтын дор зохион байгуулах бөгөөд хэт задгай, нэвт гэрэлтсэн хувцас өмсөхийг хатуу хоригложээ.
Хар тамхины дайн хийж, олон мянган хүний аминд хүрсэн хэргээр Гаагт саатуулагдсан Филиппины Ерөнхийлөгч асан Родриго Дутерте Давао хотын захирагчаар дахин сонгогдох нь тодорхой боллоо. Хотын даргын сонгуулийн саналын 80 хувийг тоолсны дараа Родриго Дутерте хамгийн хүчтэй өрсөлдөгчөөсөө найм дахин олон санал авсан байна. Өдгөө Нидерландад саатуулагдаж буй түүний ялалт улс төрийн нэр хүнд хэвээр байгааг харуулж байна.
Одоогоор АНУ болон БНХАУ-ын төлөөлөгчид хэлэлцээ хийж АНУ-ын талаас импортын тарифыг 90 хоногийн хугацаанд 30 хувиар бууруулахаа мэдээлжээ. Үр дүнд нь АНУ-ын эдийн засгийн уналтад орох магадлал 60%-иас 45%-иар буураад байна.
Талибаны засгийн газар шатрыг тодорхойгүй хугацаагаар хориглосон бөгөөд Исламын шашинд нийцэх эсэх нь тодорхой болтол хориг тавьсан гэж мэдэгджээ. Талибан засгийн газрын Спортын газрын төлөөлөгч Аталь Машвани хэлэхдээ шатар бол “мөрийтэй тоглоомын нэг хэлбэр” гэсэн байна.
АНУ-ын Ерөнхийлөгч Дональд Трамп мягмар гарагт Персийн булангийн гурван оронд айлчилна. Газрын тосоор баялаг Саудын Араб, Катар, Нэгдсэн Арабын Эмират улсууд Дональд Трамптай харилцаагаа зузаатгаж, АНУ-д их хэмжээний хөрөнгө оруулалт хийхээ амлаад буй. Дональд Трампын энэ удаагийн айлчлалын зорилго болоод гол хүлээлт нь юу байх вэ?
АНУ, БНХАУ-ын төлөөлөгчид худалдааны асуудлаар хэлэлцээ хийлээ. АНУ-ын сангийн сайд Скотт Бессент БНХАУ-ын төлөөлөгчидтэй хийсэн хэлэлцээнд ахиц дэвшил гарсан хэмээн онцолжээ. Дэлхийд эдийн засгаараа тэргүүлж буй улсуудын төлөөлөгчид ийнхүү яриа хэлэлцээндээ ахиц гаргасан мэдээллийн дараа хөрөнгийн зах зээл сэргэж эхэллээ. Тодруулбал, Dow jones 1.03% буюу 427.66 нэгжээр, S&P 500 индекс 1.31%-иар буюу 75.8 нэгжээр технологийн Nasdaq Composite 1.71%-иар буюу 348.19 нэгжээр тус тус өссөн байна.
Биткоины ханш энэ оны нэгдүгээр сарын 31-нээс хойш анх удаа 105,000 ам.долларыг давсан байна. Шинжээчдийн үзэж байгаагаар ам.долларт итгэх хөрөнгө оруулагчдын итгэл буурч, худалдааны шинэ дайнаас үүдэлтэй тодорхойгүй байдал нэмэгдэж байгаа нь зах зээлд болгоомжлол үүсгэжээ.
Энэ сарын 11-ний өдөр Энэтхэг Пакистан гал зогсоох тохиролцоонд хүрсэн. АНУ-ын зуучлалаар гал зогсоосон ч бүтэн сайны өглөөнөөс эхлэн бие биедээ цохилт өгч эхэлсэн байна. Талууд бямба гарагийн оройн 05:00 цагт бүх талбарт гал зогсооно гэж санал нэгдсэн" тухай Пакистаны гадаад хэргийн сайд Ишак Дар мэдээлсэн байдаг.
Украины Ерөнхийлөгч В.Зеленский ОХУ-ын Ерөнхийлөгч В.Путинтэй уулзахад бэлэн байгаагаа илэрхийллээ. Тэрээр, “Хүний амь нас эрсдэж буй дайныг сунжруулах нь утгагүй юм. В.Путиныг пүрэв гарагт Истанбулд хүлээж байя” гэж өөрийн Х хаягтаа жиргэжээ.
Төвдөд 5.6 магнитудын хүчтэй газар хөдлөлт болсон тухай Европ, Газар дундын тэнгисийн газар хөдлөлт судлалын төв мэдээллээ. Газар хөдлөлт 80 мянга орчим хүн амтай Төвдийн Шигацэ хотоос баруун өмнө зүгт ойролцоогоор 133 километрийн зайд болжээ. Газар хөдлөлтийн голомт 12 километрийн гүнд байсан хэмээн тогтоожээ.
Колумбын их сургуулийн төв номын сангийн талбайд Палестиныг дэмжигч оюутнуудын жагсаал боллоо. Нью-Йоркийн цагдаагийн газраас уг жагсаалыг хүчээр тарааж, гол зохион байгуулагчдыг нь баривчилжээ.
Дараагийн Ромын пап, католик шашны тэргүүнийг сонгох үйл явц өчигдөр (2025.05.07) албан ёсоор эхэлсэн. Дэлхийн өнцөг булан бүрээс Ватиканд хүрэлцэн ирсэн 133 кардинал 267 дахь папыг сонгох эрхээ эдэлж байна.