Ираны дээд удирдагч Аятолла Али Хаменеи мэдэгдэл хийлээ. Түүний хувьд Иран Израил гал зогсоох тохиролцоонд хүрсэнээс хойш анх удаа ил гарч, видео мэдэгдэл хийж байна. Мөргөлдөөн эхэлснээс хойш нууц байршилд бүгээд буй Аятолла Али Хаменеи “АНУ Ираны цөмийн байгууламжуудад цохилт өгсөн ч амжилтгүй болсон”. Учир нь АНУ-ын халдлагын өмнө бүх нөөцөө зөөсөн байсан. Тиймээс Ираны цөмийн хөтөлбөр цаашид тасалдахгүй гэж мэдэгдэлдээ дурдлаа.
Одоогоор үерийн эрсдлийн түвшин өндөр хэвээр байгаа тул эрх баригчид улаан түвшний анхааруулга өгч, аврах ажиллагааг үргэлжлүүлж байна. Хятадын эрхбаригчид өмнөд бүс нутгуудад үерийн аюул нүүрлэсэнтэй холбогдуулан үер, аврах ажиллагаанд 15 сая орчим ам.доллар зарцуулж байна
АНУ-ын агаарын довтолгоонд Ираны гурван ч цөмийн байгууламж сүйдсэн. Энэ байгууламжууд эргэн сэргэхэд урт хугацаа шаардагдах төлөвтэй байна гэж АНУ-ын тагнуулын төв агентлагийн захирал Жон Рэтклифф мэдэгдлээ. Ираны хувьд уран баяжуулах цөмийн гурван байгууламж болон Натанз, уран баяжуулах болон центрифугийн үйлдвэрлэлийн цех байрладаг Исфахан бүрмөсөн устсан бол Натанз болон Фордогийн үйл ажиллагаа хэвийн үргэлжлэх боломжгүй болжээ.
АНУ-ын Д.Трамп Украины Ерөнхийлөгч В.Зеленксий нар НАТО-ын дээд хэмжээний уулзалтын үеэр уулзлаа. Д.Трамп В.Зеленский нар хамгийн сүүлд Ромын Пап Францискийн оршуулгын ёслол дээр уулзсан байдаг. Удирдагчид энэ удаагийн уулзалтаар Орос-Украины дайныг дуусгах, энхийн гэрээ байгуулах асуудлыг дахин хэлэлцсэн бөгөөд Д.Трампын зүгээс АНУ-ын гаргаж буй хүчин чармайлтыг үр дүнгүй болох ёсгүй гэх байр суурийг илэрхийлжээ.
Гуйжоу хотод түүхэнд байгаагүй хамгийн том үер боллоо
Meta “fact-check” системээ зогсоож, хэрэглэгчдийн оролцоонд суурилсан шинэ хэлбэрт шилжихээ мэдэгдсэн. Тодруулбал, Meta компанийн үүсгэн байгуулагч Марк Зукерберг 2025 оны 1-р сарын 7-нд хийсэн мэдэгдэлдээ, Facebook-ийн мэдээллийн үнэн бодит байдлыг шалгадаг “fact-check” системийг зогсоож, оронд нь олон нийтийн оролцоонд тулгуурласан шинэ хяналтын хэлбэрт шилжинэ гэдгээ зарласан байдаг.
АНУ-ын Ерөнхийлөгч Дональд Трамп Иран Израил гал зогсооно хэмээн мэдэгдсэн. Уг мэдэгдлийг Ираны тал хүлээн зөвшөөрч 13 хоног үргэлжилсэн мөргөлдөөн дуусгавар болох нь. Дональд Трампын мэдэгдэж байгаагаар талуудын гал зогсоох хэлэлцээ 24 цагийн дараа хэрэгжиж эхэлнэ.
Дэлхийн газрын тосны нийлүүлэлтийн чухал суваг Ормузын хоолойг хаана гэх Иран сүрдүүлэг нефтийн үнийг сүүлийн 5 сарын хамгийн дээд түвшинд хүргээд буй. Дэлхийн газрын тосны нийлүүлэлтэд хомстол үүсгэж, араасаа үнийн өсөлт, инфляц, эдийн засгийн хямрал дагуулж мэдэх Ираны сүрдүүлэг ноцтой үр дагавар үүсгэх эрсдэлтэй байна. АНУ-ын төрийн нарийн бичгийн дарга Марк Рубио (2025.06.23) Ираны сүрдүүлгийг зогсоохыг Хятадад уриаллаа.
Хэрэв АНУ-ын дайралтын хариу болгож Иран Ормузын хоолойг хаасан тохиолдолд дэлхий даяар газрын тосны нийлүүлэлт тасалдаж, үнэ өснө. Үүнийг дагаад дэлхий даяар инфляци, үнийн өсөлт үргэлжилж эдийн засгийн өсөлт саарна. Энэ байдалд манай улсад ч нөлөөлөнө. Учир нь дэлхий даяар газрын тосны үнэ өсвөл ОХУ-ын Роснефть зэрэг нийлүүлэгчид ч шатахууны үнээ нэмнэ гэсэн үг. Хэрэв Роснефть шатахууны үнээ өсгөвөл монголд бүх төрлийн барааны үнэ өсөж, иргэдийн амжиргаа муудна. Мөн гадаадын хөрөнгө оруулалт багасаж, валютын ханш савлана. Хэрэв газрын тосны тодорхой хэмжээг ОПЕК-оос импортолдог Хятадын эдийн засаг цохилтод орвол Монголын нүүрсний экспорт ч одоо байгаагаас ч агшиж магадгүй.
Ираны пуужингийн довтолгоонд (2025.06.19) Израилын хэд хэдэн хот өртжээ. Times of Israel сонинд дурдсанаар Ираны довтолгоонд Тель-Авив, Рамат-Ган, Холон болон Беэр-Шева зэрэг хотууд өртсөн бөгөөд тус халдлагын улмаас Беэр-Шева хот дахь хамгийн том эмнэлэг сүйджээ.
Францын Ерөнхийлөгч Эммануэль Макрон Канадад болж буй “Их долоогийн бүлгийн” уулзалтад оролцож байна. “Их долоогийн бүлгийн” удирдагчид Израил Ираны мөргөлдөөнийг нэн даруй зогсоох асуудлыг нухацтай хэлэлцэж байна хэмээн Эммануэль Макрон онцолжээ.
Израил Ираны мөргөлдөөн 5 дахь өдөртөө үргэлжилж байна. Ираны эрүүл мэндийн яамны мэдээлснээр баасан гарагаас хойш Израилын пуужингийн довтолгоонд өртөж амь насаа алдсан хүмүүсийн тоо 225-д хүрсэн гэв. АНУ-ын хувьд Израил Ираны дайнд оролцохгүй гэж албан ёсоор мэдэгдээд байна. АНУ-ын Ерөнхийлөгч Дональд Трампын хувьд Ойрхи Дорнодын нөхцөл байдал ширүүсэж байгаа учраас Канадад болж буй “Их долоогийн уулзалтаа богиносгож байна” гэж CNN мэдээлжээ. Тэрээр Ираны нийслэл Тегеранаас 10 орчим сая оршин суугчдын нүүлгэн шилжүүлэхийг зөвлөөд байна.
Иран Израилын мөргөлдөөн 4 дэх өдрөө үргэлжилж байна. Израил болон Ираны талууд харилцан агаарын довтолгоо хийж буй бөгөөд хохирогчдын тоо нэмэгдсээр байна. Иранд баасан гарагаас хойш амиа алдсан хүмүүсийн тоо 220-д хүрсэн бол Израилын талаас 19 хүн амиа алджээ.
Израилын арми ХАМАС бүлэглэлийн удирдагч Мохаммед Синварын цогцсыг олсон бөгөөд ДНХ-ийн шинжилгээгээр баталгаажуулснаа мэдэгдлээ. Мохаммед Синварын цогцсыг Хан Юнис хотын Европ эмнэлгийн хонгилоос олсон бөгөөд түүнд холбогдох хэд хэдэн ноцтой баримтууд илэрсэн гэж Израилын Батлан хамгаалах хүчин мэдэгдсэн байна.
АНУ-ын Лос-Анжелес хотноо Ерөнхийлөгч Дональд Трампын эсрэг жагсаал 3 дахь өдрөө үргэлжилж байна. Уг жагсаал тайван жагсаалаар эхэлсэн ч Ерөнхийлөгч Дональд Трамп Үндэсний гвардын 2000 орчим цэргийг жагсагчдийн эсрэг оруулснаар тэмцэл хурц хэлбэрт шилжиж, мөргөлдөөн үүссэн юм.
Украин өнгөрсөн амралтын өдрүүдээр ОХУ-ын 4 баазад цохилт өгч сөнөөгч онгоцуудынх нь 34 хувийг буюу 40 онгоцыг устгасан. Гэнэдүүлж довтолсон уг цохилтод ОХУ 7 тэрбум гаруй долларын хохирол амсаад байгаа. Тэгвэл ОХУ лхагва гарагт Украины хотуудад хариу цохилт өглөө.
АНУ-ын Ерөнхийлөгч Дональд Трамп Теслагийн үүсгэн байгуулагч Элон Маск нар тангараг тасарснаар АНУ-ын улс төр бужигнаж эхэлжээ. Тухайлбал Дональд Трампын засгийн газрын үйл ажиллагааг шүүмжлэх Конгрессын гишүүд нэмэгдэж, тарифын асуудлыг намжааж, татварыг бууруулах ёстой хэмээн байр сууриа илэрхийлцгээж байна.
Европын холбоо Хятадад газрын ховор элементийн экспортын хязгаарлалтаа сулруулахыг уриаллаа. Учир нь Хятад газрын ховор элементийн экспортдоо хязгаарлалт тавьснаас үүдэн Европ, АНУ-ын нийлүүлэлт тасалдаж, автомашины үйлдвэрлэл тасалдахад хүрээд байна.
АНУ-ын Ерөнхийлөгч Дональд Трамп түүний холбоотон Элон Маск нар муудалцжээ. Элон Маскийн хувьд Дональд Трампын засгийн газрын авч хэрэгжүүлж буй татварын нэмэгдэл, үйл ажиллагааны зардал танах зэрэг үйл ажиллагааг хурцаар шүүмжилж эхэлжээ.
Оросын төрийн мэдээллийн агентлагууд Орос улс энхийн санамж бичигтээ гал зогсоох хоёр "сонголт" тавьсан гэж мэдээлэв. Эхний хувилбарт Кремль Украины Донецк, Луганск, Херсон, Запорожье мужуудаас Украины Зэвсэгт хүчнийг бүрэн гаргах тухай тусгасан. ОХУ-ын зүгээс 2022 оноос эхлэн тус бүс нутгуудыг өөртөө нэгтгэх оролдлого хийж зарим газарт хяналтаа тогтоосон ч бүрэн эзэлж чадаагүй билээ. Харин “Багцын гэрээ” гэж нэрлэгдсэн хоёр дахь хувилбарт Украины армид үзүүлж буй барууны цэргийн тусламжуудыг, тэр дундаа тагнуулын мэдээлэл хуваалцах алхамыг бүрэн зогсоох тухай тусгажээ.